1 पतरस 1:22 - Halbi

²² आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

परमेस्वर को सच्चो वचन ख जाननू

²² अब जब कि तुम न भई चारा करी नी ते कोई कपट रीति को हिसाब से सच ख मानो से अपनो मान ख सुध्द कियो हैं, ते तन मन लगा ख एक दुसरा से जादा प्रेम रख जो।

1 पतरस 1:22 Iomraidhean Croise

यूहन्ना 15:17

ऐ गोठमन चो हुकुम मय तुमके ऐईकाजे देंयें से कि तुमी गोटक दुसर ले मया संगाहा।

यूहन्ना 15:3

तुमी तो हुन बचन चो कारन जोन मय तुमचो ले बल्ले से, शुद्ध आहास।

यूहन्ना 17:17

सत चो दुआरा हुनमन के पवितर कर: तुचो बचन सत आय।

यूहन्ना 17:19

आउर हुनमन काजे मय आपन खुद के पवितर करें से, बल्ले हुनमन बले सते चो दुआरा पवितर कराया जाओत।

प्रेरितो 15:9

आउर बिश्वास चो लागुन हुनमन चो मन शुद्ध करून आमचो ने आउर हुनमन ने काई भेद नी संगालो।

प्रेरितो 6:7

माहापुरू चो बचन फयलते गेली आउर यरूशलेम ने चेलामन चो गेनती खुबे बड़ते गेली; आउर याजकमन चो गोटक बड़े समाज ऐ दल के मानतो बिता होऊन गेलो।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 2:8

मान्तर जोन मतलबी आत आउर सत के नी मानोत, मान्तर अधरम के मानु आत, हुनमन उपरे रीस आउर कोप पड़ेदे।

रोमियो 8:13

कसनबल्लोने अगर तुमी देंह चो अनुसार दिन बिताआ से तो मरा से, अगर आत्मा ले देंह चो काममन के मारा से तेबे जीव राआ से।

2 कुरिन्थियो 6:6

पवितरता ले, गिआन ले, धीरज ले, किरपा ले, पवितर आत्मा ले,

गलातियो 3:1

हे निरबुद्धि गलातिमन, कोन तुमके मोहीत करलो से? तुमचो तो माना आँईक चो पुरे ईशु मसीह कुरूस उपरे दकाया गेलो!

गलातियो 5:5

कसनबल्लोने आत्मा चो लागुन आमी बिश्वास ले, आशा करलो बिती धारमिकता चो बाट टाकुं से।

गलातियो 5:7

तुमी तो नुकु-नुकु पराते राआस। अदायं कोन तुमके ठेबाऊन दिलो कि सत के नी माना।

इफिसीयो 4:3

आउर मेल चो बान्दन ने आत्मा चो सोर सुतर ने संगातोर कोशिश करा।

फिलिप्पियो 1:9

मय ऐ पारथना करें से कि तुमचो मया गिआन आउर सपाय परकार चो बिबक संगे आउर बले बड़ते जाओ,

1 थिस्सलुनीकियो 3:12

आउर परबु असन करो कि जसन आमी तुमचो ले मया संगाऊ आंव, असने ची तुमचो मया बले आपस ने आउर सपाय मानेमन चो संगे बाड़ो, आउर उन्नती करते जाओ,

2 थिस्सलुनीकियो 1:3

हे भाईमन, तुमचो बारे ने आमके हर समया माहापुरू चो धन्यबाद करते रतोर आय, आउर ऐ ठीक बले आय, ऐईकाजे कि तुमचो बिश्वास खुबे बड़ते जाऊ आय, आउर तुमी सपाय चो मया आपस ने खुबे ची बड़ते जाऊ आय।

2 थिस्सलुनीकियो 2:13

हे भाईमन, आउर परबु चो लाड़रा लोगमन, जरूरी आय कि आमी तुमचो बारे ने सदा परबु चो धन्यबाद करते रऊँ, कसनबल्लोने माहापुरू मुर ले तुमके चुनुन धरलो कि आत्मा चो बाटले पवितर बनुन भाती, आउर सत चो बिश्वास करून मुक्ति पाआ,

1तीमुथियुस 1:3

जसन मय मकिदुनिया ने जातो बेरा तुके समजाऊन रये, कि इफिसुस ने रऊन भाती कितलो लोगमन के हुकुम देस कि दुसर परकार चो सिक्या नी देओत,

1तीमुथियुस 1:5

हुकुम चो सारांश ऐ आय कि शुद्धमन आउर अच्छा बिबक, आउर कपट रहित बिश्वास ले मया उपजास होओ।

1तीमुथियुस 4:12

कोनी तुचो जुआनी के तुच्छ नी समजुक पाओत; मान्तर बचन, आउर चाल चलन, आउर मया, आउर बिश्वास, आउर पवितरता ने बिश्वासीमन चो काजे नमूना बनुन जा।

1तीमुथियुस 5:2

डोकरी बायले लेकीमन के आया जानुन भाती; आउर जुआन बायले लेकीमन के पुरा पवितरता ले भईन जानुन भाती समजाऊन देस।

2 तीमुथियुस 1:14

आउर पवितर आत्मा चो दुवारा जोन आमीमन ने बसली से, ऐ अच्छा अमानत चो राका कर।

इब्रानियो 11:8

बिश्वास ची ले अब्राहाम जिदलदाय हाग दिया गेलो तेबे हुकुम मानुन भाती असन जगा निकरून गेलो जेके हक ने धरू बिता रलो; आउर ऐ नी जानते रलो कि मय कोन बाटे जायें से, तेबले बले निकरून गेलो।

इब्रानियो 13:1

भाईचारा चो मया बनु रओ।

इब्रानियो 5:9

आउर सिद्ध बनुन भाती, आपलो सपाय हुकुम मानतो बितामन चो काजे हरमेशा चो मुक्ति चो कारन होऊन गेलो,

इब्रानियो 6:10

कसनबल्लोने माहापुरू अनियायी नुआय कि तुमचो काम, आउर हुन मया के भुलकुन जाओ, जोन तुमनमन हुनचो नाव चो काजे ऐई रीति ले दकालास, कि पवितर लोगमन चो सेवा करलास आउर करेसास बले।

इब्रानियो 9:14

तेबे मसीह चो लऊ जोन आपन खुद के हरमेशा आत्मा चो दुवारा माहापुरू चो पुरे बेकसूर चेगालो, तुमचो बिबक के मरलो बिती काममन ले केंव नी शुद्ध करे दे बल्ले तुमी जीवता माहापुरू चो सेवा करा।

याकूब 1:21

ऐईकाजे सपाय घिन-घिना आउर बईरभाव चो बाड़ती के धुर करून, हुन बचन के नम्रता ले गरहन करा जोन कारजा ने बुना गेली आउर जोन तुमचो परानमन चो मुक्ति करूक सके।

याकूब 4:8

माहापुरू चो लगे ईआ तेबे हुन बले तुमचो लगे ऐयेदे। हे पापीमन, आपलो हाथ शुद्ध करा; आउर हे दुयमन लोगमन, आपलो मन के पवितर करा।

1 पतरस 1:2

आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

1 पतरस 2:17

सपाय चो ईजीत करा, भाईमन ले मया संगाआ, माहापुरू ले डरा, राजा चो मान करा।

1 पतरस 3:1

हे बायले लेकीमन, तुमी बले आपलो मुनुक चो अधीन राहा, ऐईकाजे कि अगर ऐ मन ले कोनी असन होओत जोन बचन के नी मानोत,

1 पतरस 3:20

जोनमन हुन बितलो समया ने हुकुम नी मानला, जिदलदाय माहापुरू नूह चो दिनमन ने धीरज धरून भाती ठेबुन रये, आउर हुन जाहाज बनते रये, जोन थाने बसुन भाती खिन्डिक लोग बल्लोने आंट लोग पानी चो दुवारा बाचुन गेला।

1 पतरस 3:8

आउर सपाय चो सपाय गोटक मन आउर किरपामय आउर भाईचारा चो लाड़ संगातो बितामन, आउर करूनामय आउर सोज बना।

1 पतरस 4:17

कसनबल्लोने हुन समया ऐऊन अमरली से कि पयले माहापुरू चो लोगमन चो नियाय करा जाय दे; आउर जसन कि नियाय चो मुर आमचो ची ले होये दे तो हुनमन चो काय आखरी होये दे जोन माहापुरू चो नगतखबर के नी मानोत?

1 पतरस 4:8

सपाय ले बड़ीया गोठ ऐ आय कि गोटक दुसर ले खुबे मया संगाहा, कसनबल्लोने मया कईं पापमन के ढ़ापुन देऊ आय।

2 पतरस 1:7

आउर भक्ति थाने भाईचारा चो लाड़, आउर भाईचारा चो लाड़ थाने मया बड़ाते जाहा।

1यूहन्ना 3:11

कसनबल्लोने जोन खबर तुमनमन मुर ले सुनलास, हुन ऐ आय कि आमी गोटक दुसर ले मया संगाऊ;

1यूहन्ना 3:23

हुनचो हुकुम ऐ आय कि आमी हुनचो बेटा ईशु मसीह चो नाव थाने बिश्वास करूं, आउर जसन हुन आमके हुकुम दिलो से हुनचेई अनुसार आपस ने मया संगाहा।

1यूहन्ना 4:12

माहापुरू के केबीई कोनी नी दकला; अगर आमी आपस ने मया संगावां, तेबे माहापुरू आमचो ने बनुन रऊ हाय आउर हुनचो मया आमचो ने सिद्ध होऊन गेली से।

1यूहन्ना 4:20

अगर कोनी बले दे, “मय माहापुरू ले मया संगाऊ आय,” आउर आपलो भाई ले बईर संगा ओ तो हुन फंदी आय; कसनबल्लोने जोन आपलो भाई ले जेके हुन दकलो से मया नी संगाये, तो हुन माहापुरू ले बले जेके हुन नी दकलो मया नी संगाऊक सके।

1यूहन्ना 4:7

हे लाड़रा मन, आमी आपस ने मया संगाऊ, कसनबल्लोने मया-माहापुरू ले आय। जोन कोनी मया करू आय, हुन माहापुरू ले जनम लो से आउर माहापुरू के जानु आय।

प्रकाशितवाक्य 2:4

“मान्तर मोके तुचो बिरूद ऐ बोलतोर आसे कि तुय आपलो पयले चो असन मया छांडुन दिली सीस।”