ገላትያ 1:1 - Halaba New Testament

^1-2 አን አሳቤቹ ጳዉሎስለከ ኢን ሜጡበ ዮ አመዕናኑተ ጉዕመንከ አመኦሱት ገለትይ ባዶን ዮ አመዕናኑተ ሶንኮምሃን፤ አን አሳቤቹ እኮም መኒች ህከረንገ መን አዲን እሁዕነ መሲህ ኢሲንለከ ኢሰ ሬሆች ኬሾ አነ መገኒንት።

ገላትያ 1:1 Iomraidhean Croise

ያህይ እንጂለ 10:30

አንለከ አኑኤ ሜጡሃን» ዬሰ።

ያህይ እንጂለ 20:21

ህከኒች ኤተሮን ኢስ ለንኪሃ «ወገሬቱ ክዕኔሃ እሁን! አኑኤ ኤሳሃ ሶኮገን አኒሁ ክዕኔተ ሶሃም» ዬሰ።

ያህይ እንጂለ 5:19

ኢስን ፈንቀሽ «ሀንቅንከ ያንክዕኔ፤ አኑ አአን ለዕዮሃ አእ ቤሉ ቤቱ ገይንከስ መቱርቹሃ አአኖበአ፤ አኑ አአኖሃ ቤቱሁ ህትን እስገን አአኖ።

ሶቀማኖ ሆጉተ 22:10

አንን ‹ቀርቾ! መ አኡ?› ዬም፤ ቀርቹንኩ ‹ኬእ ደማስቆ ከተመ መር፤ አታንቲሁ ጉዕሙንኩ ህከን ቤቾን ኩለመኖሄ› ዬኤ።

ሶቀማኖ ሆጉተ 3:15

ሄኡ ኣሰኖሃ ሽቴንተ፤ እኮጎሬ እሱ መገኑ ሬሆች ኬሾስ፤ ህከን ጠዊተኔሃ ነኡ ምስክርሃን።

ሶቀማኖ ሆጉተ 9:6

ቴሱ ኬእ ከተመ ኣግ፤ ህከኔ መ አታንት ጎሬ ህከጴ ኩሌኖሄ» ዬስ።

ሮሜ 1:1

መሲህ ኢስ ካዲንቹ እኮ ሶቀም ሆጎተ ገአሞ መገን እንጂለ ተማርሶተ መጠረሞ ጳዉሎሴች ሶሃሞሃ።

ሮሜ 10:9

አት ኢስ ቀርቹ እሁስ አፌንከክ መሰከርቶንትጎሬለከ መገኑ ሬሆች ኬሾስገ ቀልቤንከክ አመዕንቶንትጎሬ ጡምታንት።

ሮሜ 14:9

መሰንትስ መሲህ ሬቶሀኑኡተለከ ፎሊን ዮሀኑኡተ ቀርቹ እሆተ ሬይ ሬሆች ኬዕዮኡ።

ዎኔ ቆሮንቶስ 1:1

መሲህ ኢስ ሶቀማንቹ እሆተ መገን ሰውቲሃ ገአሞም አን ጰዉሎሴችለከ አመኔቤቲች ሶስቴኔሴች

ለንክ ቆሮንቶስ 1:1

መገን ሰውቲን መሲህ ኢስ አሳቤቹ እኮም አን ጰውሎሴ አመኔቤቲች ጢማቶሴች፥ ቆሮንቶሳን ዮ መገን አመዕናኖ ጭምት ዱእ ምናችለከ ህትን ዊመ አካይያን ዮ አመዕናኖተ ጉዕሚንከ

ገላትያ 1:15

ጠዉ እኮጎሬ እለሙዕነ ሄጭ መገኑ መጠሮኤ፤ ኣስቶንከስ ገኤኤ።

ገላትያ 1:17

ህትን ኢች ብርተ አሳበተ እኮሀኑኡቤቹ ደቀሞተ ዬሩሳሌም ከተመ መሮምበአ፤ ጠዉ እኮጎሬ ሄጭ አረብ ባዱ መሮም፤ ህከኒች ኤተሮን ደማስቆ ከተመ ፈንቀሎም።

ኤፌሶን 3:8

አን ጠሊላኖች ጉዕሚችን ሆፈኣሚሃ እኮምጎሬሁ ዳንጉ ዮበእ መሲህ ቀባጦ እንጂለ አይሁደ እህበ መኒሃ ዱዱብሶተ መገን ኣስቶን ኩ ዕድሉ ኣሰሞኤ።

ለንክ ጢሞትዎስ 1:1

መሲህ ኢስን ደገሞ ሄእ ተብሴ መሳን መገን ሰውቲን መሲህ ኢስሃ አሳቤቹ እኮም ጳዉሎሴች ሶሃሞእሃን፤

ቲቶ 1:3

ዘማኑስ ኢሌ ወክት ፌሳንቹሃኔ መገን ትዛዚን አን ዱዱብሶተ ኣሰሞኤ ዱዱብስ ኤገ መሳን መገኑ ሶህኑስ ለልሾ።

እብራውያን 13:20

ዘላለሚሃ እሀኖ ወኣድ ላገ ቄጊን ሆላተስ ሎረ ዜማንቹ እኮ ቀርቹ ኢሰ ሬሆች ኬሾ ወገሬት መገኑ

ዎኔ ጴጥሮሴ 1:21

አመዕነቱክዕኔለከ ተብሶክዕኔ መገኖን እክ መሲህ መሳን እሱ ሬሆች ኬሾስለከ ኬዕምኝ ኣሴ መገኖን አመዕነንቴነንተ።

ያህይ ለዕዮ መናመተ 1:18

አን ሄኣምሃን፤ አን ሬዮም እቅ፤ ጠዉ እኮጎሬ ቴሁ ዘላለሚሃ ሄኣምሃን፤ ህትን አን ሬሁተለከ አዛብ ፈናም ቁልፉ ዮኤ።

ያህይ ለዕዮ መናመተ 2:8

«ሰምርኔስ መገን አመዕናኖ ዱእ ምነ መላይኬቺሃ፦ «ዎኔሁለከ ኤተሪሃ እኮ፥ ሬዮሀኒችለከ ፎሊን ዮሀኒች ሶሀንቶእተ፤