Taitus 2:8 - U Bulunagana U Niga

⁸ Na te katoe moa lö u raranga u niga ba u pakö te matsingolo riou, taraha nori e moa riou ta ka tegi ranga hohomi sil merien ra.

Taitus 2:8 Iomraidhean Croise

U Bulungana u Niga tere Iesu Kristo te kolotein e Mak 12:17

Be Iesu e poeiena, “Bara, halemi e Sisa a manka i tanen, bate hala hasemi e Sunahan a manka te ka uana i tanen.” Ba nori e asingoto koru ner ti hengo menaien a ka te rangein e Iesu.

U Bulungana u Niga tere Iesu Kristo te kolotein e Mak 12:28

A töa tson hihatuts tara Lo e hengo ti hiarangrangata uaien. Ba nonei e hengo sabiena te ranga palis haniga menai e Iesu u Sadiusi, ba nonei e la hasukusuku nama me rangate nen, “U saha u raranga te pan na tara man raranga hoboto tere Sunahan?”

U Bulungana u Niga tere Iesu Kristo te kolotein e Mak 12:32

Ba tson hihatuts tara Lo e poeiena tere Iesu, “U mana koru, Tson Hihatuts. Alö e ranga hamana nemula e Sunahan a töa puku, na e möa lel ta tana ta sunahan.

U Bulungana u Niga tere Iesu Kristo te kolotein e Mak 12:34

E Iesu e hengoe temar ranga palis hanigan töa uu a tson ba nonei e ranga menen, “Alö ema lehana ba nami a Nipepeito tere Sunahan.” Ba i murinen, u katuun i matoutin rangata lele ii e Iesu tu harangata.

U Bulungana u Niga tere Iesu Kristo te kolotein e Luk 13:17

U ranga palis i tanen e hamatsingoler u pakö hoboto i tanen. Ba u katuun hoboto e sasaala mer a mamanaka a niga te katoeien.

2 Tesalonaika 3:14

Te raman hengo nena ta töa i tamilimiou u raranga i tamulam turu pas teka, balimiou te tara kap haniga namen bate ka halhal ba namen, ba nonei te matsingolo mena a markato i tanen.

1 Timoti 5:14

Na lia e ngil taleiegu u amoaba u kukubei gi hitöl bate posaposar bate tara kap rer a galapien na mamanaka i taren, bu katuun tema ngileri e Kristo tema antunan ranga hohomi rarien.

1 Timoti 6:3

A katuun te hihatuts nena u hihatuts u gamo ema tahongo neia turu hihatuts tere Iesu Kristo a Tsunono i tarara, u hihatuts u niga na u mana.

Taitus 3:14

Na u katuun i tarara egi kato sil tegi lu menaien a man markato a man niga, bate taguhu raier u katuun te makmakum ner a mamanaka. U katuun i tarara ena mots ka pinopinor.

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

1 Pita 2:15

Taraha, e Sunahan e ngilena alimiou go kato hanigaiam bate kato hakakamoto remiou u katuun u tutu te roron ranga homi rariou limiou.

1 Pita 3:16

Na limiou go kato hanigaiam ba torimilimiou tema tatei kout ranoui limiou. Ba u katuun te ranga homi ner a man markato a man niga i tamilimiou, te kukute mena milimiou e Kristo, te tatei matsingolo mer romana a man raranga a man omi i taren.