1 पतरस 3:4 - Halbi

⁴ मान्तर तुमचो लुकलो बिती आउर गुपत माने, नम्रता आउर मन चो दिनता चो अमर सजावट ले सजुन रवत, कसनबल्लोने माहापुरू चो नजर ने ऐचो मोल बड़े आय।

परमेस्वर को सच्चो वचन ख जाननू

⁴ यानी कि तुमारो छिपो हुओ अर लुकाम मनुस्यत्व, नम्र हुन अर मन कि दीन हुन कि अविनासी सजावट से सुसज्जित रय्हे, काहेकि परमेस्वर कि आँखी म एको किमत बड़ो हैं।

1 पतरस 3:4 Iomraidhean Croise

मत्ती 11:29

मोचो जुआंड़ी आपलो उपरे उठाआ; आउर मोचो ले सिका; कसनबल्लोने मय सोज आउर मन ने दिन आंय: आउर तुमी आपलो मन ने आराम पाहासे।

मत्ती 21:5

“सिय्योन चो बेटी ले बला, ‘दक, तुचो राजा तुचो लगे ऐये से; हुन सोज आय, आउर गदाहा थाने बसलो से; मान्तर गदही चो पिला उपरे।’”

मत्ती 23:26

हे काना फरीसी, पयले बटका आउर थारी के भीतर ले मांज कि हुन बाहरे बले छुक-छुका होओ।

मत्ती 5:5

“धन्य आत हुनमन, जोन सोज आत, कसनबल्लोने हुनमन धरतनी चो अधिकारी होदे।”

लूका 11:40

हे बेअकलमन, जोन बाहार चो हिस्सा बनालो, काय हुन भितर चो हिस्सा नी बनालो?

लूका 16:15

हुन हुनमन ले बल्लो, “तुमी तो मानेमन चो पुरे आपन खुद के धरमी ठेबाऊ आस, मान्तर माहापुरू तुमचो मन के जानु आय, कसनबल्लोने जोन तीज मानेमन चो नजर ने बड़े आय, हुन माहापुरू चो लगे घिन-घिना आय।

रोमियो 1:23

आउर विनाश नी होतो बिता माहापुरू चो महिमा के नाशवान माने, आउर चड़ीईमन, आउर चार पाँयामन, आउर रेंगतो बिती जन्तुमन चो मुरती चो बराबर ने बदला।

रोमियो 2:29

मान्तर यहूदी हुनी आय जोन मन ने आसे; आउर खतना हुनी आय जोन मन चो आउर आत्मा ने आसे, ना कि लेखा चो; असन चो हरिक मानेमन चो बाटले नुआय, मान्तर माहापुरू चो बाटले होऊ आय।

रोमियो 6:6

आमी जानुन से कि आमचो जुना मानेरूप हुनचो संगे कुरूस थाने चेगाया गेली बल्ले पाप चो देंह फकाहा होऊन जाओ, आउर आमी पयले ले पाप चो दास रऊँ।

रोमियो 7:22

कसनबल्लोने मय भीतरी मानेरूप ले तो माहापुरू चो नियम ले खुबे हरिक रऊ आंय।

2 कुरिन्थियो 10:1

मय हुनी पौलुस जोन तुमचो पुरे सोज आंय मान्तर पाट पाटे तुमचो बाटे साआस करू आंय, तुमके मसीह चो नम्रता आउर कोमलता चो कारन समजायें से।

2 कुरिन्थियो 4:16

ऐईकाजे आमी हिम्मत नी छांडु; अगर आमचो बाहरी मानेरूप नष्ट होते जाऊ आय तेबले बले आमचो भीतरी मानेरूप दिन-दिन नवा होते जाऊ आय।

गलातियो 5:23

सोज, आउर सहन आय, असन-असन काममन चो बिरूद ने काई बले नियम निआय।

इफिसीयो 4:2

बल्लोने पूईतराय दिनता आउर नम्रता संगे, आउर धीरज धरून भाती मया ले गोटक दुसर चो सहा;

कुलुस्सियो 3:12

ऐईकाजे माहापुरू चो चुनलो बितामन चो असन जोन पवितर आउर लाड़रा आय, बड़े करूना, आउर भलाई, आउर दिनता, आउर नम्रता, आउर सयनशक्ति धारन करा,

कुलुस्सियो 3:3

कसनबल्लोने तुमी तो मरून गेलास आउर तुमचो जीवन मसीह चो संगे माहापुरू ने लुकलोर आसे।

1 थिस्सलुनीकियो 4:11

आउर जसन आमीमन तुमके हुकुम दिलु से, असने ची ओगाय रतोर आउर आपलो-आपलो काम धाम करतोर आउर आपलो-आपलो हाथमन ले कमातोर कोशिश करा;

2 थिस्सलुनीकियो 3:12

असनमन के आमी परबु ईशु मसीह ने हुकुम देऊ आंव आउर समजाऊँ आंव कि चिमनाय काम करून भाती आपलो ची रोटी खाओत।

1तीमुथियुस 2:2

राजामन आउर सपाय ऊँचा पन बितामन चो लागुन ऐईकाजे कि आमी आराम आउर असतीर चो संगे सपाय भक्ति आउर गमभीरता ले जीवना बिताऊ।

2 तीमुथियुस 2:25

हुन बिरूदीमन के नम्रता ले समजाओ, काय जाने माहापुरू हुनमन के मन फिराव चो मन देओ कि हुनमन बले सत के चिता ओत,

तीतुस 3:2

काकीई दोष नी लगाआ, झगड़ा बिता नी होओ; मान्तर कोमल स्वभाव चो होओ, आउर सपाय मानेमन चो संगे बड़े सोज चो संगे रओ।

याकूब 1:21

ऐईकाजे सपाय घिन-घिना आउर बईरभाव चो बाड़ती के धुर करून, हुन बचन के नम्रता ले गरहन करा जोन कारजा ने बुना गेली आउर जोन तुमचो परानमन चो मुक्ति करूक सके।

1 पतरस 1:23

कसनबल्लोने तुमनमन नाशवान नाई मान्तर अविनाशी बीज ले, माहापुरू चो जीवता आउर हरमेशा ठेबतो बिती बचन चो दुवारा नवा जनम पावलासास।

1 पतरस 3:15

मान्तर मसीह के परबु जानुन भाती आपलो-आपलो मन ने पवितर माना। जोन कोनी तुमचो ले तुमचो आशा चो बारे ने काई पचार दे, हुनके जबाप देतो काजे हरमेशा तिआर राहा, मान्तर नम्रता आउर भय चो संगे;