1 पतरस 1:1 - Halbi

¹ पतरस चो बाटले जोन ईशु मसीह चो पठालोबिता आय, हुन परदेशीमन चो नाव जोन पुन्तुस, गलातिया, कप्पदुकिया, आसिया आउर बितूनिया ने जत-खत होऊन भाती रऊ आत,

परमेस्वर को सच्चो वचन ख जाननू

¹ पतरस कि तरफ से, जे यीसु मसी ख प्रेरित आय, परमेस्वर का वी चुनयो भयो अदमी हुन ख नाम जे पुन्तुस, गलातिया, कप्पदूकिया, आसिया अर बिथुनिया का इते-उते होय ख रवाह हैं,

1 पतरस 1:1 Iomraidhean Croise

मत्ती 10:2

ये बारहो पठालोबितामन चो नाव ऐ आय पयला शिमोन, जोन पतरस बलाया जाऊ आय, आउर हुनचो भाई अन्द्रियास; जबदी चो बेटा याकूब, आउर हुनचो भाई यूहन्ना;

मत्ती 24:22

अगर हुन दिन घटाया नी जाति तेबे कोनी जीव जन्तु नी बाचता, मान्तर चुनलो बितामन चो लागुन हुन दिन घटाया जाये दे।

मत्ती 4:18

ईशु गलील चो झील चो कटा बुलते-बुलते हुन दुई भाईमन बल्लोने शिमोन के जोन पतरस बलाया जाऊ आय, आउर हुनचो भाई अन्द्रियास के झील ने झारी पकातोर दकलो; कसनबल्लोने हुनमन मछरी धरतो बितामन रवत।

लूका 18:7

ऐईकाजे काय माहापुरू आपलो चुनलो बितामन चो नियाय नी चुकायें दें, जोन रात दिन हुनचो दुहाई देते रऊ आत? काय हुन हुनमन चो बारे ने बेर करे दे?

यूहन्ना 11:52

आउर ना मात्र हुन जाति चो काजे, आउर येई काजे बले कि माहापुरू चो जत-खत पिलामन के गोटक करून देये दे।

यूहन्ना 7:35

ऐ थाने यहूदीमन आपस ने बल्ला, “ऐ काहां जाय दे कि आमी ऐके नी भेटुन दें? काय हुन हुनमन चो लगे जाये दे जोन यूनानीमन ने जतखत होऊन भाती रऊ आत, आउर यूनानीमन के बले उपदेश देये दे?

प्रेरितो 18:2

हुता हुनके अकविला नाव चो गोटक यहूदी मिरलो, जेचो जनम पुनथुस ने होऊ रली। हुन आपलो बायले प्रिसकिला चो संगे इटली ले हाल ने ची ऐऊ रलो, कसनबल्लोने क्लौदियुस सपाय यहूदीमन के रोम ले निकरून जातोर हुकुम देऊ रलो। ऐईकाजे हुन हुनमन चो थाने गेलो।

प्रेरितो 18:23

फेर खिन्डिक दिन रऊन भाती हुन हुता ले निकरलो, आउर गोटक बाटले गलातिया आउर फ्रुगिया परदेशमन ने सपाय चेलामन के थीर करते फिरलो।

प्रेरितो 19:10

दुय बरक तक असने ची होते रये, ऐथा ले कि आसिया चो रतो बितामन काय यहूदी काय यूनानी सपाय परबु चो बचन सुनला।

प्रेरितो 6:9

तेबे हुन आराधना घर थानले जोन लिबिरतीनमन चो बलाया जाते रली, आउर कुरेनी आउर सिकन्दरिया आउर किलिकिया आउर आसिया चो लोगमन थानले कितलो झान उठून भाती स्तिफनुस ले बहस करूक मुरयाला।

प्रेरितो 8:4

जोन जतखत होऊन रवत, हुनमन नगतखबर सुनाते बुल्ला;

1 कुरिन्थियो 16:19

आसिया चो कलीसियामन चो बाटले तुमके जुहार; अकविला आउर प्रिसकिला चो आउर हुनमन चो घर चो कलीसिया चो बले तुमके परबु ने खुबे-खुबे जुहार!

2 कुरिन्थियो 1:8

हे भाईमन आमी नी चाहाऊं कि तुमी आमचो हुन कलेश ले अनजान राआ जोन आसिया ने आमचो उपरे पढ़ली; आमी असन खुबे बोजा ले चेपाय होऊन रऊं, जोन आमचो सामरत ले बाहरे रये, ऐ थानले कि आमी जीवना ले बले हाथ धोऊन बसु रलु।

गलातियो 1:2

आउर सपाय भाईमन चो बाटले आउर जोन मचो संगे आसोत, गलातिया चो कलीसियामन चो नाव।

इफिसीयो 2:12

तुमीमन हुन समया मसीह ले अलग, आउर इस्राएल चो परजा चो पन ले अलग करलो बिती, आउर बायदा चो बायदामन चो भागी नी राआस, आउर आशा हीन आउर जगत ने ईश्पर नाहलो रलास।

इफिसीयो 2:19

ऐईकाजे तुमी अदायं परदेशीया आउर मुसाफिर नी रलास, मान्तर पवितर लोगमन चो संगवारी परदेशीया आउर माहापुरू चो घरलोगमन चो होऊन गेला।

2 तीमुथियुस 1:15

तुय जानीस कि आसिया बितामन सपाय मोचो ले फिरून गेला से, जोन मन ने फूगिलुस आउर हिरमुगिनेस आसोत।

इब्रानियो 11:13

ऐ सपाय बिश्वास ची चो दसा ने मरला; आउर हुन बायदा करलो बिती तीजमन नी पावला, मान्तर हुनमन के दूर ले दकुन भाती हरिक होला आउर मानला कि आमी धरतनी थाने परदेशी आउर बाहरी आंव।

याकूब 1:1

माहापुरू चो आउर परबु ईशु मसीह चो दास याकूब चो बाटले हुन बारा कुलमन चो जोन जत-खत होऊन भाती रऊ आत जुहार अमरो।

1 पतरस 2:11

हे लाड़रामन, मय तुमचो ले गुहार करें से कि तुमी आपन खुद के परदेशी आउर यातरी जानुन भाती हुन संवसारिक मनमानीमन ले जोन आत्मा ले लड़ीई करू आय, बचुन राआ।

2 पतरस 1:1

शिमोन पतरस चो बाटले, जोन ईशु मसीह चो दास आउर पठालोबिता आय, हुन लोगमन चो नाव जोनमन आमचो माहापुरू आउर मुक्ति करू ईशु मसीह चो धारमिकता ले आमचो असन बड़े मोल बिश्वास परापत करला से।

प्रकाशितवाक्य 1:11

“जोन काई तुय दक सीस हुनके किताब ने लिकुन भाती सातो कलीसियामन चो लगे पटाऊन देस, बल्लोने इफिसुस, आउर स्मुरना, आउर पिरगमुन, आउर थुआथीरा, आउर सरदीस, आउर फिलदिलफिया, आउर लौदीकिया के।”