1 पतरस 1:8 - Halbi

⁸ हुनचो ले तुमी बिना दके मया संगाऊ आस आउर अदायं तो हुनचो उपरे बिना दकुन बले बिश्वास करून असन हरिक आउर मतभुल होऊ आस जोन आमचो गोठ ले बहारे आउर महिमा ले भरलोर आसे;

परमेस्वर को सच्चो वचन ख जाननू

⁸ ओसे तुम बिन देखे प्रेम करा हैं, अर अब तो ओपर बिन देख्यो भी भरोसा करा ख असो खुस अर मगन होय हैं जो कि कोई सीमा नी हाय अर महिमा से भरयो पड़ो हैं;

1 पतरस 1:8 Iomraidhean Croise

मत्ती 10:37

“जोन आया नाहले बुआ के मोचो ले आगर लाड़ करू आय, हुन मोचो लायक नुआय; आउर जोन बेटा नाहले बेटी के मोचो ले आगर मया करू आय, हुन मोचो लायक नुआय;

यूहन्ना 14:15

“अगर तुमी मोचो ले मया संगाऊ आस, तेबे मोचो हुकुममन के माना से।

यूहन्ना 14:21

जेचो लगे मोचो हुकुममन आसे आउर हुन हुनमन के मानु आय, हुनी मोचो ले मया संगाऊ आय; आउर जोन मोचो ले मया संगाऊ आय हुनचो ले मोचो बुआ मया संगाय दे, आउर मय हुनचो ले मया संगायें दें आउर आपन खुद के हुन थाने उजागर करें दें।”

यूहन्ना 14:24

जोन मोचो ले मया नी संगाये, हुन मोचो बचन नी माने; आउर जोन बचन तुमी सुनु आहास हुन मोचो नुआय मान्तर बुआ चो आय, जोन मोके पठालो।

यूहन्ना 16:22

हुनी परकार तुमके बले ऐबे तो दुक आसे, मान्तर मय तुमचो ले फेर मिलें दें आउर तुमचो मन हरिक ले भरून जाय दे; आउर तुमचो हरिक कोनी तुमचो ले झिकुन नी नेयेदे।

यूहन्ना 20:29

ईशु हुनचो ले बल्लो, “तुय मोके दकली सीस, काय ऐईकाजे बिश्वास करली सीस? धन्य हुनमन आत जोनमन बिन दके बिश्वास करला।”

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

प्रेरितो 16:34

तेबे हुन हुनमन के आपलो घरे नेऊन भाती हुनमन चो पुरे भात संगालो, आउर पुईतराय घरलोगमन संगे माहापुरू उपरे बिश्वास करून हरिक बनालो।

रोमियो 14:17

कसनबल्लोने माहापुरू चो राज खातोर-पिवतोर नुआय, मान्तर धरम आउर मिला-मिसा आउर हुन हरिक आय जोन पवितर आत्मा ले हऊ आय।

रोमियो 15:13

माहापुरू जोन आशा चो देऊ बिता आय तुमके बिश्वास करतो ने सपाय परकार चो हरिक आउर शान्ति ले भरपूर करो, कि पवितर आत्मा चो सामरत ले तुमचो आशा बाड़ते जाओ।

1 कुरिन्थियो 16:22

अगर कोनी परबु ले मया नी संगा ओ तेबे हुन शरापित होओ। हे आमचो परबु, आव!

2 कुरिन्थियो 1:22

जोन आमचो उपरे छाप बले करून दिलो से आउर बयाना ने आत्मा के आमचो मन मन ने दिलो।

2 कुरिन्थियो 12:4

कि सरग लोग थाने उठाऊन निया गेलो, आउर असन गोठमन सुनले जोन बोलतोर नुआय; आउर जेचो मुंह थाने आनतोर माने के नगत नुआय।

2 कुरिन्थियो 4:18

आउर आमी तो दकलो बिती तीजमन के नाई मान्तर नी दकलो बिती तीजमन के दकते रऊ आंव; कसनबल्लोने दकलो बिती तीजमन खिन्डिक ची दिन चो आय, मान्तर नी दकलो बिती तीजमन हरमेशा बनुन रऊ आय।

2 कुरिन्थियो 5:7

कसनबल्लोने आमी रूप के दकुन भाती नाई, मान्तर बिश्वास ले चलु आंव।

2 कुरिन्थियो 9:15

माहापुरू चो, हुनचो हुन दान चो काजे जोन बरनन ले बाहरे आसे, धन्यबाद होओ।

गलातियो 5:22

मान्तर आत्मा चो फल मया, हरिक, शान्ति, धीरज, किरपा, भलाई, बिश्वास,

गलातियो 5:6

मसीह ईशु ने ना खतना आउर ना खतना नी करलो काई काम चो आय, मान्तर मात्र बिश्वास, जोन मया चो बाटले असर डालु आय।

इफिसीयो 3:19

आउर मसीह चो हुन मया के जानुक सका जोन गिआन ले लापी आसे कि तुमी माहापुरू चो सपाय भरपूर ले समपूरन होऊन जाहा।

इफिसीयो 6:24

जोन आमचो परबु ईशु मसीह ले सत मया संगाऊ आत, हुन सपाय उपरे अनुग्रह होते रओ।

फिलिप्पियो 1:25

ऐईकाजे कि मोके ऐचो भरसा आसे आउर मय जानें से कि मय जीव रयें दे, मान्तर तुमी सपाय चो संगे रयेंदे जेचो ले तुमी बिश्वास ने जमखम होते जाआ आउर हुन थाने हरिक ने राआ;

फिलिप्पियो 3:3

कसनबल्लोने खतना बितामन चो आमी ची आंव जोन माहापुरू चो आत्मा चो चलाये ले उपास करू आत, आउर मसीह ईशु उपरे घमण्ड करू आत, आउर देंह थाने भरसा नी संगाओत।

फिलिप्पियो 4:4

परबु ने हरमेशा हरिक राआ; मय फेर बलेंसें, हरिक ने राआ।

इब्रानियो 11:1

अदायं बिश्वास आशा करलो बिती तीजमन चो तय, आउर नी दकलो बिती तीजमन चो सबुत आय।

इब्रानियो 11:27

बिश्वास ची ले राजा चो रीस ले नी डरून भाती हुन मिस्र के छांडुन दिलो, कसनबल्लोने हुन नी दकलोर माना दकुन भाती मजबूत रलो।

1 पतरस 1:6

ऐई लागुन तुमी मतभुल होऊ आस, आउर जरूरी आय कि ऐबे खिन्डिक दिन चो काजे नाना परकार चो परीक्षामन चो लागुन दुख ने आसास;

1 पतरस 2:7

आउर तुमचो काजे जोन बिश्वास करू आस हुन बड़े मोल आय, मान्तर जोन बिश्वास नी करोत हुनमन काजे “जोन पकना के राजमिस्त्रीमन बेकार ठेबाऊ रला, हुनी कोनया चो टोक होऊन गेली,”

1 पतरस 5:4

जिदलदाय परधान राका करू परकट होये दे, तेबे तुमके महिमा चो मुकुट दिया जाय दे जोन कोमचु नुआय।