1 पतरस 3:1 - Halbi

¹ हे बायले लेकीमन, तुमी बले आपलो मुनुक चो अधीन राहा, ऐईकाजे कि अगर ऐ मन ले कोनी असन होओत जोन बचन के नी मानोत,

परमेस्वर को सच्चो वचन ख जाननू

¹ अरे घर वाली हुन, तुम भी अपनो घर वालो को बस म रहो, एकोलाने कि अदि इन म से कोई असो हैं जो वचन का नी माना हैं,

1 पतरस 3:1 Iomraidhean Croise

मत्ती 18:15

“अगर तुचो भाई तुचो बिरूद अपराध करो, तेबे जा आउर ऐकला ने गोठ बात करून हुनके समजाव; अगर हुन तुचो सुने दे तेबे तुय आपलो भाई के मिरालिस।

रोमियो 10:16

मान्तर सपाय हुन नगतखबर थाने कान नी लगाला। यशाया बले से, “हे परबु, कोन आमचो खबर थाने बिश्वास करलो?”

रोमियो 6:17

मान्तर माहापुरू चो धन्यबाद होओ कि तुमी जोन पाप चो दास रलास अदायं मन ले हुन उपदेश चो मानतो बिता होऊन गेलास, जेचो छछा ने डालाय जाऊ रलास,

रोमियो 7:2

कसनबल्लोने बिहा बिती बायले लेकी नियम चो असन आपलो मनुक चो जीवत-जीवत हुनचो ले बंदली से, मान्तर अगर मनुक मरून जाओ, तेबे हुन मनुक चो नियम ले छुटली।

1 कुरिन्थियो 11:3

मान्तर मय चाहायें से कि तुमी ऐ जाना कि हरकोनी चो मुंडी मसीह आय, आउर बायले लेकी चो मुंडी मनुक आय, आउर मसीह चो मुंडी माहापुरू आय।

1 कुरिन्थियो 14:34

बायले लेकी कलीसिया चो सभा ने ओगाय रवत, कसनबल्लोने हुनमन के गोठयातोर हुकुम निआय, मान्तर अधीन रतोर हुकुम आसे, जसन नियम ने लिकलोर बले आसे।

1 कुरिन्थियो 7:16

कसनबल्लोने हे बायले लेकी, तुय काय जानीस कि तुय आपलो मनुक चो मुक्ति करा से? आउर हे माने, तुय काय जानीस कि तुय आपलो बायले चो मुक्ति करा से?

इफिसीयो 5:33

मान्तर तुमचो ने हरकोनी आपलो बायले ले आपलो असन मया संगाओ, आउर बायले बले आपलो मनुक चो भय मानो।

कुलुस्सियो 3:18

हे बायलेमन, जसन परबु ने नुकु आय, असने ची आपलो-आपलो मनुक चो अधीन राहा।

कुलुस्सियो 4:5

समया के किमती समजुन भाती बाहार चो लोगमन चो संगे अकल बितामन असन बर्ताव करा।

2 थिस्सलुनीकियो 1:8

आउर जोन माहापुरू के नी चिता ओत आउर आमचो परबु ईशु चो नगतखबर के नी मानोत हुनमन ले पलटा धरे दे।

इब्रानियो 11:8

बिश्वास ची ले अब्राहाम जिदलदाय हाग दिया गेलो तेबे हुकुम मानुन भाती असन जगा निकरून गेलो जेके हक ने धरू बिता रलो; आउर ऐ नी जानते रलो कि मय कोन बाटे जायें से, तेबले बले निकरून गेलो।

इब्रानियो 5:9

आउर सिद्ध बनुन भाती, आपलो सपाय हुकुम मानतो बितामन चो काजे हरमेशा चो मुक्ति चो कारन होऊन गेलो,

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 3:2

तेबे बले तुमचो भय संगे पवितर चाल-चलन के दकुन भाती बिना बचन चो आपलो-आपलो बायले चो चाल-चलन दुवारा झिका जाओ

1 पतरस 3:7

असने ची हे मनुकमन, तुमी बले अकल ले बायलेमन चो संगे जीवना गुजारा करा, आउर बायले लेकी के कमजोर तीज जानुन भाती हुनचो ईजीत करा, ऐ समजुन भाती कि आमी दुनो जीवना चो बर चो हकदार आंव, जेचो ले तुमचो पारथनामन ठेबुन नी जाओ।

1 पतरस 4:17

कसनबल्लोने हुन समया ऐऊन अमरली से कि पयले माहापुरू चो लोगमन चो नियाय करा जाय दे; आउर जसन कि नियाय चो मुर आमचो ची ले होये दे तो हुनमन चो काय आखरी होये दे जोन माहापुरू चो नगतखबर के नी मानोत?