1 पतरस 2:5 - Halbi

⁵ तुमी बले खुदे जीवता पकनामन चो असन आत्मिक घर बनते जायसास, जेचो ले याजकमन चो पवितर समाज बनुन भाती, असन आत्मिक बलिदान चेगाहा जोन ईशु मसीह चो दुवारा माहापुरू के कबुल आसे।

परमेस्वर को सच्चो वचन ख जाननू

⁵ तुम भी खुद जिन्दो पत्थर हुन को जसो आत्मिक घर बनाव जाव हैं, जे से पण्डित हुन को सुध्द जात बन ख असो आत्मिक बलिदान चढ़ा जो यीसु मसी को दुवारा परमेस्वर ख अपना वा हैं।

1 पतरस 2:5 Iomraidhean Croise

रोमियो 12:1

ऐईकाजे हे भाईमन, मय तुमचो ले माहापुरू चो दया सुरता कराऊन भाती बिनती करें से कि आपलो देंहमन के जीवता, आउर पवितर, आउर माहापुरू के भावतो बिती पुजा करून चेगाहा। ऐई ची तुमचो आत्मिक सेवा आय।

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

1 कुरिन्थियो 3:16

काय तुमी नी जानास कि तुमी माहापुरू चो मंदिर आहास, आउर माहापुरू चो आत्मा तुमचो थाने वास करू आय?

1 कुरिन्थियो 3:9

कसनबल्लोने आमी माहापुरू चो सहकरमी आंव; तुमी माहापुरू चो खेती आउर माहापुरू चो बनावटी आस।

1 कुरिन्थियो 6:19

काय तुमी नी जानास कि तुमचो देंह पवितर आत्मा चो मंदिर आय, जोन तुमनमन ने बसली से आउर तुमके माहापुरू चो बाटले मिरली से; आउर तुमी आपलो नुआस?

2 कुरिन्थियो 6:16

आउर मुरतीमन चो संगे माहापुरू चो मंदिर ले काय सम्बंध? कसनबल्लोने आमी तो जीवता माहापुरू चो मंदिर आंव; जसन माहापुरू बल्लो से, “मय हुनमन थाने बसेंदें आउर हुनमन थाने चला फिरा करेंदे; आउर मय हुनमन चो माहापुरू होयेंदें, आउर हुनमन मोचो लोग होदे।”

गलातियो 6:10

ऐईकाजे जोन लगले मवका मिरे दे आमी सपाय चो संगे भलाई करूं, खास करून बिश्वासी भाईमन चो संगे।

फिलिप्पियो 1:11

आउर हुन धारमिकता चो फल ले जोन ईशु मसीह चो दुआरा होऊ आय, भरपूर होते जाआ जेचो ले माहापुरू चो महिमा आउर स्तुति होते रओ।

फिलिप्पियो 2:17

अगर मोके तुमचो बिश्वास रूपी बलिदान आउर सेवा चो संगे आपलो लऊ बले बोहड़ाऊक पड़ो, तेबे बले मय हरिक आसे आउर तुमी सपाय चो संगे हरिक करूं आंय।

फिलिप्पियो 4:18

मचो लगे सपाय काई आसे, मान्तर खुबे ले खुबे बले आसे; जोन तीजमन तुमी इपफ्रुदीतुस चो हाथ ले पटाऊन रलास हुनमन के पाऊन भाती मय संतुष्ट होऊन गेले से, हुन तो सुख देतो बिती बास, धरतो लायक बलिदान आय, जोन माहापुरू के भाऊ आय।

कुलुस्सियो 3:17

बचन ने नाहले काम ने जोन काई बले करा सपाय परबु ईशु चो नाव ले करा, आउर हुनचो लागुन माहापुरू बुआ चो धन्यबाद करा।

1तीमुथियुस 3:15

कि अगर मोचो ऐतोर ने बेर होओ, तो तुय जान कि माहापुरू चो घर ने जोन जीवता माहापुरू चो कलीसिया आय आउर जोन सत चो खुटा आउर पाया आय, कसन बरताव करतोर जरूरी आय।

इब्रानियो 3:6

मान्तर मसीह बेटा चो असन माहापुरू चो घर चो अधिकारी आय; आउर हुनचो घर आमी आव, अगर आमी साहास थाने आउर आपलो आशा चो घमण्ड थाने आखरी ले मजबूत ले थीर रवां।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

1 पतरस 4:11

अगर कोनी बोल दे, तो असन बोलो माना माहापुरू चो बचन आय; अगर कोनी सेवा करो, तो हुनी शक्ति ले करो जोन माहापुरू देऊ आय; जेचो ले सपाय गोठमन ने ईशु मसीह चो दुवारा, माहापुरू चो महिमा परकट होओ। महिमा आउर राजपाट जुग-जुग हुनचेई आय। आमीन।

1 पतरस 4:17

कसनबल्लोने हुन समया ऐऊन अमरली से कि पयले माहापुरू चो लोगमन चो नियाय करा जाय दे; आउर जसन कि नियाय चो मुर आमचो ची ले होये दे तो हुनमन चो काय आखरी होये दे जोन माहापुरू चो नगतखबर के नी मानोत?

प्रकाशितवाक्य 1:6

आउर आमके गोटक राज आउर आपलो बुआ माहापुरू चो काजे याजक बले बनान दिलो, हुनचेई महिमा आउर पराकरम जुग-जुग रओ। आमीन।

प्रकाशितवाक्य 20:6

धन्य आउर पवितर हुन आय, जोन ऐ पयला जीव उठतोर चो भागी आय। असन लोगमन थाने दुसर मरना चो काई बल्ले अधिकार निआय, मान्तर हुनमन माहापुरू आउर मसीह चो याजक हो दे आउर हुनचो संगे हजार बरक तक राज कर दे।

प्रकाशितवाक्य 3:12

“जोन जय पावला हुनके मय आपलो माहापुरू चो मंदिर ने गोटक खुटा बनायेंदे, आउर हुन फेर केबीई बाहरे नी निकरेदे; आउर मय आपलो माहापुरू चो नाव आउर आपलो माहापुरू चो नंगर बल्लोने नवा यरूशलेम चो नाव, जोन मोचो माहापुरू चो लगे ले सरग उपर ले उतरतो बिती आय, आउर आपलो नवा नाव हुन थाने लिकेन्दे।”

प्रकाशितवाक्य 5:10

आउर हुनमन के आमचो माहापुरू चो काजे गोटक राज आउर याजक बनालो; आउर हुनमन धरतनी थाने राज करे सोत।”