Taitus 3:15 - U Bulunagana U Niga

¹⁵ U katuun hoboto te kagono meriou lia e hala nariou u rangan haniga i taren i tamölö. Na lö go hala hasiin u rangan haniga i tamulam tara man hahikapien i tamulam te hamanar. E Sunahan e tatei taguhu ranou limiou hoboto. Alia e Pol

Taitus 3:15 Iomraidhean Croise

Matiu 5:47

Na te kato haniga peisa mia limiou tara man hahikapien i tamilimiou, ga limiou e mar halhal uamiou ime tara palai? Te markato has uer u katuun u omi koru tema hamana uari tere Kristo.

Aposol 20:34

Alimiou te atei silemiou u huol u ualima i tar te pilein a toukui na te taguheiou lia tara manka te makmakum, bate taguhu has rena u katuun ti ka gono meiou lia.

1 Korin 16:23

A nihitaguhu tara Tsunono e Iesu e tatei ka gono mera noulimiou.

Galesia 5:6

Te hamana ria ra tere Iesu Kristo, a markato turu hapö a ka pinopino. A töa ka lasi te panina: aragi ngil koru a Tsunono bate ngil hasera a tana katuun, ba markato teka te hatagalena u nihamana i tarara tara Tsunono.

Kolosi 4:18

Alia e Pol te kolotegi a tsi rangan haniga teka a limar hamatskö. Ma solopalemi lia, alia e ka noa has gia tara karabus. A nihitaguhu tere Sunahan e tatei ka gono mera noulimiou. Nonei talasi. Alia e Pol

1 Timoti 1:2

Alia e koloto menagi u pas teka i tamölö, O Timoti! Alö e heremi a pien hamana koru i tar te hamana hoboto uarara tara Tsunono. E Sunahan e Tamarara na e Iesu Kristo a Tsunono, e tatei hale rilö a niniganiga na nitaatagi na masalohana.

1 Timoti 1:5

Kaba a ka koru tegi habuti ra, aragi halakasi u hiangilngil te la nama turu tori u gogoso na u hakhakats u niga, na te hamana haniga koru riara tere Sunahan bara te atei sil talera ara e möa ta töa ta ka ta omi i peisarara.

2 Timoti 4:22

A Tsunono e tatei ka gono mena u namnamei i tamölö, na nonei e tatei taguhu ranou limiou. Alia e Pol

Pilimon 1:5

Taraha, alia u hengoen te ngil koru mera mi lö u katuun hoboto tere Sunahan na te hamana koru has ua mölö tere Iesu a Tsunono.

Hibru 13:25

A nihitaguhu tere Sunahan e tatei kagono meranou limiou hobotontöa. U mana. Nonei talasi.

3 Jon 1:1

Alia e Jon, a tson a kapan i tamölö e hala menagi u pas teka i tamölö o Gaius a katuun te ngil korue gulia.