Taitus 3:10 - U Bulunagana U Niga

¹⁰ Hapiouni a katuun te lu kaakata rena u katuun. Tema hengo neien, ranga hahuol lel mei. Kaba te möa noahas nen, balö te töa haka ba namen.

Taitus 3:10 Iomraidhean Croise

U pas te koloto menai e Pol turu kristenira i Rom 16:17

A matsi hahatoulana, alia e ranga hatagala mera goulimiou, hanei sil raiam u katuun te roron lu kata rer u katuun ba nori tema hamana hanigari. Nori ema hanigeri u hihatuts tu luema limiou i tamulam, möa tu hasukusuku mia i taren.

1 Korin 11:19

Alia e atei silegu ega kamei u kats kilkil i gusumilimiou, ba ra te atei sileriou esi i gusumilimiou te kukutena a markato te ngilena e Sunahan.

2 Korin 13:2

Alia e ranga hatagala gia i tamilimiou u katuun ti kato homi i manasa, na limiou hoboto has. Alia u hatei naien tara hahuoluna a nilala i tar i tamilimiou. Alia e ka halehana talagu, kaba lia e kato lelegu u ranga teka: tara pöata te la lel goua lia i tamilimiou, alia ema taatagi ragoui u katuun te kato homir bate hahuna koru las ragouen.

Galesia 5:12

Alia e ngilegu u katuun teka te kato hatutu rariou limiou egi hapolasa ba nitöa raiou limiou!

Galesia 5:20

Bate hatsunoner a got gamogamo bate katoeier a markatona turu matuna, bate hia o omir, hiatatungur, hiaraharahar, hiatoritori homir, na markato te tara ngil uaier, na hiakaka polasa na hiatagtagala. Bate hakats peisa las ner a manka i taren.

2 Tesalonaika 3:14

Te raman hengo nena ta töa i tamilimiou u raranga i tamulam turu pas teka, balimiou te tara kap haniga namen bate ka halhal ba namen, ba nonei te matsingolo mena a markato i tanen.

2 Tesalonaika 3:6

Alam e hatei ramou limiou a matsi hahatoulana, tara solona e Iesu Kristo a Tsunono i tarara, alimiou go ka halehana ba raiam a man hahatoulana a man karous tema hengori batema kukutie ri a ka tu hatuts railam alimiou.

2 Timoti 3:5

U katuun e kukutie riou a man markato pinopino turu lotu, bate holis naier tega ka menai u lotu ta nitagala. Alö go hatalis bar u mar katuun teka.

2 Pita 2:1

Kaba u propet u gamogamo i butu hasia i gusur u katuun, na e kato has uanou iesana, u tson hihatuts u gamogamo e butu has ria romana i gusumilimiou. Nori e la momous merima romana u hihatuts u gamo te antunan kato homi korueiena u hakhakats turu katuun. Na nori e holis has ner romana a Tsunono te sakahis pouts raien, ba nori te taia boroboro pouts has mer romana a man markato a man omi i taren.

2 Jon 1:10

Temi hihatuts nena ta katuun u raranga tema matskö neia turu hihatuts tere Kristo, ba limiou tema tatei lu mena mien i luma i tamilimiou, batema tatei ranga hatami has mia i tanen.