Taitus 2:12 - U Bulunagana U Niga

¹² bate hatuts raneira tegi tori tsuga menaira u ngilngilina i puta. Na tara pöata i romana aragi hala puta hasi a peisarara bate kukutera a markato a niga tere Sunahan.

Taitus 2:12 Iomraidhean Croise

Matiu 12:32

A katuun te ranga homi nanou lia tu butun Katunuma, e Sunahan e tatei luba nanou a markato a omi i tanen. Kaba a katuun te ranga homi nena u Namnamei u Göagono, e Sunahan ema tatei luba nanoi a markato a omi teka i tanen, tara pöata i romana, na tara pöata i murimuri has.”

Matiu 16:24

Be Iesu e poeiena turu katunun tsitsilo i tanen, “Esi te ngilin kukute nanou lia ega solopali a mamanaka te ka uana i peisanen, bate töan söatena a kuruse i tanen bate kukutie nou lia.

Matiu 28:20

Ba limiou te hatuts ramien tegi kukute menaien a mamanaka tu ranga merai lia limiou. Bate hakats namiou: alia e ka gono nitöa mera gou limiou e antunanoa tara kapakapana a pöata.”

U Bulungana u Niga tere Iesu Kristo te kolotein e Luk 1:6

U muntahol teka i matsköia i matana e Sunahan, na nori i kukute haniga hasi u mamana u raranga na markato tere Sunahan a Tsunono.

U Bulungana u Niga tere Iesu Kristo te kolotein e Luk 1:75

Nonei e ngilena aragi matsköia i matanen turu mamana u lan tara nitöatöa i tarara.”

U Bulungana u Niga tere Iesu Kristo te kolotein e Jon 14:30

Alia ema antunan raranga pala lel gia i tamilimiou, taraha a kapan tara han i puta teka e la nama. A nitagala i tanen ema antuna neia i tar.

U Bulungana u Niga tere Iesu Kristo te kolotein e Jon 6:25

Pöata tina sabieien e Iesu i hapalana a ramun, ba nori e rangatar me poeier i tanen, “Tson Hihatuts, alö u la uama teka i hangisa?”

Aposol 24:16

Ba tara mamana pöata a torir e tagala silena tego matskö uu lia i matana e Sunahan na i matar u katuun has.”

Aposol 24:25

Pöata te raranga naia e Pol a markato a matskö, na tega hala puta menai a katuun u ngil i peisanen, na te kout gono mera noua e Sunahan u katuun, be Piliks e matout koruna me poeiena, “La tala. Te ka megoua lia ta pöata ba lia te ngö lele goulö.”

U pas te koloto menai e Pol turu kristenira i Rom 12:2

Alimiou goma kukutiemi a markato tara han i puta teka. E möa. E Sunahan e ngilin hala ranei limiou u hakats u tsimus bate habiritsena a torimilimiou ba limiou te atei sile mou u ngil tere Sunahan bate hanigei men, a ka te nigana na ka te sasaala mena e Sunahan na ka te matskö nitöana.

U pas te koloto menai e Pol turu kristenira i Rom 6:12

Alimiou egoma hatasue mumei a markato a omi i peisa milimiou, na egoma kukutiemi u ngilngil u omi turu tuenrei i tamilimiou.

U pas te koloto menai e Pol turu kristenira i Rom 6:19

Alia e katoe gula u raranga u gigaha te atei sile milimiou. I manasa alimiou u rongaronge mia a peisa miou tara markato a omi. Kaba i romana alimiou go hala neiam a peisa milimiou tego kato haniga nitöa uaien bate katoe miou a markato a gogoso. Bate butun göagono has mia i matana e Sunahan.

U pas te koloto menai e Pol turu kristenira i Rom 8:13

Na te kukutie moa limiou u ngilngilina i puta ba limiou te mate mou. Kaba te taguhu ranoua limiou u Namnamei, ba limiou te kato hamatiemou a markato a omi turu ngilngilina i puta, ba limiou te töatöa mou.

2 Korin 1:12

U mana nitöa, alam e tatei sasaalam bate ranga mem u hakats u gogoso nitöa ti marka uu lam tara niniganiga te hala railam e Sunahan, ba lam te kato hamatsköm bate kato haniga mia tara han i puta teka na i mata milimiou has. Alam uma kato mei a manka teka a niatei i tamulam, kaba tara niatei tere Sunahan.

2 Korin 7:1

A matsomi i tar, te hala tala nena e Sunahan u mamana u raranga u mana teka, aragi kato hagogoso ba tala nai a peisarara a mamanaka te kato hakorkorianena u tuenrei na u namnamei i tarara. Aragi matouti e Sunahan bate torohanan kato hagogoso sokön töa nera a peisarara.

Galesia 1:4

E Kristo e mate sil tego luba menaien a man markato a man omi i tarara, na tego purese pouts meraien ra tara markato a omina i puta. Nonei e markato uu temar ngil uu e Sunahan e Tamarara.

Galesia 5:24

Na u katuun te ka uaier tere Kristo, a mamana markato a omi hoboto i taren na u ngilngilina i puta, nori i hakute gono meien e Kristo tara kuruse me matena.

Epesis 1:4

I mamuma te habuteia e Sunahan u kolö na u puta, nonei e hopö kap sil raira tegi katuun uu ra i tanen, te hamana uarara tere Kristo. Nonei e ngilena tegi katuun uu ra i tanen batema ka merei ta markato ta omi i matanen.

Epesis 2:2

Alimiou u kukuteiam a markato a omina i puta, bate hengoemiou a tsunonona tara man spirit a man omina iasa, nonei a spirit a omi te hakui rena u katuun te hipus naier e Sunahan.

Kolosi 1:22

Kaba i romana nonei e nolo pouts sila rena limiou tara tou mate tere Iesu Kristo, ba limiou te matskö miou bate gogoso miou, bate moana ta ka ta omi tegi kout merai limiou.

1 Tesalonaika 4:7

E Sunahan ema ngö sil ranei ra tegi kato homi uu ra. E möa. Nonei e ngö sil ranei ra tegi kato haniga uu ra.

1 Tesalonaika 4:9

Alam ema ngilin ranga hapara nami tego ngil mera milimiou u hahatoulana i tamilimiou tere Kristo, taraha e Sunahan e hatuts hakapa railimiou tego hiangilngil pouts uaiam limiou.

1 Timoti 4:12

Alö a katuun a hitots, ego möa ta katuun tega pita putputeiou lö. Harötein ta markato ta niga turu katuun te hamanar te markato uana a katuun a kristen turu hihatuts i tamölö, na tara markato i tamölö na te ngil mera milö u katuun hoboto na te hamana ua mölö tere Sunahan, bate ka mem a markato a gogoso.

1 Timoti 6:17

Hateir u katuun te ka mer a mamanaka a para i romana gima solose ii a peisaren. Nori gima hasolaia tara moni tuun te antunan taia boroborona. E möa. Nori gi hasolaia tere Sunahan a tatangana koru te hala raneira a mamanaka te kato hasasaala ranoura.

1 Timoti 6:9

U katuun te ngilin ka mer a mamanaka a parpara e tutu lala tuun rena bate rus beier a maroro tara markato a omi. A maroro teka, a tanga turu mamana u ngilngil u omi na u tutu te antunan las mena nei a katuun tara han a omi i hel.

2 Timoti 3:12

Na lia e hatei goulö, u katuun e kato homi puku rariou u katuun te pala uaier tere Iesu Kristo.

2 Timoti 4:10

Taraha, e Demas e ngil koruena a han i puta teka. Nonei e laba hakapa naiou lia me lauana tara taun i Tesalonaika. E Kresens e la uu tara provins i Galesia na e Taitus e la uu tara provins i Dalmesia.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

Hibru 8:11

U katuun u tetenei na u katuun u kapan has ema antunan hatuts lel raroui u toularen bate poeier, ‘Atei sileiam a Tsunono,’ taraha, nori hoboto ena atei sile riou lia, u katuun u tetenei na u katuun u kapan has.

Jemis 1:27

A katuun te niga hamanana na te matsköna i matana e Sunahan e Tamarara e markato uana teka: nonei egona taguhir u binai na u amoaba tara pöata te omina a nikaka i taren, na nonei e ka halehana ba nena a manka a man omi tara han i puta.

2 Pita 2:9

E Sunahan e tatei haka haniga rena u katuun u niga tegi torohana meraien, bate haka rena u katuun u omi tara nihahuna e antunana te butuna romana u Kout Pan i tanen.

2 Pita 3:11

Na temar taia tala uana romana a mamanaka tara markato teka, ba limiou te kato hatagala sil talemiou tego niga koru uaiam limiou bate hala nemiou a peisa milimiou tere Sunahan.

1 Jon 2:27

Kaba u Namnamei u Göagono ti lu mameiam limiou tere Kristo, nonei e ka gono mera noulimiou. Na limiou goma tokumi te möa uana ta tson hihatuts i tamilimiou. Taraha, u Namnamei tere Sunahan e hatuts ranei limiou a mamanaka. Na manka te hihatuts nanen e manana. E möa tego gamouaien. Na limiou ego ka nitöa mia tere Kristo temar ranga uu Namnamei tere Sunahan.

1 Jon 2:6

Esi a katuun te poeiena nonei e ka gono mena e Sunahan, a katuun teka ega markato has uu te markato uu e Iesu.

1 Jon 5:19

Ara e atei silera ara galapien tere Sunahan na mamana han hoboto i puta e kana tara nipepeito tere Satan.

U pas te kolotein e Jut 1:18

Nori i hatei mam raiou limiou me poeier, “Tara kapakapana pöata, u katuun e sigale riou romana a markato tere Sunahan bate katoe riou a manka man omi te ngilin kato naren.”

Revelesin 14:12

A ka teka e mar mouna uana teka: u katuun tere Sunahan egi tagala noa lasi. Nori egi hengo hanigei u raranga tere Sunahan bate hamana hatagala ria tere Iesu.