1यूहन्ना 3:23 - Halbi

²³ हुनचो हुकुम ऐ आय कि आमी हुनचो बेटा ईशु मसीह चो नाव थाने बिश्वास करूं, आउर जसन हुन आमके हुकुम दिलो से हुनचेई अनुसार आपस ने मया संगाहा।

परमेस्वर को सच्चो वचन ख जाननू

²³ ओको आदेस यू हैं हम ओखा पोरिया यीसु मसी को नाम पर विस्वास करा, अर जसो ओ न हम ख आदेस दियो आय ओको ही हिसाब से आपस म प्रेम रखजे।

1यूहन्ना 3:23 Iomraidhean Croise

मत्ती 22:39

आउर हुनचेई असन ऐ दुसर बले आय कि तुय आपलो अड़स-पड़स चो लोग ले आपलो समान मया संगाव।

मरकुस 9:7

तेबे गोटक बादरी हुनमन के ढ़ापली, आउर हुन बादरी थानले ऐ शब्द निकरली, “ऐ मोचो लाड़रा बेटा आय, ऐचो सुना।”

यूहन्ना 1:12

मान्तर जितरो लोग हुनके गरहन करला, हुन हुनमन के माहापुरू चो पिलामन होतोर अधिकार दिलो, बल्लोने हुनके जोन हुनचो नाव ने बिश्वास संगाऊ आत।

यूहन्ना 13:34

मय तुमके गोटक नवा हुकुम देंयें से कि गोटक दुसर ले मया संगाहा; जसन मय तुमचो ले मया संगाले से, असने ची तुमी बले गोटक दुसर ले मया संगाहा।

यूहन्ना 14:1

“तुमचो मन बाय बिकाल नी होओ; माहापुरू थाने बिश्वास संगाहा आउर मोचो उपरे बले बिश्वास संगाहा।

यूहन्ना 15:12

“मोचो हुकुम ऐ आय, कि जसन मय तुमचो ले मया संगाले, असने ची तुमी बले गोटक दुसर ले मया संगाहा।”

यूहन्ना 17:3

आउर अमर जीवना ऐ आय कि हुनमन तुके गोटक मात्र सते माहापुरू के आउर ईशु मसीह के, जोन के तुय पठाली सीस, जानोत।

यूहन्ना 2:23

जिदलदाय हुन यरूशलेम ने फसह चो समया तिआर ने रलो, तेबे खुबे लोगमन हुन चिनामन के जोन हुन दकाते रये दकुन भाती हुनचो नाव ने बिश्वास करला।

यूहन्ना 3:18

जोन हुनचो उपरे बिश्वास करू आय, हुनचो उपरे डण्ड चो हुकुम नी होये, मान्तर जोन हुनचो उपरे बिश्वास नी करे, हुन दोषी ठेबुन चुकलो; ऐईकाजे कि हुन माहापुरू चो गोटकी ची बेटा चो नाव थाने बिश्वास नी करलो।

यूहन्ना 6:29

ईशु हुनमन के जबाप दिलो, “माहापुरू चो काम ऐ आय कि तुमी हुनचो उपरे, जोन के हुन पठालो से, बिश्वास करा।”

प्रेरितो 16:31

हुनमन बल्ला, “परबु ईशु मसीह चो उपरे बिश्वास कर, तेबे तुय आउर तुचो घरलोगमन मुक्ति पावदे।”

इफिसीयो 5:2

आउर मया ने चला जसन मसीह बले तुमचो ले मया करलो, आउर आमचो काजे आपन खुद के सुखदाई बास चो काजे माहापुरू चो पुरे भेट करून बलिदान करून दिलो।

1 थिस्सलुनीकियो 4:9

मान्तर भाईचारा चो मया चो बारे ने ऐ जरूरी नुआय कि मय तुमचो लगे काई लिकेन्दे, कसनबल्लोने आपस ने मया संगातोर तुमनमन खुदे ची माहापुरू ले सिकलासास;

1तीमुथियुस 1:15

ऐ गोठ सत आउर हर परकार ले बिश्वास लायक आय कि मसीह ईशु पापीमन चो मुक्ति करतो काजे जगत ने ईलो, जोन थाने सपाय ले बड़े पापी मय आंय।

1 पतरस 1:22

आउर: जसन कि तुमनमन भाईचारा चो निष्कपट लाड़ चो लागुन सत चो मानतो ले आपलो मनमन के पवितर करलासास, तेबे तन-मन लगाऊन भाती गोटक दुसर ले खुबे मया संगाहा।

1 पतरस 4:8

सपाय ले बड़ीया गोठ ऐ आय कि गोटक दुसर ले खुबे मया संगाहा, कसनबल्लोने मया कईं पापमन के ढ़ापुन देऊ आय।

1यूहन्ना 2:7

हे लाड़रामन, मय तुमके कोनी नवा हुकुम नी लिके, मान्तर हुनी जुना हुकुम जोन मुर ले तुमके मिरली से; ऐ जुना हुकुम हुन बचन आय जेके तुमनमन सुनलासास।

1यूहन्ना 3:11

कसनबल्लोने जोन खबर तुमनमन मुर ले सुनलास, हुन ऐ आय कि आमी गोटक दुसर ले मया संगाऊ;

1यूहन्ना 4:15

जोन कोनी ऐ मानु आय कि ईशु माहापुरू चो बेटा आय, माहापुरू हुनचो थाने बनुन रऊ आय, आउर हुन माहापुरू ने।

1यूहन्ना 4:21

हुनचो ले आमके ऐ हुकुम मिरली से, कि जोन कोनी माहापुरू ले मया संगाऊ आय हुन आपलो भाई ले बले मया संगा ओ।

1यूहन्ना 5:13

मय तुमके, जोन माहापुरू चो बेटा चो नाव थाने बिश्वास करू आहास, ऐईकाजे लिकलोर आसे कि तुमी जाना कि अमर जीवना तुमचो आय।