1यूहन्ना 2:11 - Halbi

¹¹ मान्तर जोन कोनी आपलो भाई ले बईर संगाऊ आय हुन अंधार ने आसे आउर अंधार ने चलु आय, आउर नी जाने कि काहां जाये से, कसनबल्लोने अंधार हुनचो आँईक आन्दा करून दिली से।

परमेस्वर को सच्चो वचन ख जाननू

¹¹ पर जो कोई अपनो भई से बुराई ख हैं उ अधेला म हैं अर अधेला म चलह हैं, अर नी जानह हैं कि कय्हो जावा हैं, काहेकि अधेला नी ओकी आँख हुन अंधी कर दी हैं।

1यूहन्ना 2:11 Iomraidhean Croise

यूहन्ना 12:35

ईशु हुनमन ले बल्लो, “उजर अदायं खिन्डिक समया काजे तुमचो मंजी ने आसे। जिदलदाय ले उजर तुमचो संगे आसे हुलदाय ले चलाए चला, असन नी होओ कि अंधार तुमके ऐऊन घेरो; जोन अंधार ने हिन्डु आय हुन नी जाने कि कोन बाटे जाये से।

यूहन्ना 12:40

“हुन हुनमन चो आँईकमन के काना, आउर हुनमन चो मन के कटर करून दिलो से; काहांय असन नी होओ कि हुनमन आँईकमन ले दकोत, आउर मन ले समजोत, आउर फिरोत, आउर मय हुनमन के चेंगा करें।”

2 कुरिन्थियो 3:14

मान्तर हुनमन बया होऊन गेला, कसनबल्लोने आजी ले जुना नियम पढ़तो समया हुनमन चो मनमन थाने हुनी परदा पढु रऊ आय, मान्तर हुन मसीह ने उठून जाऊ आय।

2 कुरिन्थियो 4:4

आउर हुन बिश्वासिमन काजे, जेचो अकल ऐ संवसार चो ईश्पर आन्दा करून दिलो से, बल्ले मसीह जोन माहापुरू चो सवरूप आय, हुनचो तेजमय नगतखबर चो उजर हुनमन उपरे नी बरो।

तीतुस 3:3

कसनबल्लोने आमी बले पयले निरबुद्धि, आउर हुकुम नी मानतो बिता आउर भरम ने पडुन आउर नाना परकार चो मनमानीमन आउर सुक बिलास चो गुलामी ने रलु, आउर बईर, आउर डाह करतो ने जीवना बीताते रलु, आउर घिन-घिना रलु, आउर गोटक दुसर ले बईर संगाते रलु।

2 पतरस 1:9

कसनबल्लोने जेचो थाने ऐ गोठमन निआय, हुन आन्दा आय आउर झांवर दकु आय, आउर आपलो पयले चो पापमन ले धोऊन भाती शुद्ध होतो के भुलकुन बसलो से।

1यूहन्ना 1:6

अगर आमी बोलुन्दे कि हुनचो संगे आमचो शामिल आसे आउर फेर अंधार ने चलले, तेबे आमी फंदी आंव आउर सत थाने नी चलु,

1यूहन्ना 2:10

जोन कोनी आपलो भाई ले मया संगाऊ आय हुन उजर ने रऊ आय, आउर ठोकरना नी खाऊक सके।

1यूहन्ना 2:9

जोन कोनी बोलु आय कि मय उजर ने आसे आउर आपलो भाई ले बईर संगाऊ आय, हुन ऐबले अंधार ने ची आसे।

1यूहन्ना 3:15

जोन कोनी आपलो भाई ले बईर संगाऊ आय, हुन हत्यारा आय; आउर तुमी जानेसास कि कोनी हत्यारा ने अमर जीवना नी रये।

1यूहन्ना 4:20

अगर कोनी बले दे, “मय माहापुरू ले मया संगाऊ आय,” आउर आपलो भाई ले बईर संगा ओ तो हुन फंदी आय; कसनबल्लोने जोन आपलो भाई ले जेके हुन दकलो से मया नी संगाये, तो हुन माहापुरू ले बले जेके हुन नी दकलो मया नी संगाऊक सके।

प्रकाशितवाक्य 3:17

“तुय बले सीस कि मय धनी आय आउर सवकार होऊन गेलेसे आउर मोके कोनी तीज चो कमी निआय; आउर ऐ नी जानीस कि तुय अभागा आउर तुच्छ आउर कंगाल आउर काना आउर फटीई नाहलो आस।”