1 पतरस 2:7 - Halbi

⁷ आउर तुमचो काजे जोन बिश्वास करू आस हुन बड़े मोल आय, मान्तर जोन बिश्वास नी करोत हुनमन काजे “जोन पकना के राजमिस्त्रीमन बेकार ठेबाऊ रला, हुनी कोनया चो टोक होऊन गेली,”

परमेस्वर को सच्चो वचन ख जाननू

⁷ अब तुमारो लाने जो भरोसा करिये हैं उ ते बेजा किमती हैं, पर जो भरोसा नी करिये उनका लाने “जे पत्थर ख राजमिसतिरी हुन न निकम्मो ठहरायो हतो, उ कोना को सिरा हो गयो,”

1 पतरस 2:7 Iomraidhean Croise

मत्ती 21:42

ईशु हुनमन ले बल्लो, “काय तुमी केबीई पवितर शास्त्र ने ऐ नी पढ़लास: ‘जोन पकना के राजमिस्त्रीमन बेकार ठेबाऊ रवत, हुनी कोनया चो मुंडी पकना होली? ऐ परबु चो बाटले होली, आउर आमचो नजर ने भयंकर आय।’

लूका 2:32

कि हुन दुसर जातिमन के उजर देतो काजे उजर, आउर तुचो निज लोग इस्राएल चो महिमा होओ।”

लूका 2:34

तेबे शिमोन हुनमन के आशीष देऊन भाती, हुनचो आया मरियम ले बल्लो, “दक, हुन तो इस्राएल ने खुबेमन चो घसरतोर, आउर उठतोर काजे, आउर गोटक असन चिना होतो काजे ठेबाय गेलो से, जेचो बिरूद ने गोठमन कर दे

लूका 20:17

हुन हुनमन चो बाटे दकुन भाती बल्लो, “फेर ऐ काय लिकलोर आसे: जोन पकना के राजमिस्त्रीमन बेकार समजु रवत हुनी कोनया चो मुंडी होली।

यूहन्ना 4:42

आउर हुन बायले लेकी के बल्ला, “अदायं आमी तुचो बोलतोर ची ले बिश्वास नी करू; कसनबल्लोने आमी खुदे ची सुनलु, आउर जानु से कि ऐई सते जगत चो मुक्ति करू आय।”

प्रेरितो 26:19

आउर हे राजा अग्रिप्पा, मय हुन सरग चो दरशन चो गोठ नी टालले,

रोमियो 10:21

मान्तर इस्राएल चो बारे ने हुन ऐ बले से, “मय सबु दिना आपलो हाथ गोटक हुकुम नी मानतो बिती आउर झगड़ा करतो बिती परजा चो बाटे फसारून रयें।”

रोमियो 15:31

कि मय यहूदिया चो अबिश्वासिमन ले बाचुन रयेंदे, आउर मोचो हुन सेवा जोन यरूशलेम चो काजे आय, पवितर लोगमन के भाओ;

2 कुरिन्थियो 2:16

कितलो चो काजे तो मरना चो कारन मरना गंद, आउर कितलो चो काजे जीव चो कारन जीव चो बास। अच्छा ऐ गोठमन चो लायक कोन आय?

कुलुस्सियो 2:10

आउर तुमी हुनी थाने भरपूर होलासास जोन सपाय बड़पन आउर अधिकारी चो शिरोमणि आय।

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

इब्रानियो 11:31

बिश्वास ची ले राहाब बेश्या हुकुम नी मानतो बितामन चो संगे नष्ट नी होली, ऐईकाजे कि हुन कुटनमन के हरिक ले संगाऊन रये।

इब्रानियो 4:11

आउर आमी हुन विश्राम ने ओलतोर कोशिश करूं, असन नी होओ कि कोनी झन हुनमन चो असन हुकुम नी मानुन भाती घसरुन पड़ोत।

1 पतरस 1:8

हुनचो ले तुमी बिना दके मया संगाऊ आस आउर अदायं तो हुनचो उपरे बिना दकुन बले बिश्वास करून असन हरिक आउर मतभुल होऊ आस जोन आमचो गोठ ले बहारे आउर महिमा ले भरलोर आसे;

1 पतरस 2:4

हुनचो लगे ऐऊन भाती, जेके मानेमन तो बेकार ठेबाला मान्तर माहापुरू चो लगे चुनलो बिती आउर बड़े मोल जीव पकना आय,

1 पतरस 2:8

आउर, “ठेच लगतोर पकना आउर ठोकरना खातोर चटान होऊन गेली से,” कसनबल्लोने हुनमन तो बचन के नी मानुन भाती ठोकरना खाऊ आत आउर ऐईकाजे हुनमन ठेबाया बले जाऊ रवत।