1 पतरस 1:2 - Halbi

² आउर माहापुरू बुआ चो अगम गिआन चो अनुसार, आत्मा चो पवितर करलोर दुवारा हुकुम मानतोर आउर ईशु मसीह चो लऊ के छिंछतो काजे चुना गेलासे। तुमके अनुग्रह आउर शान्ति खुबे ले खुबे मिरते रओ।

परमेस्वर को सच्चो वचन ख जाननू

² जे परमेस्वर बाप को आन वालो ख ग्यान को जसो, आत्मा ख सुध्द करन ख लाने कहना मान ख अर यीसु मसी को खून ख छिड़को जान का लाने चुनो गयो हैं। तुम ख दया अर सान्ति ढ़ेर सारा हुन से मिलती रहा।

1 पतरस 1:2 Iomraidhean Croise

मत्ती 24:22

अगर हुन दिन घटाया नी जाति तेबे कोनी जीव जन्तु नी बाचता, मान्तर चुनलो बितामन चो लागुन हुन दिन घटाया जाये दे।

मत्ती 24:24

“कसनबल्लोने झूठा मसीह आउर फंदी अगम गिआनी उठून उबा हो दे, आउर बड़े चिना, आउर भयंकर काम दका दे कि अगर होऊक सको तो चुनलो बितामन के बले भरमादे।

मत्ती 24:31

हुन तुरी चो बड़े शब्द चो संगे आपलो दूतमन के पटाये दे, आउर हुनमन बादरी चो ऐ पाट ले हुनपाट तक, भोंवरक ले हुनचो चुनलो बितामन के रून्डाये दे।”

मरकुस 13:20

अगर परबु हुन दिनमन के नी घटातो, तेबे कोनी जीव जन्तु बले नी बाचता; मान्तर हुन चुनलो बितामन चो कारन जोनमन के हुन चुनलो से, हुन दिनमन के घटालो।

मरकुस 13:22

कसनबल्लोने झूठा मसीह आउर फंदी अगम गिआनी उठून उबा हो दे, आउर चिना आउर भयंकर काम दका दे कि अगर होऊक सको तो चुनलो बितामन के बले भरमादे।

मरकुस 13:27

हुन समया हुन आपलो दूतमन के पटाऊन भाती, धरतनी चो ऐ पाट ले बादरी चो हुनपाट तक, भोंवरक ले आपलो चुनलो लोगमन के रून्डाये दे।

लूका 18:7

ऐईकाजे काय माहापुरू आपलो चुनलो बितामन चो नियाय नी चुकायें दें, जोन रात दिन हुनचो दुहाई देते रऊ आत? काय हुन हुनमन चो बारे ने बेर करे दे?

प्रेरितो 15:18

ऐ हुनी परबु बले से जोन जगत चो मुर ले ऐ गोठमन चो खबर देते ईलो से।

प्रेरितो 2:23

हुनी ईशु के, जोन माहापुरू चो ठेबालोर उआट आउर पयले चो गिआन चो अनुसार धराया गेलो, तुमी अधरमीमन चो हाथ ले कुरूस थाने चेगाऊन भाती मारून दिलास।

प्रेरितो 20:32

आउर अदायं मय तुमके माहापुरू के, आउर हुनचो अनुग्रह चो बचन के सोपुन देयें से; जोन तुमचो उन्नती करूक सके आउर सपाय पवितर करा गेलो लोगमन ने सामिल करून मीरास देऊक सके।

रोमियो 1:5

हुनचो बाटले आमके अनुग्रह आउर पठालोबिता चो काम मिरली कि हुनचो नाव चो कारन सपाय जातिमन चो लोग बिश्वास करून हुनचो मानोत,

रोमियो 1:7

हुन सपाय चो नाव जोन रोम ने माहापुरू चो लाड़रा आत आउर पवितर होतो काजे हाग दिया गेला सोत आमचो बुआ माहापुरू आउर परबु ईशु मसीह चो बाटले तुमके अनुग्रह आउर शान्ति मिरते रओ।

रोमियो 11:2

माहापुरू आपलो हुन परजा के नी छांडलो, जोन के हुन पयले ची ले जानलो। काय तुमी नी जानास कि पवितर शास्त्र एलिया चो बारे ने काय बले से, कि हुन इस्राएल चो बिरूद ने माहापुरू ले बिनती करू आय?

रोमियो 11:28

नगतखबर चो ले तो तुमचो काजे हुनमन माहापुरू चो बयरी आत, मान्तर चुनुन जातोर ले हुनमन बुआ-दादीमन चो लागुन लाड़रा आत।

रोमियो 15:16

कि मय दुसर जातिमन चो काजे मसीह ईशु चो सेवक होऊन भाती माहापुरू चो नगतखबर चो सेवक याजक चो समान करे, जेचो ले दुसर जातिमन चो माना चेगाया जातोर, पवितर आत्मा ले पवितर बनुन भाती गरहन कराय जाओ।

रोमियो 16:19

तुमचो हुकुम मानतोर चरचा सपाय लोगमन ने फयलुन गेली से, ऐईकाजे मय तुमचो बारे ने हरिक करें से, मान्तर मय ऐ चाहायें से कि तुमी भलाई चो काजे अकल बितामन मान्तर खराप चो काजे नुकु बनुन राहा।

रोमियो 16:26

मान्तर अदायं उजागर होऊन भाती जुग-जुग चो माहापुरू चो हुकुम ले अगम गिआनीमन चो किताबमन चो दुवारा सपाय जातिमन के सांगा गेली से कि हुनमन बिश्वास ले हुकुम मानतो बिता होऊन जाओत,

रोमियो 8:13

कसनबल्लोने अगर तुमी देंह चो अनुसार दिन बिताआ से तो मरा से, अगर आत्मा ले देंह चो काममन के मारा से तेबे जीव राआ से।

रोमियो 8:33

माहापुरू चो चुनलो बितामन उपरे दोष कोन लगायेदे? माहापुरू ची आय जोन हुनमन के धरमी ठेबातो बिता आय।

1 कुरिन्थियो 1:30

मान्तर हुनचेई बाटले तुमी मसीह ईशु ने आसास, जोन माहापुरू चो बाटले आमचो काजे गिआन थेबलो, बल्लोने धरम, आउर पवितरता, आउर छुटकारा;

1 कुरिन्थियो 6:11

आउर तुमनमन ले कितरो असने ची रवत, मान्तर तुमी परबु ईशु मसीह चो नाव ले आउर आमचो माहापुरू चो आत्मा ले धुआ गेलास आउर पवितर होलास आउर धरमी ठेबलास।

2 कुरिन्थियो 10:5

ऐईकाजे आमी कलपनामन चो आउर हरकोनी ऊँचा गोठ चो, जोन माहापुरू चो पयचान चो बिरूद ने उठु आय, खंडन करू आत, आउर हरकोनी भावना के कयद करून मसीह चो हुकुम मानु बनान देऊ आंव,

2 कुरिन्थियो 13:14

परबु ईशु मसीह चो अनुग्रह आउर माहापुरू चो मया आउर पवितर आत्मा चो भागीदारी तुमी सपाय चो संगे होते रओ।

कुलुस्सियो 3:12

ऐईकाजे माहापुरू चो चुनलो बितामन चो असन जोन पवितर आउर लाड़रा आय, बड़े करूना, आउर भलाई, आउर दिनता, आउर नम्रता, आउर सयनशक्ति धारन करा,

2 थिस्सलुनीकियो 2:13

हे भाईमन, आउर परबु चो लाड़रा लोगमन, जरूरी आय कि आमी तुमचो बारे ने सदा परबु चो धन्यबाद करते रऊँ, कसनबल्लोने माहापुरू मुर ले तुमके चुनुन धरलो कि आत्मा चो बाटले पवितर बनुन भाती, आउर सत चो बिश्वास करून मुक्ति पाआ,

2 तीमुथियुस 2:10

ऐई लागुन मय चुनलो लोगमन चो काजे सपाय काई सहु आंय कि हुनमन बले हुन मुक्ति के जोन मसीह ईशु ने आसे अमर महिमा चो संगे पाओत।

तीतुस 1:1

पौलुस चो बाटले जोन माहापुरू चो दास आउर ईशु मसीह चो पठालोबिता आय, माहापुरू चो चुनलो लोगमन चो बिश्वास आउर हुन सत चो पयचान चो अनुसार जोन भक्ति चो अनुसार आय,

इब्रानियो 10:22

तेबे ईआ, आमी सत मन आउर पुरा बिश्वास चो संगे, आउर बिबक चो दोष लापी करतो काजे कारजा थाने छिड़काव धरून भाती, आउर देंह के शुद्ध पानी ले धुआऊन भाती माहापुरू चो लगे जाऊ।

इब्रानियो 11:28

बिश्वास ची ले हुन फसह आउर लऊ छिंचतोर बिदी मानलो, कि पयलवातमन चो नाश करतो बिता इस्राएलीमन उपरे हाथ नी डालोत।

इब्रानियो 12:24

आउर नवा बायदा चो मंजारे ईशु आउर छिंचलोर हुन लऊ चो लगे ईलासास, जोन हाबिल चो लऊ ले बड़ीया गोठमन बोलु आय।

इब्रानियो 5:9

आउर सिद्ध बनुन भाती, आपलो सपाय हुकुम मानतो बितामन चो काजे हरमेशा चो मुक्ति चो कारन होऊन गेलो,

1 पतरस 1:14

हुकुम मानु लेकामन चो असन आपलो अगिआनता चो समया चो जुना बिती मनमानीमन चो समान नी बना।

1 पतरस 1:19

मान्तर बेकसूर आउर निसकलंक मेमना, बल्लोने मसीह चो बड़े मोल लऊ चो दुवारा होली।

1 पतरस 1:20

हुनचो गिआन तो जगत चो उपजास चो पयले ची ले जाना जाऊ रये, मान्तर अदायं ऐ सरासरी जुग ने तुमचो काजे परकट होलो।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 2:9

मान्तर तुमी गोटक चुनलो बिती बंश, आउर राज पनधारी याजकमन चो समाज, आउर पवितर लोग, आउर (माहापुरू चो) निज परजा आस, ऐईकाजे कि जोन तुमके अंधार थानले आपलो भयंकर उजर ने हाग दिलो से, हुनचो गुन परकट करा।

2 पतरस 1:2

माहापुरू चो आउर आमचो परबु ईशु चो पयचान चो दुवारा अनुग्रह आउर शान्ति तुमनमन ने खुबे ले खुबे बड़ते जाओ।

2 यूहन्ना 1:1

मय सियान चो बाटले हुन चुनलो बिती बायले आउर हुनचो पिलामन चो नाव, जोनमन ले मय सते मया संगाऊ आय, आउर मात्र मय ची नाई मान्तर हुनमन सपाय बले मया संगाऊ आत जोन सत के जानोत;

2 यूहन्ना 1:13

तुचो चुनलो बिती भईन चो पिलामन तुके जुहार बले सोत।

यहूदा 1:2

दया आउर शान्ति आउर मया तुमके खुबे-खुबे मिरते रओ।