1 पतरस 3:16 - Halbi

¹⁶ आउर बिबक बले शुद्ध संगाहा, ऐईकाजे कि जोन गोठमन चो बारे ने तुमचो बदनामी होऊ आय हुनमन चो बारे ने हुनमन जोन मसीह ने तुमचो अच्छा चाल-चलन चो बेईजित करू आत, बेईजित होओत।

परमेस्वर को सच्चो वचन ख जाननू

¹⁶ अर मन से भी सुध्द रख जो, एकोलाने कि जीन बात हुन का बारा म तुमारी बदनामी होय हैं उनके बारा म वी, जो मसी म तुमारो अच्छो चाल चलन की बेज्जती करह हैं, लज्जित हैं।

1 पतरस 3:16 Iomraidhean Croise

मत्ती 5:11

“धन्य आस तुमी, जिदलदाय माने मोचो कारन तुमचो निन्दा करदे, आउर कन्दरा दे आउर झूठ बोलुन-बोलुन भाती तुमचो बिरूद ने सपाय परकार चो खराप गोठ बलदे।

प्रेरितो 24:16

ऐचो ले मय खुद बले कोशिश करूं आंय कि माहापुरू चो, आउर मानेमन चो बाटे मोचो बिबक सदा बेकसूर रओ।

प्रेरितो 28:22

मान्तर तुचो बिचार काय आसे? हुनी आमी तुचो ले सुनुक मन करूं से, कसनबल्लोने आमी जानु से कि हर जगा ऐ मत चो बिरूद ने लोग गोठमन करू आत।

रोमियो 9:1

मय मसीह ने सत बलेंसें, झूठ नी बलें आउर मोचो बिबक बले पवितर आत्मा ने गोहई देऊ आय।

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

2 कुरिन्थियो 4:2

मान्तर आमी लाज चो गुपत काममन के तियागुन दिलु, आउर ना चलाक ले चलु आंव आउर ना माहापुरू चो बचन ने मिलावट करू आंव; मान्तर सत के परकट करून, माहापुरू चो पुरे हरकोनी माने चो बिबक ने आपलो भलाई बसाऊ आत।

1तीमुथियुस 1:19

आउर बिश्वास आउर हुन अच्छा बिबक के थामुन रा, जेके दूर करतोर लागुन कितलोमन चो बिश्वास रूपी जाहाज बुडून गेली।

1तीमुथियुस 1:5

हुकुम चो सारांश ऐ आय कि शुद्धमन आउर अच्छा बिबक, आउर कपट रहित बिश्वास ले मया उपजास होओ।

2 तीमुथियुस 1:3

जोन माहापुरू चो सेवा मय आपलो बुआ दादीमन चो रीति थाने शुद्ध बिबक ले करें से, हुनचो धन्यबाद होओ कि मय आपलो पारथनामन ने तुके सरलगा सुरता करूं आंय,

तीतुस 2:8

आउर असन चंट रओ कि कोनी हुनके खराप नी बोलुक सकोत, जेचो ले बिरूदी आमचो उपरे कोनी दोष लगातोर मवका नी पाऊन भाती लाजे होओत।

इब्रानियो 13:18

आमचो काजे पारथना करते राहा, कसनबल्लोने आमके भरसा आसे कि आमचो बिबक शुद्ध आय आउर आमी सपाय गोठमन ने अच्छा चाल चलुक चाहाऊं से।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

1 पतरस 2:12

दुसर जातिमन ले तुमचो चाल-चलन अच्छा होओ; ऐईकाजे जोन-जोन गोठमन ने हुनमन तुमके कुकरमी जानुन भाती बदनाम करू आत, हुनमन तुमचो अच्छा काममन के दकुन भाती हुनीमन चो लागुन किरपादृष्टी चो दिने माहापुरू चो महिमा करोत।

1 पतरस 2:15

कसनबल्लोने माहापुरू चो इच्छा ऐ आय कि तुमी अच्छा काम करतोर दुवारा निरबुद्धि लोगमन चो अगिआनता चो गोठमन के ढ़ाकुन दिआस।

1 पतरस 2:19

कसनबल्लोने अगर कोनी माहापुरू चो बिचार करून अनियाय ले दुख उठाते-उठाते कलेश सहु आय तेबे ऐ बड़ीया आय।

1 पतरस 3:21

हुनी पानी चो कहनी बले, बल्लोने डूबन, ईशु मसीह चो जीव उठलोर दुवारा, अदायं तुमके बचाऊ आय; ऐचो ले देंह चो मईल के धुर करतोर मतलब नुआय, मान्तर शुद्ध बिबक ले माहापुरू चो वश ने होऊन जातोर मतलब आय।

1 पतरस 4:4

ऐचो ले हुनमन अकचकित करू आत कि तुमी असन भारी ढीलाढाला ने हुनमन चो सात नी दिआस, आउर ऐईकाजे हुनमन अच्छा खराप बोलु आत;