Taitus 3:8 - U Bulunagana U Niga

⁸ U raranga teka e manana. Na lia e ngileg alö go hihatuts hatagalein a manka teka, ba u katuun te hamana uaier tere Sunahan bate ka siler tegi kato menaien a man markato a man niga. A manka teka e niga koruna na e taguhu has ranou u katuun.

Taitus 3:8 Iomraidhean Croise

Matiu 20:4

Ba nonei e ranga mera nen, ‘Alimiou egona kui mia tara kuin grep i tar balia te hol ragoui limiou a hihol a matskö.’ Ba nori e lar.

U Bulungana u Niga tere Iesu Kristo te kolotein e Jon 12:44

Be Iesu e ranga hapanina me poeiena, “A katuun te hamana uana i tar e hamana has uana tere Sunahan te hala na moulia.

U Bulungana u Niga tere Iesu Kristo te kolotein e Jon 5:24

Be Iesu e poeiena, “Alia e hatei hamana ragou limiou, a katuun te hengoena u raranga i tar na te hamana hasena e Sunahan te tula namoulia e ka mena a nitöatöa te ka nitöana. Nonei ema la noi turu kout tere Sunahan. E manana, nonei e ka halhal ba mamin a nitöatöa tere Sunahan na e herei a katuun a mate. Kaba nonei e laba nema a tou mate teka na e aroho hakapa uu tara nitöatöa tere Sunahan.

Aposol 12:15

Ba nori e poeier i tanen, “A baku mölö ema hakats haniga nei!” Kaba nonei e tagala koru be poeiena, “U mana koru!” Ba nori e poeier, “A angelo banei i tanen.”

U pas te koloto menai e Pol turu kristenira i Rom 4:5

Kaba a katuun tema hakats hapara nanei a toukui a niga na markato a niga i tanen bate hamana tuun na tere Sunahan, be Sunahan te tarena u nihamana i tanen bate töan ngöe neien a katuun a matskö i matanen. Taraha, e Sunahan te tatei kato hamatskö hasena a katuun a omi.

2 Korin 4:13

Kaba te kamemia lam u mar namnamei na turu nihamana ti koloto has naia turu Buku u Göagono, “Alia e hamanagu e Sunahan, nonei te ranga sila gia lia.” Alam e hamana hasem, nonei te ranga sila has mia lam.

Epesis 4:28

A katuun a kopkop ega hanöa ban a tou kop bate tanian kuina. Nonei ega kuin a limanen peisa, ba nonei te ka menou a mamanaka bate taguhu hasena a katuun te moana ta ka.

1 Timoti 1:15

U raranga teka e mana nitöana na u katuun hoboto egi hanigeien. Na e markato uana teka, e Iesu Kristo e la sileiema i puta tegomi lu pouts meraien u katuun u omi. Na lia a töa teka tu omi koru.

1 Timoti 2:8

Alia e ngilegu a pal tson turu han hoboto, egi hasöani u ualima u gogoso te möa ta raharaha bate singo uar tere Sunahan.

1 Timoti 5:10

Na nonei has a amoaba teka te kamena a solo a niga tara man markato a man niga te kato mameien. Hena, te hatuts haniga raien a galapien i tanen bate tara kap haniga ranen, a solonen e tatei kana tara man solo. Na te taguhu haniga raien u katuun ti tuku ti lama tara tana han, bate galus hasena a mour u katuun u kristen na te taguhu raien u katuun te ka mer a siki bate torohanan katoena a mamana markato a niga, nonei e tatei hakoloto nena a solonen tara man solo.

2 Timoti 1:12

Na nonei a ka te sagoho sila nagia lia a kamits. Kaba alia ema matsingologi, taraha, alia e atei silegu esi te hamana gia lia, na lia e atei sil hasegu nonei e antunan tara kap haniga nena a mamanaka te hataratara kap naien lia, e antunana turu Lan Pan tere Sunahan.

Taitus 1:9

Nonei ega pile kap hakarapotein u raranga u mana tere Sunahan timar hatuts menaien, ba nonei te hihatuts nanou u raranga u mana, ba u katuun te hanigeriou u hihatuts bate hamanar. Ba nonei te tatei ranga hatagalana turu katuun te ranga hasoalar bate hatei raneien te kukute mena rien u raranga u gamo.

Taitus 2:14

Nonei e hala sile ii a peisanen tego sakahis meraien ra tara mamana markato a omi. Na nonei e mate sil tego kato hagogoso meraien ra, u katuun i tanen, bara te hun katuun uara i tanen bate kato hatagalera a man markato a man niga.

Taitus 2:7

Tara mamanaka te katoe mölö, na turu hihatuts i tamölö, harötein a markato a niga balö te habulungana nem u raranga u mana na u matskö.

Taitus 3:1

Alö go hahatei kap nitöar u katuun i tamölö, nori egi hahengoia tara gamman na turu katuun pan i taren bate hahanei siler tegi kato menaien a man toukui a man niga.

Taitus 3:14

Na u katuun i tarara egi kato sil tegi lu menaien a man markato a man niga, bate taguhu raier u katuun te makmakum ner a mamanaka. U katuun i tarara ena mots ka pinopinor.

Pilimon 1:11

I manasa e Onesimus ema taguhu hanigei lö. Kaba i romana nonei e taguhu haniga korue noulö na lia has.

Hibru 10:24

Aragi hakats sil hasir a man hahatoulana i tarara, bate taguhu raren tegi hatara menaien u ngilngil i taren bate katoeier a man toukui a man niga.

1 Pita 1:21

Tere Kristo lasi ba limiou te hamana uamiou tere Sunahan, taraha, e Sunahan te hatakei poutsi e Kristo tara tou mate me solosei korue nen. Ba limiou te hamana tala uamiou tere Sunahan bate hahalose men tega taguhu has meraien limiou.