1यूहन्ना 2:16 - Halbi

¹⁶ कसनबल्लोने जोन काई संवसार ने आसे, बल्लोने देंह चो इच्छा आउर आँईक चो इच्छा जीवना चो घमण्ड, हुन बुआ चो बाटले नुआय मान्तर संवसार ही चो बाटले आय।

परमेस्वर को सच्चो वचन ख जाननू

¹⁶ काहे कि जे कुछ दुनिया म हैं, याने सरीर कि लालच अर आँखी हुन की लालच अर धन संपत्ति को घमण्ड, उ महान बाप कि तरफ से नी पर दुनिया ही कि तरफ से हैं।

1यूहन्ना 2:16 Iomraidhean Croise

मत्ती 4:8

फेर शयतान हुनके गोटक खुबे डेंग डोंगरी उपरे निलो आउर सपाय जगत चो राज आउर हुनचो धनमाल दकाऊन भाती

मत्ती 5:28

मान्तर मय तुमके ऐ बलेंसे, कि जोन कोनी-कोनी बायले लेकी उपरे खराप नजर डालेदे हुन आपलो मन ने हुनचो ले बेबीचार करून चुकलो।

लूका 4:5

तेबे शयतान हुनके निलो आउर हुनके डण्डिक ची ने जगत चो पुईतराय राज के दकालो।

रोमियो 13:14

मान्तर परबु ईशु मसीह के पिन्दा, आउर देंह चो मनमानीमन के पुरा करतोर उपाय नी करा।

1 कुरिन्थियो 10:6

ऐ गोठमन आमचो काजे कहनी ठेबली, कि जसन हुनमन लालच करला, असने ची आमी खराप तीजमन चो लालच नी करू;

गलातियो 5:17

कसनबल्लोने देंह आत्मा चो बिरूद ने आउर आत्मा देंह चो बिरूद ने लालच करू आय, आउर ऐ गोटक दुसर चो बिरूदी आत, ऐईकाजे कि जोन तुमी करूक चाहायसास हुन नी करूक पाआ।

गलातियो 5:24

आउर जोन मसीह ईशु चो आत, हुनमन देंह के हुनचो लालचमन आउर मनमानीमन चो संगे कुरूस उपरे चेगाऊन दिला सोत।

इफिसीयो 2:3

ऐ मन ने आमी बले सपाय चो सपाय पयले आपलो देंह चो लालचमन ने दिन बिताते रलु, आउर देंह आउर मन चो इच्छामन पुरा करते रलु, आउर दुसर लोगमन चो असन आदत ची ले रीस चो पिला रलु।

तीतुस 2:12

आउर आमके जनाऊन देऊ आय कि आमी अभक्ति आउर संवसार चो मनमानीमन ले मन फिराऊन भाती ऐ जुग ने सहन करू आउर धरम आउर भक्ति ले जीवना बिताऊ;

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

याकूब 3:15

ऐ गिआन हुन नुआय जोन उपर ले उतरू आय, मान्तर संवसारिक, आउर शारीरिक, आउर शयतानी आय।

याकूब 4:16

मान्तर अदायं तुमी आपलो ढ़ोंग मारतो थाने घमण्ड करू आस; असन सपाय घमण्ड खराप होऊ आय।

1 पतरस 1:14

हुकुम मानु लेकामन चो असन आपलो अगिआनता चो समया चो जुना बिती मनमानीमन चो समान नी बना।

1 पतरस 2:11

हे लाड़रामन, मय तुमचो ले गुहार करें से कि तुमी आपन खुद के परदेशी आउर यातरी जानुन भाती हुन संवसारिक मनमानीमन ले जोन आत्मा ले लड़ीई करू आय, बचुन राआ।

2 पतरस 2:10

खास करून हुनमन के जोन अशुद्ध मनमानीमन चो पाट-पाट देंह चो अनुसार चलु आत आउर परभुता के तुच्छ जानु आत। हुनमन नीलज, आउर कुअढ़ आत, आउर बड़े पन बितामन के अच्छा खराप बोलतो ले नी डरोत,

2 पतरस 2:18

हुनमन फकाहा घमण्ड चो गोठमन करून-करून भाती ढीलाढाला चो काममन चो दुवारा, हुन लोगमन के देंह चो मनमानीमन ने फसाऊन धरू आत जोन भुलकलो लोगमन थानले ऐबे ची निकरे सोत।