1यूहन्ना 5:10 - Halbi

¹⁰ जोन माहापुरू चो बेटा उपरे बिश्वास करू आय हुन आपलो ची ने गोहई संगाऊ आय। जोन माहापुरू उपरे बिश्वास नी करलो हुन हुनके फंदी ठेबालो, कसनबल्लोने हुन-हुन गोहई थाने बिश्वास नी करलो जोन माहापुरू आपलो बेटा चो बारे ने दिलो से।

परमेस्वर को सच्चो वचन ख जाननू

¹⁰ जो परमेस्वर को पोरिया पर विस्वास करिये हैं उ अपनो मन म गवाई रख हैं। जे न परमेस्वर पर विस्वास नी कियो ओ न ओ ख झूटो ठहर हैं, काहे कि ओ न ओ से गवाई पर विस्वास नी कियो जो परमेस्वर न अपनो पोरिया को बारा म दियो हैं।

1यूहन्ना 5:10 Iomraidhean Croise

यूहन्ना 3:16

“कसनबल्लोने माहापुरू जगत ले असन मया संगालो कि हुन आपलो गोटकी ची बेटा देऊन दिलो, बल्ले जोन कोनी हुनचो उपरे बिश्वास करोत हुन नष्ट नी होओत, मान्तर अमर जीवना पाओत।

यूहन्ना 3:18

जोन हुनचो उपरे बिश्वास करू आय, हुनचो उपरे डण्ड चो हुकुम नी होये, मान्तर जोन हुनचो उपरे बिश्वास नी करे, हुन दोषी ठेबुन चुकलो; ऐईकाजे कि हुन माहापुरू चो गोटकी ची बेटा चो नाव थाने बिश्वास नी करलो।

यूहन्ना 3:33

जोन हुनचो गोहई गरहन करला हुन ऐ गोठ थाने छापा लगाऊन दिला कि माहापुरू सते आय।

यूहन्ना 5:38

आउर हुनचो बचन के मन ने थीर नी संगाहास, कसनबल्लोने जोन के हुन पठालो तुमी हुनचो बिश्वास नी करास।

प्रेरितो 8:37

फिलिपुस बल्लो, “अगर तुय पुरा मन ले बिश्वास करे सीस तो धरूक सकीस।” हुन जबाप दिलो, “मय बिश्वास करें से कि ईशु मसीह माहापुरू चो बेटा आय।”

रोमियो 8:16

आत्मा खुद ची आमचो आत्मा चो संगे गोहई देऊ आय, कि आमी माहापुरू चो पिला आंव;

गलातियो 4:1

मय ऐ बलें सें कि हकदार जिदलदाय ले लेका आसे, अगर सपाय तीजमन चो मालिक आय, तेबले बले हुनचो ने आउर दास ने काई भेद निआय।

गलातियो 4:6

आउर तुमी जोन बेटा आस, ऐईकाजे माहापुरू आपलो बेटा चो आत्मा के, जोन “हे अब्बा, हे बुआ” बोलुन भाती हाग देऊ आय, आमचो मन-मन ने पठालो से।

कुलुस्सियो 3:3

कसनबल्लोने तुमी तो मरून गेलास आउर तुमचो जीवन मसीह चो संगे माहापुरू ने लुकलोर आसे।

इब्रानियो 3:12

हे भाईमन, चेत करून रहा कि तुमनमन ने असन खराप आउर अबिश्वासीमन नी होओत, जोन तुमी के जीवता माहापुरू ले लापी गुचाऊन नेओत।

2 पतरस 1:19

आमचो लगे जोन अगम गिआनीमन चो बचन आसे, हुन ऐ घटना ले जमखम ठेबली। तुमी ऐ अच्छा करेसास जोन ऐ समजुन भाती हुन उपरे धिआन करू आस कि हुन गोटक दीया आय, जोन अंधार जगा ने हुन समया ले उजर देते रऊ आय जिदलदाय ले कि बिहान नी होये आउर बड़े बिहान चो तारा तुमचो मन-मन ने नी बरे।

1यूहन्ना 1:10

अगर आमी बोलुन्दे कि आमीमन पाप नी करलु, तेबे हुनके फंदी ठेबाऊ आय, आउर हुनचो बचन आमचो ने निआय।

1यूहन्ना 5:1

जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

प्रकाशितवाक्य 12:17

तेबे बोड़ासाप बायले लेकी उपरे रीस होलो, आउर हुनचो बाकी पिलामन ले, जोन माहापुरू चो हुकुममन के मानतोर आउर ईशु चो गोहई देतोर थाने थीर आसोत, लडुक लाय गेलो।

प्रकाशितवाक्य 2:17

“जेचो कान आसे हुन सुना कि आत्मा कलीसियामन ले काय बले से। जोन जय पावला, हुनके मय गुपत मन्ना थानले देयेंदे, आउर हुनके गोटक पंडरा पकना बले देयेंदे; आउर हुन पकना थाने गोटक नाव लिकलोर होयदे, जोन के हुनके पावतो बिता के छांडुन आउर कोनी नी जाने।”

प्रकाशितवाक्य 2:28

“आउर मय हुनके बिहान चो तारा देयेंदे।”