1यूहन्ना 2:1 - Halbi

¹ हे मोचो लेकामन, मय ऐ गोठमन तुमके ऐईकाजे लिकें से कि तुमी पाप नी करा; आउर अगर कोनी पाप कर दे, तेबे बुआ चो लगे आमचो गोटक सायता करू आसे, बल्लोने धरमी ईशु मसीह;

परमेस्वर को सच्चो वचन ख जाननू

¹ अरे मोरो पोरिया हुन, मी यी बात हुन तुम ख एकोलाने लिखू हैं कि तुम पाप नी करा; अऊर अदि कोई पाप करा, ते बाप को नजीक हमारो एक मदत करन वालो हैं याने धर्मी यीसु मसी हैं;

1यूहन्ना 2:1 Iomraidhean Croise

लूका 10:22

मोचो बुआ मोके सब कुछ सोपुन दिलो से; आउर कोनी नी जानोत कि बेटा कोन आय मात्र बुआ, आउर बुआ कोन आय ऐ बले कोनी नी जानोत मात्र बेटा चो आउर हुन जेचो उपरे बेटा हुनके उजागर करूक चाहाओ।”

यूहन्ना 10:15

जसन बुआ मोके जानु आय आउर मय बुआ के जानु आय--आउर मय मेंडामन चो काजे आपलो जीव के देऊ आय।

यूहन्ना 13:33

ऐ पिलामन, मय आउर थोड़े समया तुमचो लगे आंसे: फेर तुमी मोके डगराहा से, आउर जसन मय यहूदीमन ले बल्ले, ‘जोन थाने मय जाऊँ आंय, हुता तुमी नी ऐऊक सकास,’ असने ची मय अदायं तुमचो ले बले बलें सें।

यूहन्ना 14:16

मय बुआ ले गुहार करें दें, आउर हुन तुमके गोटक आउर सायक देये दे कि हुन हरमेशा तुमचो संगे रये दे।

यूहन्ना 14:6

ईशु हुनचो ले बल्लो, “बाट आउर सत आउर जीव मय ची आंय; बिना मोचो नाहालो कोनी बुआ चो लगे नी पहुँचुक सके।

यूहन्ना 21:5

तेबे ईशु हुनमन ले बल्लो, “हे लेकामन, काय तुमचो लगे काई मछरीमन आसोत?” हुनमन जबाप दिला, “नाई।”

यूहन्ना 5:14

ऐ गोठमन चो पाचे हुन ईशु के मंदिर ने मिललो। ईशु हुनचो ले बल्लो, “दक, तुय चेंगा होली सीस; फेर ले पाप नी कर, असन नी होओ कि ऐचो ले कोनी बड़े बिपत्ति तुचो उपरे ऐऊन पड़ो।”

यूहन्ना 5:36

मान्तर मोचो लगे जोन गोहई आसे हुन यूहन्ना चो गोहई ले बड़े आय; कसनबल्लोने जोन काम बुआ मोके पुरा करतो काजे सोपलो से बल्लोने ऐई काम जोन मय करू आंय, हुनमन मोचो गोहई आत कि बुआ मोके पठालो से।

यूहन्ना 6:27

नाश करतो बिती भात काजे मसागत नी करा, मान्तर हुन भात चो काजे जोन अमर जीवना तक ठेबु आय, जेके माने चो बेटा तुमके देये दे; कसनबल्लोने बुआ बल्लोने माहापुरू हुनचेई उपरे छापा लगालो से।”

यूहन्ना 8:11

हुन बल्ली, “हे परबु, कोनी ची नाई।” ईशु बल्लो, “मय बले तुचो उपरे डण्ड चो हुकुम नी देये; जा, आउर फेर पाप नी कर।”

प्रेरितो 7:52

अगम गिआनीमन थानले कोके तुमचो बुआ दादीमन नी कन्दराला? हुनमन हुन धरमी चो आगमन चो पयले जुग ले खबर देतो बितामन के मारून दिला; आउर अदायं तुमी बले हुनचो धरतो बितामन आउर मारून देतो बिता होलास।

रोमियो 5:10

कसनबल्लोने बयरी होतोर हाल ने हुनचो बेटा चो मरना चो कारन आमचो मेल माहापुरू चो संगे होली, तेबे फेर मेल होऊन गेलो ने हुनचो जीवन चो कारन आमी मुक्ति कसन नी पाऊँ दें?

रोमियो 6:15

तेबे काय होली? काय आमी ऐईकाजे पाप करवां कि आमी नियम चो अधीन निआव मान्तर अनुग्रह चो अधीन ने आंसु? केबीई नाई!

रोमियो 8:34

फेर कोन आसे जोन डण्ड चो हुकुम देयेदे? मसीह ची आसे जोन मरलो मान्तर मरलो थानले जीव बले उठलो, आउर माहापुरू चो उजा बाटे आसे, आउर आमचो काजे गुहार बले करू आय।

1 कुरिन्थियो 15:34

धरम चो काजे जागरत हुआ आउर पाप नी करा; कसनबल्लोने कितलो असन आत जोन माहापुरू के नी जानोत। मय तुमके लाज करातो काजे ऐ बलें सें।

2 कुरिन्थियो 5:21

जोन पाप ले अनजान रये, हुनी के हुन आमचो काजे पाप ठेबालो कि आमी हुन थाने होऊन भाती माहापुरू चो धारमिकता बनुन जाऊं।

गलातियो 4:19

हे मोचो लेकामन, जिदलदाय ले तुमचो ने मसीह चो रूप नी बनुन जाये, हुदलदाय ले मय तुमचो काजे फेर जनमा लो असन दुकामन सहु आंय।

इफिसीयो 2:18

कसनबल्लोने हुनचेई लागुन आमी दुनो चो गोटक आत्मा ने बुआ चो लगे पहुँच होऊ आय।

इफिसीयो 4:26

रीस तो करा, मान्तर पाप नी करा, बेर बोसु-बोसु तुमचो रीस नी रओ,

1तीमुथियुस 2:5

कसनबल्लोने माहापुरू गोटकी ची आय, आउर माहापुरू आउर मानेमन चो मंजी ने बले गोटकी ची मंजीमन्या आय, बल्लोने मसीह ईशु जोन माने आय।

1तीमुथियुस 3:14

मय तुचो लगे झटके ऐतोर आशा संगालो थानले बले ऐ गोठमन तुके ऐईकाजे लिकें से,

इब्रानियो 9:24

कसनबल्लोने मसीह हुन हाथ चो बनालो बिती पवितर जगा ने, जोन सते पवितर जगा चो नमूना आय, नी ओललो मान्तर सरग ने ची ओललो, बल्ले आमचो काजे अदायं माहापुरू चो पुरे दका देओ।

याकूब 1:27

आमचो माहापुरू आउर बुआ चो लगे शुद्ध आउर निंगल भक्ति ऐ आय कि पोरटामन आउर रान्डीमन चो कलेश ने हुनमन चो सुद्धि धरो, आउर आपन खुद के संवसार ले निसकलंक संगाओ।

याकूब 3:9

ऐचीई ले आमी परबु आउर बुआ चो स्तुति करू आंव, आउर ऐचीई ले मानेमन के जोन माहापुरू चो रंगरूप ने उपजास होला से सराप देऊ आत।

1 पतरस 2:22

ना तो हुन पाप करलो आउर ना हुनचो मुंह ले छंद चो कोनी गोठ निकरली।

1 पतरस 3:18

ऐईकाजे कि मसीह बले, आउर अधरमीमन काजे धरमी, पापमन चो लागुन गोटक हार दुख उठालो, बल्ले आमके माहापुरू चो लगे अमराओ हुन देंह चो भाव ले तो घात करा गेलो, मान्तर आत्मा चो भाव ले जिआया गेलो।

1यूहन्ना 3:18

हे लेकामन, आमी बचन आउर जीब ची ले नाई, मान्तर काम आउर सत चो लागुन बले मया करूं।

1यूहन्ना 3:5

तुमी जानेसास कि हुन ऐईकाजे परकट होली कि पापमन के हरून जाओ; आउर हुनचो आदत ने पाप निआय।

1यूहन्ना 3:7

हे लेकामन, काचीई भरमातो ने नी ईआ। जोन धरम चो कामकरू आय, हुनी हुनचो असन धरमी आय।

1यूहन्ना 4:4

हे लेकामन, तुमी माहापुरू चो आहास, आउर तुमीमन हुन थाने जय पावलासास, कसनबल्लोने जोन तुमचो थाने आसे हुन हुनचो ले जोन संवसार ने आसे, बड़े आय।

1यूहन्ना 5:17

सपाय परकार चो अधरम तो पाप आय, मान्तर असन पाप बले आसे जेचो फल मरना नुआय।

1यूहन्ना 5:21

हे लेकामन, आपन खुद के मुरतीमन ले बचाऊन संगाहा।

3 यूहन्ना 1:4

मोके ऐचो ले बडुन भाती आउर कोनी हरिक निआय कि मय सुनें दें, कि मोचो पिलामन सत थाने चले सोत।