Taitus 2:10 - U Bulunagana U Niga

¹⁰ Nori egi harötein te pakoko haniga mena rien a toukui i taren. A mamana markato hoboto a niga i taren e tatei taguhena u hihatuts tere Sunahan te taguhu ranou ra.

Taitus 2:10 Iomraidhean Croise

Matiu 24:45

Be Iesu e pei lelena, “Esi nonei ta katunun kui ta atei te tatei kato hanigan töa nena a toukui tanen? A Tsunono te tatei hataratara kap nanei a katuun teka a palair u katunun kui i tanen tega hala meraien a kannou i taren tara pöata hamatskö.

Matiu 5:16

Na u ualesala i tamilimiou ega kato has uu iesana bate alesala uana turu katuun. Ba nori te tare riou a markato a niga i tamilimiou bate soloseier e Tamamilimiou i Kolö.”

U Bulungana u Niga tere Iesu Kristo te kolotein e Luk 1:80

A pien e pan susul ba u namnamei i tanen e butu hatagala susul hasina. Nonei e kaia tara makum a palaka, e antunaia tara pöata tega na butuien i matar u katunura i Israel.

U Bulungana u Niga tere Iesu Kristo te kolotein e Luk 16:10

A katuun te taratara kap haniga nena a manka man tetenei e taratara kap haniga has nena romana a manka man kapan. Na a katuun te kui hagamona tara manka man tetenei e kui hagamo hasna romana tara manka man kapan.

U Bulungana u Niga tere Iesu Kristo te kolotein e Jon 12:6

E Judas e ma taatagiri u katuun ti möa ta moni. Nonei e mar ranga uu teka, taraha nonei a kopkop. Nonei a katuun te taratara kapiin a moni turu katunun tsitsilo tere Iesu, na nonei e roron kop ia i tanen.

1 Korin 4:2

Kaba a toukui teka e ngilena a katuun a hihipakoko na katuun te hamana uana tere Sunahan na te kukuteiena u raranga i tanen.

Epesis 4:1

Alia e Pol, alia e karabus silegu te kui menagi lia a toukui tara Tsunono. Na e Sunahan e hopö kap raiou limiou tego katuun uaiam limiou i tanen. Na lia e hatei ragou limiou ego marka uaiam temar ngil uana e Sunahan.

Pilipai 1:27

A markato i tamilimiou ega matskö gono mei u Bulungana u Niga. Alia ena tara lel toum ragou limiou tsi e möa? Kaba alia e ngilin hengo noahas nagou tego tuol hatagala uaiam limiou bate ka memiou u töa puku u hakats, ba limiou te tagala hoboto silemiou u hihatutsina turu Bulungana u Niga.

Pilipai 4:8

Na töa patu a ka, a man hahatoulana. Alimiou go hakats nitöa neiam a manka a man mana, na manka a man niga, na manka te matsköna, na manka te gogosona, na manka te hanigeier u katuun. Alimiou go hakats siliam a mamanaka te tatei ranga haniga ner u katuun.

1 Timoti 1:1

Alia e Pol, a aposol tere Iesu Kristo. E Sunahan te lu pouts raiou ra na e Iesu te hamana riara nori i hopö kap silei lia tego aposol uu lia.

1 Timoti 5:17

U tsunono te kui haniger a toukui i taren egi hala rai u tara marei pan, e la koru uana turu tsunono te rararer na te hihatuts hasir.

1 Timoti 6:1

U katuun te karia tara tou kits turu katunun kukui puku egi tara marei a tsunono i taren bate solosei raren. Taraha, u katuun e namots ranga hohomi ner a solo tere Sunahan na u hihatuts i tarara.

1 Timoti 6:3

A katuun te hihatuts nena u hihatuts u gamo ema tahongo neia turu hihatuts tere Iesu Kristo a Tsunono i tarara, u hihatuts u niga na u mana.

Taitus 1:3

Na tara pöata te hopö kap noahas naien, nonei e haröto halesalein u raranga i tanen tego habulungana menaien lia. E Sunahan te lu pouts raioura, nonei noahas te hale meilia a toukui teka.

Taitus 3:4

Kaba e noahasina ti markato uu ra teka, e Sunahan e harötein a nitaatagi na u pannen u ngilngil i tanen,

1 Pita 2:12

Alimiou go kato haniga koru las mia i gusur u katuun te hahamanar. Ba pöata te ranga homi rien i tamilimiou bate poeier alimiou e katoemiou a markato a omi, ba nori te tatei tarer a markato a niga tego katoeiam limiou, bate soloseier e Sunahan tara pöata te la namen romana.

1 Pita 3:16

Na limiou go kato hanigaiam ba torimilimiou tema tatei kout ranoui limiou. Ba u katuun te ranga homi ner a man markato a man niga i tamilimiou, te kukute mena milimiou e Kristo, te tatei matsingolo mer romana a man raranga a man omi i taren.

2 Jon 1:9

A katuun te poeiena u hihatuts tere Kristo ema antuna neia turu ngilngil i tanen bate kato silena u tana u hihatuts, e Sunahan ema ka neia tara katuun teka. Kaba a katuun te kukute nitöanena u hihatuts tere Kristo nonei e ka uana tere Tamarara na Pien Tson i tanen.