1 पतरस 2:12 - Halbi

¹² दुसर जातिमन ले तुमचो चाल-चलन अच्छा होओ; ऐईकाजे जोन-जोन गोठमन ने हुनमन तुमके कुकरमी जानुन भाती बदनाम करू आत, हुनमन तुमचो अच्छा काममन के दकुन भाती हुनीमन चो लागुन किरपादृष्टी चो दिने माहापुरू चो महिमा करोत।

परमेस्वर को सच्चो वचन ख जाननू

¹² दुसरी जात हुन म तुमारो चाल चलन अच्छो होए; काहेकि जीन बात हुन म वी तुम ख बुरो काम जान ख बदनाम करिये हैं, वी तुमारा अच्‍छो काम हुन ख देख ख उन्ही का लाने दया दृस्टि का दिन परमेस्वर की महिमा करे।

1 पतरस 2:12 Iomraidhean Croise

मत्ती 10:25

चेला के गुरू चो, आउर दास के मालिक चो बराबर होतोर ची खुबे आय। जिदलदाय हुनमन घर चो मालिक के शयतान बल्ला तेबे हुनचो घर बितामन के केंव नी बलदे।”

मत्ती 5:11

“धन्य आस तुमी, जिदलदाय माने मोचो कारन तुमचो निन्दा करदे, आउर कन्दरा दे आउर झूठ बोलुन-बोलुन भाती तुमचो बिरूद ने सपाय परकार चो खराप गोठ बलदे।

मत्ती 5:16

हुनी परकार तुमचो उजर मानेमन चो पुरे चमको कि हुनमन तुमचो नुकु काममन के दकुन भाती तुमचो बुआ, चो जोन सरग ने आसे, बड़ाई करोत।

मत्ती 9:8

लोग ऐ दकुन भाती भक्याला आउर माहापुरू चो महिमा करूक मुरयाला जोन मानेमन के असन अधिकार दिलोसे।

लूका 1:68

“परबु इस्राएल चो माहापुरू धन्य हो, कसनबल्लोने हुन आपलो लोगमन उपरे नंजरा लो आउर हुनमन चो छुटकारा करलो से,

लूका 19:44

आउर तुके आउर तुचो लेकामन के जोन तुचो थाने आसोत, माटी ने मिसा दे, आउर तुचो थाने पकना उपरे पकना बले नी छांड़ दे; कसनबल्लोने तुय हुन मवका के जिदलदाय तुचो उपरे दयाधरम करा गेली नी चितालीस।”

लूका 6:22

“धन्य आहास तुमी जिदलदाय माने चो बेटा चो लागुन लोग तुमचो ले बईर कर दे, आउर तुमके निकराऊन देदे, आउर तुमचो निन्दा कर दे, आउर तुमचो नाव खराप जानुन भाती काटून देदे।”

यूहन्ना 13:31

जिदलदाय हुन बाहरे जाते गेलो तेबे ईशु बल्लो, “अदायं माने चो बेटा चो महिमा होली से, आउर माहापुरू चो महिमा हुनचो थाने होली से;

प्रेरितो 15:14

शिमोन सांगलो कि माहापुरू पयले-पयले दुसर जातिमन ने कसन दयाधरम करलो कि हुनमन थानले आपलो नाव चो काजे गोटक लोग बना ओ।

प्रेरितो 24:13

आउर ना तो हुनमन हुन गोठमन के, जेचो हुनमन अदायं मोचो उपरे दोष लगाय सोत, तुचो पुरे सत साबित करूक सकोत।

प्रेरितो 25:7

जिदलदाय हुन ईलो तेबे जोन यहूदी यरूशलेम ले ऐऊन रवत, हुनमन लगे-लगे उबा होऊन भाती हुनचो उपरे खुबे असन घोर दोष लगाला, जेचो सबुत हुनमन नी देऊक सकते रवत।

प्रेरितो 28:22

मान्तर तुचो बिचार काय आसे? हुनी आमी तुचो ले सुनुक मन करूं से, कसनबल्लोने आमी जानु से कि हर जगा ऐ मत चो बिरूद ने लोग गोठमन करू आत।

रोमियो 12:17

खराप चो पलटा कोचीई ले खराप नी करा; जोन गोठमन सपाय लोगमन चो लगे नुकु आय, हुनमन चो चिन्ता करा।

रोमियो 13:13

जसन दिन के फोबु आय, असने ची आमी सीदा चाल चलु, ना कि खेला बुला, आउर मतवारीपन ने, ना बेबीचार, आउर ढीला ढाला ने, आउर ना झगड़ा आउर कुचर ने।

रोमियो 14:18

जोन कोनी ऐ रीति ले मसीह चो सेवा करू आय, हुन माहापुरू के भाऊ आय आउर मानेमन ने गरहन लायक ठेबु आय।

रोमियो 15:9

आउर दुसर जाति बले दया चो कारन माहापुरू चो स्तुति करोत; जसन लिकलोर आसे, “ऐईकाजे मय जाति-जाति ने तुचो धन्यबाद करें दे, आउर तुचो नाव चो भजन गायें दे।”

1 कुरिन्थियो 14:25

आउर हुनचो मन चो भेद उजागर होऊन जाये दे, आउर तेबे हुन पाटा पडुन घसरुन भाती माहापुरू के पाँय पड़े दे, आउर माने दे कि सत-सत माहापुरू तुमचो मंजी ने आसे।

2 कुरिन्थियो 1:12

कसनबल्लोने आमी आपलो बिबक चो ऐ गोहई थाने घमण्ड करूं से, कि जगत ने आउर खास करून तुमचो मंजी, आमचो गुन माहापुरू चो लायक असन पवितरता आउर सत संगे रये, जोन शारीरिक गिआन ले नाई मान्तर माहापुरू चो अनुग्रह चो संगे रये।

2 कुरिन्थियो 13:7

आमी आपलो माहापुरू ले ऐ पारथना करूं से कि तुमी कोनी खराप नी करा ऐईकाजे नाई कि आमी चंट दका पडु, मान्तर ऐईकाजे कि तुमी अच्छा करा, भले आमी ठग ची ठेबवां।

2 कुरिन्थियो 8:21

कसनबल्लोने जोन गोठमन मात्र परबु ची लगे नुआय, मान्तर मानेमन चो लगे बले नुकु आय आमी हुनमन चो चिन्ता करू आंव।

इफिसीयो 2:3

ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु।

इफिसीयो 4:22

कि तुमी पिछला चाल-चलन चो जुना माने के जोन भरमातो बिती आशामन चो अनुसार भ्रष्ट होते जाऊ आय, उतराऊन पकाहा

फिलिप्पियो 1:27

मात्र ईतलो करा कि तुमचो चाल-चलन मसीह चो नगतखबर चो लायक होओ कि भले मय ऐऊन भाती तुमके दकेंदें, भले नी बले ऐयें, तुमचो बारे ने ऐई सुनेंदे कि तुमी गोटक ची आत्मा ने थीर आसास, आउर गोटक मन होऊन भाती नगतखबर चो बिश्वास चो काजे मसागत करते रऊ आस,

फिलिप्पियो 4:8

ऐईकाजे हे भाईमन, जोन-जोन गोठमन सत आय, आउर जोन-जोन गोठमन ईजीत चो लायक आय, आउर जोन-जोन गोठमन ठीक आय, आउर जोन-जोन गोठमन पवितर आय, आउर जोन-जोन गोठमन सुन्दर आय, आउर जोन-जोन गोठमन मन के भावतो लायक चो आय, बल्लोने जोन बले अच्छा गुन आउर हरिक चो गोठमन आय हुनमन थाने धिआन लगाया करा।

1 थिस्सलुनीकियो 4:12

बल्ले बाहार बितामन ले मान परापत करा, आउर तुमके कोनी तीज चो घटी नी होओ।

1तीमुथियुस 2:2

राजामन आउर सपाय ऊँचा पन बितामन चो लागुन ऐईकाजे कि आमी आराम आउर असतीर चो संगे सपाय भक्ति आउर गमभीरता ले जीवना बिताऊ।

1तीमुथियुस 4:12

कोनी तुचो जुआनी के तुच्छ नी समजुक पाओत; मान्तर बचन, आउर चाल चलन, आउर मया, आउर बिश्वास, आउर पवितरता ने बिश्वासीमन चो काजे नमूना बनुन जा।

1तीमुथियुस 5:10

आउर अच्छा काम ने सुनाम रऊन रओ, जोन पिलामन चो पालन पोषन करू रओ; सगा चो सेवा करू रओ, पवितर लोगमन चो पाँय धोऊ रओ, दुखिमन चो सायता करू रओ, आउर हरकोनी अच्छा काममन ने मन लगाऊ रओ।

इब्रानियो 13:18

आमचो काजे पारथना करते राहा, कसनबल्लोने आमके भरसा आसे कि आमचो बिबक शुद्ध आय आउर आमी सपाय गोठमन ने अच्छा चाल चलुक चाहाऊं से।

इब्रानियो 13:5

तुमचो स्वभाव ने लालच नी रओ, आउर जोन तुमचो लगे आसे हुनी थाने सन्तोष करा; कसनबल्लोने हुन खुद ची बल्लो से, “मय तुके केबीई नी छांडेदे, आउर ना केबीई तुके ठुकरायेंदे।”

याकूब 3:13

तुमनमन ने गिआनी आउर समजदार कोन आय? जोन असन होओ हुन आपलो काममन के अच्छा चाल-चलन ले हुन नम्रता संगे परकट करो जोन गिआन ले उपजास होऊ आय।

1 पतरस 2:15

कसनबल्लोने माहापुरू चो इच्छा ऐ आय कि तुमी अच्छा काम करतोर दुवारा निरबुद्धि लोगमन चो अगिआनता चो गोठमन के ढ़ाकुन दिआस।

1 पतरस 3:16

आउर बिबक बले शुद्ध संगाहा, ऐईकाजे कि जोन गोठमन चो बारे ने तुमचो बदनामी होऊ आय हुनमन चो बारे ने हुनमन जोन मसीह ने तुमचो अच्छा चाल-चलन चो बेईजित करू आत, बेईजित होओत।

1 पतरस 4:11

अगर कोनी बोल दे, तो असन बोलो माना माहापुरू चो बचन आय; अगर कोनी सेवा करो, तो हुनी शक्ति ले करो जोन माहापुरू देऊ आय; जेचो ले सपाय गोठमन ने ईशु मसीह चो दुवारा, माहापुरू चो महिमा परकट होओ। महिमा आउर राजपाट जुग-जुग हुनचेई आय। आमीन।

2 पतरस 3:11

जसन कि ऐ सपाय तीजमन ऐ रीति ले पिघल तो बिती आय, तेबे तुमके पवितर चाल-चलन आउर भक्ति ने कसन माने होतोर आसे,