1 पतरस 1:4 - Halbi

⁴ आउर गोटक अमर, आउर निंगल, आउर नी सरतो धन काजे जोन तुमचो काजे सरग ने संगालोर आसे;

परमेस्वर को सच्चो वचन ख जाननू

⁴ असो कि एक अविनासी, अर निर्मल, अर अजर मीरास का लाने जे तुमारा लाने स्वर्ग म रखी हैं;

1 पतरस 1:4 Iomraidhean Croise

मत्ती 25:34

तेबे राजा आपलो उजा बाटे चो बितामन ले बलेदे, ‘हे मोचो बुआ चो धन्य लोगमन, ईआ, हुन राज चो अधिकारी होऊन जाआ, जोन जगत चो मुर ले तुमचो काजे तिआर करा गेली से।

मरकुस 10:17

जिदलदाय हुन हुता ले निकरून भाती बाट ने जाते रलो, तेबे गोटक माने हुनचो लगे पराते-पराते ईलो, आउर हुनचो पुरे मांडी टेकुन भाती हुनचो ले पचारलो, “हे बड़ीया गुरू, अमर जीवना चो हकदार होतो काजे मय काय करेंदे?”

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

प्रेरितो 26:18

कि तुय हुनमन चो आँईकमन खोल कि हुनमन अंधार ले उजर चो बाटे, आउर शयतान चो अधिकार ले माहापुरू चो बाटे फिरोत; कि पापमन चो छमा आउर हुन लोगमन चो संगे जोन मोचो उपरे बिश्वास करलो ले पवितर करा गेला से, मीरास पाओत।

रोमियो 8:17

आउर अगर पिला आंव तो हकदार बले, मान्तर माहापुरू चो हकदार आउर मसीह चो संगवारी हकदार आंव, कि जिदलदाय आमी हुनचो संगे दुख उठावां तेबे हुनचो संगे महिमा बले पावां।

1 कुरिन्थियो 9:25

हरकोनी पयलवान सपाय परकार चो सहन करू आय; हुनमन तो गोटक कोमजतो बिती मुकुट के पावतो काजे ऐ सपाय करू आत, मान्तर आमी तो हुन मुकुट चो काजे करू आंव जोन कोमजतो बिती नुआय।

गलातियो 3:18

कसनबल्लोने अगर हक नियम ले मिलली से तेबे फेर बायदा ले नाई, मान्तर माहापुरू अब्राहाम के बायदा चो बाटले देउन दिलो से।

इफिसीयो 1:11

हुनी थाने जोन थाने आमी बले हुनचेई मन ले जोन आपलो इच्छा चो मत चो अनुसार सपाय काई करू आय, पयले ले ठेबाया जाऊन भाती हकदार बनु

इफिसीयो 1:14

हुन हुनचो घेनलो बिती चो छुटकारा चो काजे आमचो हक चो बयाना आय, कि हुनचो महिमा चो स्तुति होओ।

इफिसीयो 1:18

आउर तुमचो मन चो आँईकमन उजर मय होओ कि तुमी जाना कि हुनचो बुलाहट चो आशा काय आय, आउर पवितर लोगमन ने हुनचो हक चो महिमा चो धन कसन आय,

कुलुस्सियो 1:12

आउर बुआ चो धन्यबाद करते राहा, जोन आमके ऐ लाईक बनालो कि उजर ने पवितर लोगमन चो संगे हक ने मिसुन रऊ।

कुलुस्सियो 1:5

हुन आशा करलोर बिती तीज चो लागुन जोन तुमचो काजे सरग ने संगालोर आसे, जेचो बरनन तुमी हुन नगतखबर चो सत बचन ले सुनुन चुकलासास,

कुलुस्सियो 3:24

कसनबल्लोने तुमी जानेसास कि तुमके ऐचो पालटा परबु ले हक मिरे दे; तुमी परबु मसीह चो सेवा करू आस।

2 तीमुथियुस 4:8

अगम ने मोचो काजे धरम चो हुन मुकुट संगालोर आसे, जेके परबु जोन धरमी आउर नियायी आय, मोके हुन दिने देये दे, आउर मोके ची नाई मान्तर हुन सपाय के बले जोन हुनचो परकट होतो के लाड़ जानु आत।

इब्रानियो 10:34

कसनबल्लोने तुमी कयदीमन चो दुक ने बले दुकी होलास आउर आपलो सम्पत्ति बले हरिक ले जटुक दिलास; ऐ जानुन भाती कि तुमचो लगे गोटक आउर बले बड़ीया आउर हरमेशा ठेबतो बिती सम्पत्ति आसे।

इब्रानियो 9:15

ऐई लागुन हुन नवा बायदा चो मंजार आय, बल्ले हुनचो मरना चो दुवारा जोन पयला बायदा चो समया चो अपराधमन ले छुटकारा पवतो काजे होली से, हाग दिलो लोग बायदा चो अनुसार अमर हक के परापत करोत।

याकूब 1:11

कसनबल्लोने बेर उदते ची चड़ चड़ा घाम छेकु आय आउर लाटा के सुकान देऊ आय, आउर हुनचो फुल झडुन जाऊ आय आउर हुनचो सुन्दर जाते रऊ आय। असने परकार सवकार बले आपलो बाट थाने हिन्ड़ते-हिन्ड़ते धुरला ले मिलुन जायदे।

1 पतरस 3:9

खराप चो पलटा खराप नी करा आउर ना झगड़ा चो पलटा झगड़ा दिआस; मान्तर ऐचो पलटा आशीष ची दिआस, कसनबल्लोने तुमी आशीष चो हकदार होतो काजे हाग दिया गेलासास।

1 पतरस 5:4

जिदलदाय परधान राका करू परकट होये दे, तेबे तुमके महिमा चो मुकुट दिया जाय दे जोन कोमचु नुआय।

प्रकाशितवाक्य 21:27

मान्तर हुन थाने कोनी अशुद्ध तीज, नाहले घिन-घिना काम करतो बिता, नाहले फंद के बनातो बिता कोनी रीति ले नी ओले, मान्तर मात्र हुन लोग जोनमन चो नाव मेमना चो जीवना चो किताब ने लिकलोर आसे।