1 पतरस 2:21 - Halbi

²¹ आउर तुमी ऐचीई काजे हाग दिलोर बले गेलासास, कसनबल्लोने मसीह बले तुमचो काजे दुख उठाऊन भाती तुमके गोटक सिक देऊन गेलो से कि तुमी बले हुनचो पाँय-चिनामन थाने चला।

परमेस्वर को सच्चो वचन ख जाननू

²¹ अर तुम ऐको ही लाने बुलायो भी गयो हैं, काहेकि मसी भी तुमारो लाने दुख उठा ख तुम ख एक नमूना दे गयो हैं कि तुम भी ओखा चाल चलन पर चलो।

1 पतरस 2:21 Iomraidhean Croise

मत्ती 10:38

आउर जोन आपलो कुरूस धरून भाती मोचो पाट-पाट नी चले हुन मोचो लायक नुआय।

मत्ती 11:29

मोचो जुआंड़ी आपलो उपरे उठाआ; आउर मोचो ले सिका; कसनबल्लोने मय सोज आउर मन ने दिन आंय: आउर तुमी आपलो मन ने आराम पाहासे।

मत्ती 16:24

तेबे ईशु आपलो चेलामन ले बल्लो, “अगर कोनी मोचो पाट-पाट ऐऊक चाहा ओ, तेबे आपन खुद चो इन्कार करो आउर आपलो कुरूस उठाओ, आउर मोचो पाट-पाट ऐओ।

लूका 24:26

काय जरूरी नी रली कि मसीह ऐ दुख उठाऊन भाती आपलो महिमा ने परवेश करो?”

यूहन्ना 13:15

कसनबल्लोने मय तुमके नमूना दकाऊन दिले से कि जसन मय तुमचो संगे करले से, तुमी बले असने ची करते राआ।

यूहन्ना 16:33

मय ऐ गोठमन तुमचो ले ऐईकाजे बल्ले से कि तुमके मोचो थाने शान्ति मिरो। संवसार ने तुमके कलेश होऊ आय, मान्तर हिम्मत जटाव, मय संवसार के जितले से।”

प्रेरितो 14:22

आउर चेलामन चो मन के थीर करते रला आउर ऐ उपदेश देते रला कि बिश्वास ने बनु राहा; आउर ऐ बोलते रवत, “आमके बड़े कलेश उठाऊन भाती माहापुरू चो राज ने ओलतोर होये दे।”

प्रेरितो 17:3

आउर हुनमन चो मतलब खोलुन-खोलुन समजाते रलो कि मसीह के दुख उठातोर, आउर मरलो बितामन थानले जीव उठतोर, जरूरी रये; आउर “ऐई ईशु जेचो मय तुमके कथा सुनाय से, मसीह आय।”

प्रेरितो 9:16

आउर मय हुनके सांगेंदें कि मोचो नाव चो काजे हुनके कसन-कसन दुक उठाऊक पड़ेदे।

रोमियो 8:29

कसनबल्लोने जोनमन के हुन पयले ले जानलो से हुनमन के पयले ले ठेबालो से बले कि हुनचो बेटा चो रूप रंग ने होओ, कि हुन खुबे भाईमन ने पयलवात ठेबो।

1 कुरिन्थियो 11:1

तुमी मोचो असन चाल चला जसन मय मसीह चो असन चाल चलु आंय।

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

फिलिप्पियो 2:5

जसन मसीह ईशु चो बेवहार रली असने ची तुमचो बले बेवहार होओ;

1 थिस्सलुनीकियो 3:3

कि कोनी ऐ कलेशमन चो लागुन ऐ बाटे हुन बाटे नी जाओत। कसनबल्लोने तुमी खुद जानसास कि आमी ऐई मन चो काजे ठेबाया गेलु से।

1 थिस्सलुनीकियो 4:2

कसनबल्लोने तुमी जानेसास कि आमीमन परबु ईशु चो बाटले तुमके कोन-कोन बिती हुकुम अमरालु।

2 तीमुथियुस 3:12

मान्तर जितरो मसीह ईशु ने भक्ति चो संगे जीवना बिताऊक चाहाय सोत हुनमन सपाय कन्दराया जादे;

इब्रानियो 2:10

कसनबल्लोने जेचो काजे सपाय काई आसे आउर जेचो दुवारा सपाय काई आसे, हुनके ऐई अच्छा लागली कि जिदलदाय हुन खुबे असन बेटामन के महिमा ने अमराओ, तेबे हुनमन चो मुक्ति चो करता के दुक उठातोर लागुन सिद्ध करो।

1 पतरस 1:20

हुनचो गिआन तो जगत चो उपजास चो पयले ची ले जाना जाऊ रये, मान्तर अदायं ऐ सरासरी जुग ने तुमचो काजे परकट होलो।

1 पतरस 2:24

हुन खुदे ची आमचो पापमन के आपलो देंह थाने धरून भाती कुरूस थाने चेगलो, जेचो ले आमी पापमन चो काजे मरून भाती धारमिकता चो काजे जीवना बिताऊ। हुनचेई मार खादलो ले तुमी चेंगा होलास।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

1 पतरस 3:9

खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।

1 पतरस 4:1

ऐईकाजे जसन कि मसीह देंह ने होऊन भाती दुख उठालो तेबे तुमी बले हुनी मनसा के हत्यार चो असन धारन करा, कसनबल्लोने जोन देंह ने दुख उठालो हुन पाप ले छुटुन गेलो,

1 पतरस 4:13

मान्तर जसन-जसन मसीह चो दुखमन ने शामिल होऊ आस, हरिक करा, जेचो ले हुनचो महिमा चो परकट होतो समया बले तुमी हरिक आउर उदुम हुआ।

1यूहन्ना 2:6

जोन कोनी ऐ बोलु आय कि मय हुन थाने बनुन रऊँ आय, हुनके जरूरत आय कि खुद बले असने ची चलो जसन हुन चलते रलो।

1यूहन्ना 3:16

आमी तो मया ऐचीई ले जानलु कि हुन आमचो काजे आपलो जीव दिलो; आउर आमके बले भाईमन चो काजे परान देतोर आसे।

प्रकाशितवाक्य 12:11

“हुनमन मेमना चो लऊ चो लागुन आउर आपलो गोहई चो बचन चो लागुन हुनचो उपरे जयवन्त होला, आउर हुनमन आपलो जीवमन के लाड़ नी जानला, ऐथाले कि मरना बले सहला।”