1 पतरस 1:12 - Halbi

¹² हुनमन उपरे ऐ परकट करा गेली कि हुनमन आपलो नाई मान्तर तुमचो सेवा चो काजे ऐ गोठमन बोला करते रओत, जेचो खबर अदायं तुमके हुनमन चो दुवारा मिरली जोनमन पवितर आत्मा चो दुवारा, जोन सरग ले पटाया गेली, तुमके नगतखबर सुनाला; आउर ऐ गोठमन के सरगदूत बले धिआन ले दकतोर इच्छा संगाऊ आत।

परमेस्वर को सच्चो वचन ख जाननू

¹² उन पर यू परगट कियो गयो कि वी अपनी नी पर तुमारी सेवा को लाने यी बात हुन कय्हो करिये हैं, जीन को बारा अब तुम ख ओको दुवारा मिलो जीन हुन न सुध्द आत्मा को व्दारा, जो स्वर्ग से भेजो गयो, तुम ख सुसमाचार को बारा सुनायो; अर बात हुन का स्वर्ग दूत भी ध्यान से देखन कि लोभ रख हैं।

1 पतरस 1:12 Iomraidhean Croise

मत्ती 11:25

हुदलीदाय ईशु बल्लो, “हे बुआ, सरग आउर धरतनी चो परबु, मय तुचो धन्यबाद करेंसे कि तुय ऐ गोठमन के गिआनिमन आउर समजदारमन ले लुकाऊन संगालीस, आउर लेकामन उपरे उजागर करली सीस।

मत्ती 11:27

“मोचो बुआ मोके सब कुछ सोपलो से; आउर कोनी बेटा के नी जानोत, मात्र बुआ; आउर कोनी बुआ के नी जानोत, मात्र बेटा; आउर हुन जेचो उपरे बेटा हुनके उजागर करूक चाहाओ।

मत्ती 16:17

ईशु हुनके जबाप दिलो, “हे शिमोन, योना चो बेटा, तुय धन्य आस; कसनबल्लोने मास आउर लऊ ने नाई, मान्तर मोचो बुआ जोन सरग ने आसे, ऐ गोठ तुचो उपरे उजागर करलो से।

मरकुस 16:15

आउर हुन हुनमन ले बल्लो, “तुमी सपाय जगत ने जाऊन भाती पुईतराय बरमाण्ड चो लोगमन के नगतखबर परचार करा।

लूका 15:10

मय तुमचो ले बलें सें कि ऐई रीति ले गोटक मन फिरातो बिता पापी चो बारे ने माहापुरू चो सरग दूतमन चो पुरे हरिक होऊ आय।”

लूका 2:26

आउर पवितर आत्मा बाटले हुनचो उपरे उजागर होऊ रली कि जिदलदाय ले हुन परबु चो मसीह के नी दके, हुदलदाय ले मरना के नी दके दे।

लूका 9:6

आउर हुनमन निकरून भाती गाँव-गाँव नगतखबर सुनाते, आउर हर जगा लोगमन के चेंगा करते-करते फिरते रवत।

यूहन्ना 15:26

मान्तर जिदलदाय सायता करू ऐये दे, जोन के मय तुमचो लगे बुआ चो बाटले पटायें दें, बल्लोने सत चो आत्मा जोन बुआ चो बाटले निकरू आय, तेबे हुन मोचो गोहई देये दे;

प्रेरितो 10:44

पतरस ऐ गोठमन बोलते ची रलो कि पवितर आत्मा बचन चो सपाय सुनतो बितामन उपरे उतरली।

प्रेरितो 16:10

हुनचो ऐ दरशन दकते ची आमी तुरते मकिदुनिया जाऊक मन करलु, ऐ समजुन भाती कि माहापुरू आमके हुनमन के नगतखबर सुनातो काजे हाग दिलो से।

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

प्रेरितो 4:31

जिदलदाय हुनमन पारथना करून चुकला, तेबे हुन जगा जोन थाने हुनमन रूंड़ा रवत हलुन गेली, आउर हुनमन सपाय पवितर आत्मा ले भरपूर होऊन गेला, आउर माहापुरू चो बचन हिम्मत ले सुनाते रला।

प्रेरितो 4:8

तेबे पतरस पवितर आत्मा ले भरपूर होऊन भाती हुनमन ले बल्लो,

प्रेरितो 8:25

आउर हुनमन गोहई देऊन भाती आउर परबु चो बचन सुनान भाती यरूशलेम बाटे बाहाडून गेला, आउर सामरीमन चो खुबे असन गाँवमन ने नगतखबर सुनाते गेला।

रोमियो 1:15

आउर मय तुमके बले जोन रोम ने रऊ आस, नगतखबर सुनातो काजे भरसक तिआर आंसे।

रोमियो 1:17

कसनबल्लोने हुन थाने माहापुरू चो धारमिकता बिश्वास ले आउर बिश्वास चो काजे उजागर होऊ आय; जसन लिकलोर आसे, “बिश्वास ले धरमी जन जीव रयदे।”

रोमियो 10:15

आउर अगर पटाया नी जाऊँ, तेबे कसन परचार करवां? जसन लिकलोर आसे, “हुनमन चो पाँय कितरो सुन्दर आय, जोन अच्छा गोठमन चो नगतखबर सुनाऊ आत!”

रोमियो 15:19

आउर चिनामन, आउर भयंकर काममन चो सामरत ले, आउर पवितर आत्मा चो सामरत ले मोचो ची बाटले करला, ऐथा ले कि मय यरूशलेम ले धरून भाती चारो बाटे इल्लुरिकुम ले मसीह चो नगतखबर चो पुरा-पुरा परचार करले।

1 कुरिन्थियो 2:10

मान्तर माहापुरू हुनमन के आपलो आत्मा चो दुवारा आमचो उपरे परकट करलो, कसनबल्लोने आत्मा सपाय गोठमन, मान्तर माहापुरू चो गुन गोठमन बले जाचु आय।

2 कुरिन्थियो 1:22

जोन आमचो उपरे छाप बले करून दिलो से आउर बयाना ने आत्मा के आमचो मन मन ने दिलो।

2 कुरिन्थियो 6:6

पवितरता ले, गिआन ले, धीरज ले, किरपा ले, पवितर आत्मा ले,

गलातियो 1:12

कसनबल्लोने हुन मोके माने चो बाटले नी पोंहचली, आउर ना मोके सिकाय गेली, मान्तर ईशु मसीह चो परकाशन ले मिरली।

गलातियो 1:16

जिदलदाय मन होली कि मोचो थाने आपलो बेटा के परकट करो कि मय दुसर जातिमन ने हुनचो नगतखबर सुनायें दे, तेबे ना मय मास आउर लऊ ले सलाह धरले,

इफिसीयो 3:10

बल्ले अदायं कलीसिया चो दुवारा, माहापुरू चो भिन-भिन परकार चो गिआन हुन परधानमन आउर अधिकारीमन उपरे जोन सरग चो जगामन ने आसोत, परकट कराय जाओ।

1 थिस्सलुनीकियो 2:9

कसनबल्लोने, हे भाईमन, तुमी आमचो मसागत आउर कष्ट के सुरता संगाऊ आहास; आमी तो ऐईकाजे रात दिन काम धन्धा करते-करते तुमचो ने माहापुरू चो नगतखबर परचार करलु कि तुमचो थानले काचीई उपरे भार नी होओ।

1तीमुथियुस 3:16

ऐ थाने संका निआय कि भक्ति चो भेद गंभीर आय, बल्लोने, हुन जोन देंह ने परकट होलो, आत्मा ने धरमी ठेबलो, सरग दूतमन के दका दिलो, दुसर जातिमन ने हुनचो परचार होली, जगत ने हुनचो उपरे बिश्वास करा गेली, आउर महिमा ने उपरे उठाया गेलो।

इब्रानियो 11:13

ऐ सपाय बिश्वास ची चो दसा ने मरला; आउर हुन बायदा करलो बिती तीजमन नी पावला, मान्तर हुनमन के दूर ले दकुन भाती हरिक होला आउर मानला कि आमी धरतनी थाने परदेशी आउर बाहरी आंव।

इब्रानियो 2:4

आउर संगे ची माहापुरू बले आपलो इच्छा चो अनुसार चिनामन, आउर भयंकर काममन, आउर नाना परकार चो सामरत चो काममन, आउर पवितर आत्मा चो बरमन के बाटतोर लागुन ऐचो गोहई देते रलो।

इब्रानियो 4:2

कसनबल्लोने आमके हुनीमन चो असन नगतखबर सुनाया गेली से, मान्तर सुनलो बिती बचन ले हुनमन के काई लाब नी होली; कसनबल्लोने सुनतो बितामन चो मन ने बिश्वास चो संगे नी बसली।

1 पतरस 1:25

मान्तर परबु चो बचन जुग-जुग थीर रऊ आय।” आउर ऐई नगतखबर चो बचन आय जोन तुमके सुनाया गेलीसे।

1 पतरस 4:6

कसनबल्लोने मरलो बितामन के बले नगतखबर ऐईकाजे सुनाया गेली कि देंह ने तो मानेमन चो अनुसार हुनमन चो नियाय होओ, मान्तर आत्मा ने हुनमन माहापुरू चो अनुसार जीव रवत।

प्रकाशितवाक्य 5:11

जिदलदाय मय दकले, तेबे हुन सिंघासन आउर हुन परानीमन आउर हुन सियानमन चो चारो बाटे खुबे असन सरग दूतमन चो शब्द सुनले, जेचो गेनती लाखो आउर करोड़ो चो रली,