1यूहन्ना 5:7 - Halbi

⁷ आउर जोन गोहई देऊ आय, हुन आत्मा आय, कसनबल्लोने आत्मा सत आय।

परमेस्वर को सच्चो वचन ख जाननू

⁷ अर जो गवाह देवन वालो आय, वी तीन गवाह आय।

1यूहन्ना 5:7 Iomraidhean Croise

मत्ती 17:5

हुन बलते रलो कि गोटक उजर बादरी हुनमन के छांई होली, आउर हुन बादरी थानले ऐ शब्द निकरली, “ऐ मोचो लाड़रा बेटा आय, जेचो ले मय हरिक आंसे: ऐचो सुना।”

मत्ती 18:16

अगर हुन नी सुने दे, तेबे गोटक नाहले दुय झान के आपलो संगे आउर धरून जा, कि ‘हर कोनी गोठ दुय नाहले तीन गोहईमन चो मुंह ले तय करा जाओ।’

मत्ती 28:19

ऐईकाजे तुमी जाआ, सपाय जातिमन चो लोगमन के चेला बनाहा; आउर हुनमन के बुआ, आउर बेटा, आउर पवितर आत्मा चो नाव ले डूबन दिआस,

यूहन्ना 1:1

मुर ने बचन रये, आउर बचन माहापुरू चो संगे रये, आउर बचन माहापुरू रये।

यूहन्ना 10:30

मय आउर बुआ गोटक आंव।”

यूहन्ना 12:28

हे बुआ, आपलो नाव चो महिमा कर।” तेबे ऐ आकाशबानी होली, “मय हुनचो महिमा करले से, आउर फेर बले करें दें।”

यूहन्ना 14:17

बल्लोने सत चो आत्मा, जेके संवसार गरहन करूक नी सके, कसनबल्लोने हुन ना हुनके दकु आय आउर ना हुनके जाने से; तुमी हुनके जानास, कसनबल्लोने हुन तुमचो संगे रऊ आय, आउर हुन तुमचो ने होये दे।”

यूहन्ना 15:26

मान्तर जिदलदाय सायता करू ऐये दे, जोन के मय तुमचो लगे बुआ चो बाटले पटायें दें, बल्लोने सत चो आत्मा जोन बुआ चो बाटले निकरू आय, तेबे हुन मोचो गोहई देये दे;

यूहन्ना 5:26

कसनबल्लोने जोन रीति ले बुआ आपन खुद ने जीवना संगाऊ आय, हुनी रीति ले हुन बेटा के बले ऐ अधिकार दिलो से कि आपन खुद ने जीवना संगा ओ;

यूहन्ना 8:18

गोटक तो मय खुद आपलो गोहई देऊ आंय, आउर दुसर बुआ मोचो गोहई देऊ आय जोन मोके पठालो।”

यूहन्ना 8:54

ईशु जबाप दिलो, “अगर मय खुद आपलो महिमा करें दें, तो मोचो महिमा काई नुआय; मान्तर मोचो महिमा करतो बिता मोचो बुआ आय, जोन के तुमी बोलु आहास कि हुन तुमचो माहापुरू आय।

प्रेरितो 2:33

असने परकार माहापुरू चो उजा हाथ ले सपाय ले बड़े पद पाऊन भाती, आउर बुआ ले हुन पवितर आत्मा पाऊन भाती जेचो बायदा करा जाऊ रली, हुन ऐ रिकाऊन दिलो से जोन के तुमी दकेसास आउर सुनेसास।

प्रेरितो 5:32

“आमी ऐ गोठमन चो गोहई आंसु आउर असने ची पवितर आत्मा बले, जेके माहापुरू हुनमन के दिलो से जोन हुनचो हुकुम मानु आत।”

2 कुरिन्थियो 13:14

परबु ईशु मसीह चो अनुग्रह आउर माहापुरू चो मया आउर पवितर आत्मा चो भागीदारी तुमी सपाय चो संगे होते रओ।

1यूहन्ना 1:1

हुन जीवना चो बचन चो बारे ने जोन मुर ले रये, जेके आमीमन सुनलु, आउर जेके आपलो आँईकमन ले दकलु, बल्लोने जेके आमीमन धिआन ले दकलु आउर हाथमन ले छिंवलु।

1यूहन्ना 5:6

ऐई आय हुन जोन पानी आउर लऊ चो दुवारा ऐऊ रलो, बल्लोने ईशु मसीह हुन ना मात्र पानी चो दुवारा मान्तर पानी आउर लऊ दुनो चो दुवारा ऐऊ रलो। आउर ये आत्मा आय जोन गोहई देये से, कसनबल्लोने आत्मा सत आय।

1यूहन्ना 5:8

गोहई देतो बिता तीन आत, आत्मा, आउर पानी, आउर लऊ; आउर तीनो गोटक ची गोठ थाने सहमत आत।

प्रकाशितवाक्य 19:13

हुन लऊ छिंचलोर फटीई पिन्दलो से, आउर हुनचो नाव माहापुरू चो बचन आय।