1यूहन्ना 5:1 - Halbi

¹ जेचो ऐ बिश्वास आसे कि ईशु ची मसीह आय, हुन माहापुरू ले उपजास होलो से; आउर जोन कोनी उपजास करतो बिता ले मया संगाऊ आय, हुन हुनचो ले बले मया संगाऊ आय जोन हुनचो ले उपजास होलो से।

परमेस्वर को सच्चो वचन ख जाननू

¹ जे को यू विस्वास आय कि यीसु ही मसी आय, उ परमेस्वर से पैदा भयो हैं अऊर जो कुई होन से प्यार रख हैं, उ ओ से भी प्यार रख हैं, जो ओ से भयो हैं।

1यूहन्ना 5:1 Iomraidhean Croise

मत्ती 16:16

शिमोन पतरस जबाप दिलो, “तुय जीवता माहापुरू चो बेटा मसीह आस।”

लूका 7:5

कसनबल्लोने हुन आमचो जाति ले मया संगाऊ आय, आउर हुनी ची आमचो आराधना घर के बनालो से।”

यूहन्ना 1:3

सपाय काई हुनचेई बाटले उपजास होली, आउर जोन काई उपजास होली से हुन थानले कोनी बले तीज हुनचो बिना उपजास नी होली।

यूहन्ना 15:23

जोन मोचो ले बईर संगाऊ आय, हुन मोचो बुआ ले बले बईर संगाऊ आय।

यूहन्ना 3:3

ईशु हुनके जबाप दिलो, “मय तुचो ले सते-सते बलें सें, अगर कोनी नवा ढंग ले नी जनमे तो माहापुरू चो राज दकुक नी सके।”

यूहन्ना 6:69

आउर आमी बिश्वास करलु आउर जानुन गेलु से कि माहापुरू चो पवितर जन तुय ची आस।”

यूहन्ना 8:42

ईशु हुनमन ले बल्लो, “अगर माहापुरू तुमचो बुआ होतो, तेबे तुमी मोचो ले मया संगातास; कसनबल्लोने मय माहापुरू चो बाटले ईले से। मय खुद ले नी ईले, मान्तर हुनी ची मोके पठालो।

प्रेरितो 8:36

बाट ने हिन्ड़ते-हिन्ड़ते हुनमन कोनी पानी चो जगा ने अमरला। तेबे खोजा बल्लो, “दक ऐथा पानी आसे, अदायं मोके डूबन धरतो ने काय अड़चन आसे।”

प्रेरितो 8:37

फिलिपुस बल्लो, “अगर तुय पुरा मन ले बिश्वास करे सीस तो धरूक सकीस।” हुन जबाप दिलो, “मय बिश्वास करें से कि ईशु मसीह माहापुरू चो बेटा आय।”

याकूब 1:18

हुन आपलो ची इच्छा ले आमके सत चो बचन चो दुवारा उपजास करलो, बल्ले आमी हुनचो बनालो बिती तीजमन थानले गोटक परकार चो पईल फर होऊ।

1 पतरस 1:3

आमचो परबु ईशु मसीह चो माहापुरू आउर बुआ चो धन्यबाद होओ, जोन ईशु मसीह चो मरलो थानले जीव उठलोर दुवारा, आपलो बड़े दया ले आमके जीव आशा चो काजे नवा जनम दिलो,

1यूहन्ना 2:10

जोन कोनी आपलो भाई ले मया संगाऊ आय हुन उजर ने रऊ आय, आउर ठोकरना नी खाऊक सके।

1यूहन्ना 2:29

अगर तुमी जानेसास, कि हुन धरमी आय, तेबे ऐ बले जाना कि जोन कोनी धरम चो कामकरू आय हुन हुनचो ले जनम लो से।

1यूहन्ना 3:14

आमी जानु से कि आमी मरना ले नाकुन भाती जीवना ने अमरलु से; कसनबल्लोने आमी भाईमन ले मया संगाऊ आंव। जोन मया नी संगाये हुन मरना चो दसा ने रऊ आय।

1यूहन्ना 3:17

मान्तर जोन कोनी चो लगे संवसार चो धनमाल रओ आउर हुन आपलो भाई के कंगाल दकुन भाती हुनचो उपरे जीव दुकाऊक नी चाह ले, तेबे हुनचो थाने माहापुरू चो मया कसन बनुन रऊक सकु आय?

1यूहन्ना 3:9

जोन कोनी माहापुरू ले जनम लो से हुन पाप नी करे, कसनबल्लोने हुनचो बीज हुनचो थाने बनुन रऊ आय, आउर हुन पाप करूक नी सके कसनबल्लोने माहापुरू ले जनम लो से।

1यूहन्ना 4:2

माहापुरू चो आत्मा तुमी ऐ रीति ले चिताऊक सका से, जोन आत्मा मानु आय कि ईशु मसीह देंह ने होऊन भाती ईलो से हुन माहापुरू चो बाटले आय,

1यूहन्ना 4:20

अगर कोनी बले दे, “मय माहापुरू ले मया संगाऊ आय,” आउर आपलो भाई ले बईर संगा ओ तो हुन फंदी आय; कसनबल्लोने जोन आपलो भाई ले जेके हुन दकलो से मया नी संगाये, तो हुन माहापुरू ले बले जेके हुन नी दकलो मया नी संगाऊक सके।

1यूहन्ना 4:7

हे लाड़रा मन, आमी आपस ने मया संगाऊ, कसनबल्लोने मया-माहापुरू ले आय। जोन कोनी मया करू आय, हुन माहापुरू ले जनम लो से आउर माहापुरू के जानु आय।

1यूहन्ना 5:18

आमी जानु से, कि जोन कोनी माहापुरू ले उपजास होला से, हुन पाप नी करे; मान्तर जोन माहापुरू ले उपजास होलो, हुनके हुन बचाऊन संगाऊ आय, आउर हुन दुष्ट हुनके छिंऊक नी सके।

1यूहन्ना 5:4

कसनबल्लोने जोन काई माहापुरू ले उपजास होली से, हुन जगत थाने जय पाऊ आय; आउर हुन जीत जेचो ले संवसार थाने जय पाऊ आय आमचो बिश्वास आय।

1यूहन्ना 5:5

संवसार थाने जय पावतो बिता कोन आय? मात्र हुन जेचो ऐ बिश्वास आसे कि ईशु, माहापुरू चो बेटा आय।