1यूहन्ना 2:18 - Halbi

¹⁸ हे लेकामन, ऐ आखरी समया आय; जसन तुमनमन सुनलासास कि मसीह चो बिरोधी ऐतो बिता आय, हुनचो अनुसार ऐबे बले खुबे असन मसीह-बिरूदी उठून उबा होला सोत; ऐचो ले आमी जानु से कि ऐ आखरी समया आय।

परमेस्वर को सच्चो वचन ख जाननू

¹⁸ अरे पोरिया हुन, यू आखरी बखत हैं; अऊर जसो तुम न सुन्यो हैं, कि मसी को दुसमन आनवालो आय ओखा हिसाब से अब भी बेजा से मसी दुसमन उठ खड़ा भयो हैं; ऐ म हम जानह हैं कि यी आखरी बखत हैं।

1यूहन्ना 2:18 Iomraidhean Croise

मत्ती 24:11

खुबे असन फंदी अगम गिआनी उठून उबा हो दे, आउर खुबेमन के भरमादे।

मत्ती 24:24

“कसनबल्लोने झूठा मसीह आउर फंदी अगम गिआनी उठून उबा हो दे, आउर बड़े चिना, आउर भयंकर काम दका दे कि अगर होऊक सको तो चुनलो बितामन के बले भरमादे।

मत्ती 24:5

कसनबल्लोने खुबे असन असन हो दे जोन मोचो नाव ले ऐऊन भाती बल दे, ‘मय मसीह आंय’, आउर खुबे के भरमादे।

मरकुस 13:6

खुबे लोग मोचो नाव ले ऐऊन भाती बोल दे, ‘मय हुनी आय!’ आउर खुबे लोगमन के भरमादे।

यूहन्ना 21:5

तेबे ईशु हुनमन ले बल्लो, “हे लेकामन, काय तुमचो लगे काई मछरीमन आसोत?” हुनमन जबाप दिला, “नाई।”

रोमियो 13:11

समया के चिताऊन भाती असने ची करा, ऐईकाजे कि अदायं तुमचो काजे नींद ले चेतुन उठतोर समया अमरली से; कसनबल्लोने जोन समया आमी बिश्वास करू रलु, हुन समया चो बिचार ले अदायं आमचो मुक्ति लगे आसे।

रोमियो 13:12

रात खुबे बितुन गेली से, आउर दिन निकरतो थाने आसे; ऐईकाजे आमी अंधार चो काममन के छांडुन भाती उजर चो हत्यार बान्दु।

इब्रानियो 1:2

ऐ आखरी दिनमन ने आमचो ले बेटा चो दुवारा गोठयालो, जेके हुन पुईतराय तीजमन चो हकदार ठेबालो आउर हुनचेई दुवारा हुन सपाय ब्रमांड के बनालो।

1 पतरस 1:20

हुनचो गिआन तो जगत चो उपजास चो पयले ची ले जाना जाऊ रये, मान्तर अदायं ऐ सरासरी जुग ने तुमचो काजे परकट होलो।

1 पतरस 1:5

जेचो रक्षा माहापुरू चो सामरत ले बिश्वास चो दुवारा हुन मुक्ति चो काजे, जोन ऐतो बिती समया ने परकट होतो बिती आय, करा जाऊ आय।

1 पतरस 4:7

सपाय गोठमन चो आखरी तुरते होतो बिती आय; ऐईकाजे सहन करू होऊन भाती पारथना चो काजे चेत ने राहा।

2 पतरस 2:1

जोन परकार हुन लोगमन ने फंदी अगम गिआनी रवत, हुनी परकार तुमचो थाने बले फंदी उपदेशक हो दे, जोन नाश करतो बिता पाखंडी चो उदघाटन लुकुन-लुकुन भाती कर दे, आउर हुन मालिक चो जोन हुनमन के घेनलो से इन्कार कर दे, आउर आपन खुद के झटके बिनाश ने डाल दे।

2 पतरस 3:3

आउर ऐ पयले जाना, कि आखरी दिनमन ने हंसी मजाक करतो बितामन ऐ दे, जोन आपली ची मनमानीमन ची अनुसार चल दे

1यूहन्ना 2:22

फंदी कोन आय? मात्र हुन जोन ईशु के मसीह होतोर ले इन्कार करू आय; आउर मसीह चो बिरोधी हुनी आय, जोन बुआ चो आउर बेटा चो इन्कार करू आय।

1यूहन्ना 4:1

हे लाड़रा मन, हरकोनी आत्मा थाने बिश्वास नी करा, मान्तर आत्मामन के परका कि हुनमन माहापुरू चो बाटले आय कि नुआय; कसनबल्लोने खुबे असन फंदी अगम गिआनी जगत ने निकरून उबला सोत।

1यूहन्ना 4:3

आउर जोन आत्मा ईशु के नी माने, हुन माहापुरू चो बाटले नुआय; आउर हुनी तो मसीह चो बिरोधी चो आत्मा आय, जेचो चरचा तुमी सुनुन चुकलासास कि हुन ऐतो बिता आय, आउर ऐबे बले जगत ने आसे।

2 यूहन्ना 1:7

कसनबल्लोने खुबे असन भरमातो बिता जगत ने निकरून ईला सोत, जोन ऐ नी मानोत कि ईशु मसीह देंह ने होऊन भाती ईलो, भरमातो बिता आउर मसीह चो बिरोधी ऐई आय।

यहूदा 1:18

हुनमन तुमके बोलते रवत, “पाचे चो दिनमन ने असन मजाक करतो बितामन होदे जोन आपलो अभक्ति चो मनमानीमन चो अनुसार चलदे।”