1 पतरस 3:18 - Halbi

¹⁸ ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

परमेस्वर को सच्चो वचन ख जाननू

¹⁸ एकोलाने कि मसी न भी, याने अधर्मी हुन को लाने धरमी न, पाप हुन का लाने एक बार दुख उठायो, काहेकि हम ख परमेस्वर को नजदीक पहुँचाए; उ सरीर का भाव से ते जख्म कियो गयो, पर आत्मा ख भाव से जिलायो गयो।

1 पतरस 3:18 Iomraidhean Croise

मत्ती 27:19

जिदलदाय हुन नियाय आसन थाने बसु रलो तेबे हुनचो बायले हुनचो ले खबर पठाली, “तुय हुन धरमी चो मामला ने हाथ नी डाल, कसनबल्लोने मय आजी सपना ने हुनचो लागुन खुबे दुख उठाले से।”

मत्ती 27:24

जिदलदाय पिलातुस दकलो कि काई बन नी पढ़े से मान्तर ऐचो उलटा कोलार बड़ते जाये से, तेबे हुन पानी धरून भीड़ चो पुरे आपलो हाथ धोहलो आउर बल्लो, “मय ऐ धरमी चो लऊ ले बेकसूर आंय; तुमी ची जाना।”

यूहन्ना 16:10

आउर धारमिकता चो बारे ने ऐईकाजे कि मय बुआ चो लगे जायें से, आउर तुमी मोके फेर नी दका से;

प्रेरितो 22:14

तेबे हुन बल्लो, आमचो बुआ दादीमन चो माहापुरू तुके ऐईकाजे ठेबालो से कि तुय हुनचो इच्छा के जान, आउर हुन धरमी के दक आउर हुनचो मुंह ले गोठमन सुन।

प्रेरितो 3:14

तुमीमन हुन पवितर आउर धरमी चो इन्कार करलास, आउर बिनती करलास कि गोटक हत्या करू के तुमचो काजे छांडुन दिया जाओ;

रोमियो 1:4

आउर पवितरता चो आत्मा चो बाटले मरलो बितामन थानले जीव उठतोर कारन सामरत चो संगे माहापुरू चो बेटा ठेबलो से।

रोमियो 4:25

हुन आमचो अपराधमन काजे धराय गेलो, आउर आमचो धरमी ठेबतो काजे जिआय बले गेलो।

रोमियो 5:2

जेचो कारन बिश्वास चो लागुन हुन अनुग्रह ले जोन थाने आमी बनलु से, आमचो पहुँच बले होली, आउर माहापुरू चो महिमा चो आशा थाने घमण्ड करू।

रोमियो 8:11

अगर हुनचेई आत्मा जेचो ने ईशु के मरलो बितामन थानले जिआलो, तुमनमन ने बसलोर आसे; तेबे जोन मसीह के मरलो बितामन थानले जिआलो, हुन तुमचो नाश होतो बिती देंहमन के बले आपलो आत्मा चो बाटले जोन तुमनमन ने बसलोर आसे, जिआय दे।

रोमियो 8:3

कसनबल्लोने जोन काम नियम देंह चो लागुन कमजोर होऊन भाती नी करूक सकली, हुनके माहापुरू करलो, बल्लोने आपलो ची बेटा के पापमय देंह चो बराबरी ने आउर पापबली होतो काजे पटाऊन भाती, देंह ने पाप चो उपरे डण्ड चो हुकुम दिलो।

2 कुरिन्थियो 1:24

ऐ नाई कि आमी बिश्वास चो बारे ने तुमचो उपरे परभुता जतातोर चाहाऊं से; मान्तर तुमचो हरिक ले सायक आय कसनबल्लोने तुमी बिश्वास ची ले थीर रऊ आस।

2 कुरिन्थियो 13:4

हुन कमजोरी चो लागुन कुरूस उपरे चेगाया गेलो, तेबले बले माहापुरू चो सामरत ले जीव आसे। आमी बले हुन थाने कमजोर आंसु, मान्तर माहापुरू चो सामरत ले जोन तुमचो काजे आसे, हुनचो संगे जिऊन्दे।

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

गलातियो 1:4

हुन आपन खुद के आमचो पापमन चो काजे देउन दिलो, बल्ले आमचो माहापुरू आउर बुआ चो इच्छा चो अनुसार आमके ऐई समया खराप संवसार ले छंड़ाओ।

गलातियो 3:13

मसीह जोन आमचो काजे शरापित बनलो, आमके घेनुन भाती नियम चो शराप ले छंडालो, कसनबल्लोने लिकलोर आसे, “जोन कोनी काठ उपरे लटकाया जाऊ आय हुन शरापित आय।”

इफिसीयो 3:12

जोन थाने आमके हुनचो उपरे बिश्वास करलो ले साहास आउर भरसा चो संगे माहापुरू चो लगे ऐतोर अधिकार आसे।

तीतुस 2:14

जोन आपन खुद के आमचो काजे देउन दिलो कि आमके हर परकार चो अधरम ले छंड़ाओ, आउर शुद्ध करून आपलो काजे गोटक असन जाति बनाओ जोन अच्छा-अच्छा काममन ने पुरे-पुरे होओ।

इब्रानियो 10:10

हुनी इच्छा ले आमी ईशु मसीह चो देंह चो गोटक ची हार-बलिदान चेगाया गेलोर दुवारा पवितर कराया गेलु से।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

इब्रानियो 9:26

नाहले जगत चो उपजास ले धरून भाती हुनके घन-घन दुक उठाऊक पढ़ती; मान्तर ऐबे जुग चो आखरी ने हुन गोटक ची हार परकट होलो से, बल्ले आपलो ची बलिदान चो दुवारा पाप के लापी करून देओ।

इब्रानियो 9:28

असने ची मसीह बले खुबेमन चो पापमन के उठाऊन धरतो काजे गोटक हार बलिदान होलो; आउर जोन लोग हुनचो बाट टाके सोत हुनमन चो मुक्ति चो काजे दुसरहार बिना पाप उठाऊन भाती दका देये दे।

याकूब 5:6

तुमी धरमी के दोषी थेबाऊन भाती मारून दिलास, हुन तुमचो सामना नी करतो

1 पतरस 3:19

हुनी थाने हुन जाऊन भाती कयदी आत्मामन के बले परचार करलो,

1 पतरस 4:1

ऐईकाजे जसन कि मसीह देंह ने होऊन भाती दुख उठालो तेबे तुमी बले हुनी मनसा के हत्यार चो असन धारन करा, कसनबल्लोने जोन देंह ने दुख उठालो हुन पाप ले छुटुन गेलो,

1 पतरस 4:6

कसनबल्लोने मरलो बितामन के बले नगतखबर ऐईकाजे सुनाया गेली कि देंह ने तो मानेमन चो अनुसार हुनमन चो नियाय होओ, मान्तर आत्मा ने हुनमन माहापुरू चो अनुसार जीव रवत।

1यूहन्ना 1:9

मान्तर आमी आपलो पापमन के मानुन्दे, तेबे हुन आमचो पापमन के छमा करतो आउर आमके सपाय अधरम ले शुद्ध करतो ने बिश्वास लायक आउर धरमी आय।