1 पतरस 2:15 - Halbi

¹⁵ कसनबल्लोने माहापुरू चो इच्छा ऐ आय कि तुमी अच्छा काम करतोर दुवारा निरबुद्धि लोगमन चो अगिआनता चो गोठमन के ढ़ाकुन दिआस।

परमेस्वर को सच्चो वचन ख जाननू

¹⁵ काहेकि परमेस्वर कि मन यू हैं कि तुम अच्छो काम करन का दुवारा बे अकली अदमी हुन बे ग्यानी की बात हुन बन्द कर दे।

1 पतरस 2:15 Iomraidhean Croise

मत्ती 25:2

हुनमन ने पांच मुरूक आउर पांच समजदार रवत।

मत्ती 7:26

मान्तर जोन कोनी मोचो ऐ गोठमन सुनु आय आउर हुन थाने नी चले, हुन-हुन मुरूक माने चो असन ठेबेदे जोन आपलो घर बारू थाने बनालो।

रोमियो 1:21

ऐई कारन कि माहापुरू के जानलो ने बले हुनमन माहापुरू चो लायक बड़ाई आउर धन्यबाद नी करला, मान्तर फकाहा बिचार करूक मुरयाला, ऐथा ले कि हुनमन चो बेअकल मन अंधार होली।

गलातियो 3:1

हे निरबुद्धि गलातिमन, कोन तुमके मोहीत करलो से? तुमचो तो माना आँईक चो पुरे ईशु मसीह कुरूस उपरे दकाया गेलो!

1 थिस्सलुनीकियो 4:3

कसनबल्लोने माहापुरू चो इच्छा ऐ आय कि तुमी पवितर बना बल्लोने बेबीचार ले बाचुन राहा,

1 थिस्सलुनीकियो 5:18

सपाय गोठ ने धन्यबाद करा; कसनबल्लोने तुमचो काजे मसीह ईशु ने माहापुरू चो ऐई इच्छा आसे।

1तीमुथियुस 1:13

मय तो पयले निन्दा करतो बिता, आउर कन्दरातो बिता, आउर अंधेर करतो बिता रले; तेबले बले मोचो उपरे दया होली, कसनबल्लोने मय अबिश्वास चो दसा ने बिना समजुन बुजुन ऐ कामकरू रले।

तीतुस 2:8

आउर असन चंट रओ कि कोनी हुनके खराप नी बोलुक सकोत, जेचो ले बिरूदी आमचो उपरे कोनी दोष लगातोर मवका नी पाऊन भाती लाजे होओत।

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

1 पतरस 2:12

दुसर जातिमन ले तुमचो चाल-चलन अच्छा होओ; ऐईकाजे जोन-जोन गोठमन ने हुनमन तुमके कुकरमी जानुन भाती बदनाम करू आत, हुनमन तुमचो अच्छा काममन के दकुन भाती हुनीमन चो लागुन किरपादृष्टी चो दिने माहापुरू चो महिमा करोत।

1 पतरस 3:16

आउर बिबक बले शुद्ध संगाहा, ऐईकाजे कि जोन गोठमन चो बारे ने तुमचो बदनामी होऊ आय हुनमन चो बारे ने हुनमन जोन मसीह ने तुमचो अच्छा चाल-चलन चो बेईजित करू आत, बेईजित होओत।

1 पतरस 3:17

कसनबल्लोने अगर माहापुरू चो ऐई इच्छा होओ कि तुमी भलाई करलोर लागुन दुख उठाआ, तेबे ऐ खराबी करलोर लागुन दुख उठालो ले बड़ीया आय।

1 पतरस 4:2

बल्ले अगम ने आपलो देंह चो जीवना मानेमन चो मनमानीमन चो अनुसार नाई मान्तर माहापुरू चो इच्छा चो अनुसार गुजारा।

2 पतरस 2:12

मान्तर ऐ लोग निरबुद्धि पशुमन ची असन आत, जोन धराय होतोर आउर नाश होतो काजे उपजास होला से; आउर जोन गोठमन के जानोत ची नाई हुनचो बारे ने दुसर के अच्छा खराप बोलु आत, हुनमन आपलो कुआलो बिती ने खुदे ची कुऊन जादे।

यहूदा 1:10

मान्तर ऐ लोग जोन गोठमन के नी जानोत हुनमन के अच्छा खराप बोलु आत, आउर जोन गोठमन के अचेत पशुमन चो असन आदत ची ले जानु आत, हुनमन ने आपन खुद के नष्ट करू आत।