1यूहन्ना 2:27 - Halbi

²⁷ मान्तर तुमचो हुन अभिषेक जोन हुनचो बाटले कराए गेली, तुमचो ने बनुन रऊ आय; आउर तुमके ऐचो जरूरत निआय कि कोनी तुमके सिका ओत, बल्लोने जसन हुन अभिषेक जोन हुनचो बाटले कराए गेली तुमके सपाय गोठमन सिकाऊ आय, आउर ऐ सते आय आउर फंद नुआय; आउर जसन हुन तुमके सिका लो से हुसने ची तुमी हुन थाने बनुन रऊ आहास।

परमेस्वर को सच्चो वचन ख जाननू

²⁷ पर तुमारो उ अभिसेक जे मसी कि ओर से कियो गयो, तुम म बनो रवह हैं; अर तुम ख ओको प्रयोजन नी कि कोई तुम ख सिखावा हैं, कि जसो उ अभिसेक जे ओकी तरफ से कियो गयो तुम ख पूरी बात हुन सिखाव हैं, अर यू कि सच्चो हैं अर झूटा नी हैं; अर जसा ओ न तुम ख सिखायो हैं वसो ही तुम ओ म बनो रवह हैं।

1यूहन्ना 2:27 Iomraidhean Croise

यूहन्ना 14:26

मान्तर सायक बल्लोने पवितर आत्मा जेके बुआ मोचो नाव ले पटाये दे, हुन तुमके सपाय गोठमन सिकाये दे, आउर जोन काई मय तुमचो ले बल्ले से, हुन सपाय तुमके सुरता कराये दे।”

1 कुरिन्थियो 2:13

जेके आमी मानेमन चो गिआन चो सिका लो बिती गोठमन ने नाई, मान्तर आत्मा चो सिका लो बिती गोठमन ने, आत्मिक गोठमन आत्मिक गोठमन ले मिसान-मिसान भाती सुनाऊ आत।

यूहन्ना 16:13

मान्तर जिदलदाय हुन बल्ले सते चो आत्मा ऐये दे, तेबे तुमके सपाय सते चो बाट सांगे दे, कसनबल्लोने हुन आपलो बाटले नी बले दे मान्तर जोन काई सुने दे हुनी बले दे, आउर ऐतो बिती गोठमन के तुमके सांगे दे।

1 थिस्सलुनीकियो 2:13

ऐईकाजे आमी बले माहापुरू चो धन्यबाद हरमेशा करूं आंव कि जिदलदाय आमचो लागुन माहापुरू चो नगतखबर चो बचन तुमचो लगे पहुँचली, तेबे तुमी हुनके मानेमन चो नाई मान्तर माहापुरू चो बचन समजुन भाती (आउर सते ऐ असने ची आय) गरहन करलास; आउर हुन तुमी बिश्वासीमन थाने जोन बिश्वास संगाऊ आहास, असर करू आय।

2 यूहन्ना 1:2

हुन सत जोन आमचो ने थीर रऊ आय, आउर हरमेशा आमचो संगे अटल रये दे;

1यूहन्ना 3:24

जोन हुनचो हुकुममन के मानु आय, हुन हुन थाने आउर हुन हुनमन ने बनुन रऊ आय: आउर ऐचीई ले, बल्लोने हुन आत्मा ले जोन हुन आमके दिलो से, आमी जानु से कि हुन आमचो ने बनुन रऊ आय।

1यूहन्ना 2:28

आउर हे लेकामन, हुनचो थाने बनुन राहा कि जिदलदाय हुन परकट होओ तो आमके साआस होओ, आउर आमी हुनचो ईलो ने हुनचो पुरे लाज नी होऊ।

1 पतरस 1:23

कसनबल्लोने तुमनमन नाशवान नाई मान्तर अविनाशी बीज ले, माहापुरू चो जीवता आउर हरमेशा ठेबतो बिती बचन चो दुवारा नवा जनम पावलासास।

कुलुस्सियो 2:6

आउर जसन तुमी मसीह ईशु के परबु करून गरहन करलासास, असने ची हुनी थाने चलते राहा,

यूहन्ना 14:17

बल्लोने सत चो आत्मा, जेके संवसार गरहन करूक नी सके, कसनबल्लोने हुन ना हुनके दकु आय आउर ना हुनके जाने से; तुमी हुनके जानास, कसनबल्लोने हुन तुमचो संगे रऊ आय, आउर हुन तुमचो ने होये दे।”

इफिसीयो 4:21

मान्तर तुमी सत-सत हुनचेई सुनलास आउर, जसन ईशु ने सत आसे, हुनी थाने सिकाय बले गेलास

यूहन्ना 4:14

मान्तर जोन कोनी हुन पानी थानले पिये दे जोन मय हुनके देयें दें, हुन फेर अनंत काल तक पिआसा नी होये दे; मान्तर जोन पानी मय हुनके देयें दें, हुन हुन थाने गोटक झरन बनुन जाये दे जोन अमर जीवना चो काजे उमड़ते रये दे।”

1तीमुथियुस 2:7

मय सत बलेंसें, झूठ नी बोलें कि मय ऐई बिचार ले परचारक आउर पठालोबिता आउर दुसर जातिमन चो काजे बिश्वास आउर सत चो उपदेशक ठेबाय गेलो।

मत्ती 13:11

हुन जबाप दिलो, “तुमके सरग राज चो भेदमन चो समज दिया गेली से, मान्तर हुनमन के नाई।

यूहन्ना 6:45

अगम गिआनीमन चो लेखमन ने ऐ लिकलोर आसे, ‘हुनमन सपाय माहापुरू चो बाटले सिकालोर हो दे।’ जोन कोनी बले बुआ ले सुनला आउर सिकला से, हुन मोचो लगे ऐऊ आय।

यूहन्ना 14:16

मय बुआ ले गुहार करें दें, आउर हुन तुमके गोटक आउर सायक देये दे कि हुन हरमेशा तुमचो संगे रये दे।

1 कुरिन्थियो 2:12

मान्तर आमीमन ने संवसार चो आत्मा नाई, मान्तर हुन आत्मा पावलु से जोन माहापुरू चो बाटले आय कि आमी हुन गोठमन के जानु जोन माहापुरू आमके दिलो से।

2 कुरिन्थियो 1:21

आउर जोन आमके तुमचो संगे मसीह ने जमखम करू आय, आउर जोन आमचो अभिषेक करलो हुनी माहापुरू आय,

1 थिस्सलुनीकियो 4:9

मान्तर भाईचारा चो मया चो बारे ने ऐ जरूरी नुआय कि मय तुमचो लगे काई लिकेन्दे, कसनबल्लोने आपस ने मया संगातोर तुमनमन खुदे ची माहापुरू ले सिकलासास;