Taitus 1:4 - U Bulunagana U Niga

⁴ O Taitus, alö a pien tson i tar, te hamana hoboto uarara tere Sunahan. E Sunahan e Tamarara na e Iesu Kristo te taguhu raioura e tatei taatagi nariou lö na e tatei hala hase rilö a masalohana.

Taitus 1:4 Iomraidhean Croise

U Bulungana u Niga tere Iesu Kristo te kolotein e Luk 2:11

A Tson Hitaguhu i tamilimiou e pose lila i bong teka tara taun tere Devit. Nonei a katuun tega la uama i puta te ngöe roui e Kristo. Nonei a Tsunono!

U Bulungana u Niga tere Iesu Kristo te kolotein e Jon 4:42

Ba nori e hateier nonei a tahol me poeier, “Alam u tanian hamana uu tere Iesu tu hengo menai lam u ranga i tamölö. Kaba, alam e hamana koru lel talam, taraha alam e hengo peisa tala mula, na lam e atei sil hamana koru talem, nonei koru a katuun teka ti hala sile mei tegomi luba menaien a man markato a man omi turu katunura i puta.”

U pas te koloto menai e Pol turu kristenira i Rom 1:12

U raranga i tar e mar mouna uana teka: alia e ngilegu aragi taguhu mei a tai u nihamana te kamerara.

U pas te koloto menai e Pol turu kristenira i Rom 1:7

Alia te koloto uagu i tamilimiou hoboto u katuun te ngil koru raiena e Sunahan te ka mia tara taun i Rom. E Sunahan e ngö sil railimiou tego katuun uaiam limiou i tanen pepeisa. Ne Sunahan e Tamarara na e Iesu Kristo a Tsunono, e tatei taatagi rariou limiou na e tatei hala has rari limiou a masalohana.

2 Korin 12:18

Pöata tu hala ne la lia e Taitus na palair u hahatoulana, nori i a angoso has raiou limiou? E möa. Taraha alia na e Taitus, alam e tataala mem u töa puku u Namnamei na markato i tamulam e hihinatuena.

2 Korin 2:13

Kaba lia uma kamei ta niniganiga, taraha alia uma antunan sabei e toularara e Taitus. Ba lia e laba regu u katuun i Troas me lauagu i Masedonia.

2 Korin 4:13

Kaba te kamemia lam u mar namnamei na turu nihamana ti koloto has naia turu Buku u Göagono, “Alia e hamanagu e Sunahan, nonei te ranga sila gia lia.” Alam e hamana hasem, nonei te ranga sila has mia lam.

2 Korin 7:6

Kaba e Sunahan e roron kato hasasaala rena u katuun te kamer a nitaatagi, na nonei e kato hasasaala has raiou lam tara pöata te tukuia e Taitus.

2 Korin 8:16

Alam e haniga koru uaiem tere Sunahan te hala menaien e Taitus u tori u niga ba nonei te ngilin taguhu koru ranou limiou temar ngilin taguhu has meragi lia limiou.

2 Korin 8:23

E Taitus nonei a tson te kui gono menou lia na te taguhu has ranou limiou. Na palair u hahatoulana te la gono merouen, nori has u katunun tataala tara man hun katuun tere Kristo, na nori e solosei haseier e Kristo.

2 Korin 8:6

Ba lam e ranga hatagala mia tere Taitus tego kato noa menaien a toukui te hatanieien, te hala menari a monin hitaguhu.

Galesia 2:3

Alia u ka gonomei a hahikapien i tar e Taitus a toun Grik, kaba pal kapan teka ima ranga sile ii tegi hapö menaien.

Galesia 3:26

Na te hamana mia limiou tere Iesu Kristo, ba limiou te katuun hoboto uamou tere Sunahan.

Galesia 3:28

Na te katuun uami limiou tere Kristo, e möa lel ta toun Grik na ta Jiu, na ta katunun kukui puku na ta katuun tegoma kukui puku ii, na ta tson na ta tahol. Alimiou hoboto te hamana mia tere Iesu Kristo e here talemi a töa katuun.

Epesis 1:2

E Tamarara e Sunahan na e Iesu Kristo a Tsunono e tatei taatagi ranou limiou bate hala has ranei limiou a masalohana.

Kolosi 1:2

U pas teka e koloto menari i tamilimiou u katuun te hamana mia tere Kristo i Kolosi. E Tamarara e Sunahan e tatei taatagi ranou limiou na e tatei hala has ranoui limiou a masalohana.

1 Timoti 1:12

Alia e haniga koruegu e Iesu Kristo a Tsunono i tarara, te hatagale ioulia, taraha nonei e tari tu kui haniga uu lia ba nonei e lu mena nei lia tara toukui i tanen.

2 Timoti 1:1

Alia e Pol, a töa aposol tere Iesu Kristo. E Sunahan e ngil mei lia tego aposol u lia bate habulungana negu a nitöatöa te ranga hamana naien tega hala sila namen tere Iesu Kristo.

2 Timoti 1:2

Alia e koloto lel uagu i tamölö, o Timoti. Alö a pien koru i tar. E Sunahan e Tamarara na e Iesu Kristo a Tsunono i tarara e tatei taguhe rioulö bate taatagi has nariou lö bate hala hase roilö a masalohana.

2 Timoti 4:10

Taraha, e Demas e ngil koruena a han i puta teka. Nonei e laba hakapa naiou lia me lauana tara taun i Tesalonaika. E Kresens e la uu tara provins i Galesia na e Taitus e la uu tara provins i Dalmesia.

Taitus 1:3

Na tara pöata te hopö kap noahas naien, nonei e haröto halesalein u raranga i tanen tego habulungana menaien lia. E Sunahan te lu pouts raioura, nonei noahas te hale meilia a toukui teka.

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.

2 Pita 1:11

Be Sunahan te haniga koruna romana tego tasu uaiam limiou tara Nipepeito tere Iesu Kristo a Tsunono i tarara te lu pouts raiou ra, a Nipepeito tema antunan kapa nei.

2 Pita 2:20

Kaba tego atei sileia a katuun e Iesu Kristo a Tsunono i tarara, te lu pouts raiou ra, bara te laba naiera a man markatona i puta. Ga te pilpiloto pouts roien tara markato a omi i taren, ba a nikaka turu katuun teka te omi bala koru lel tala nanou a nikaka taren i manasa.

2 Pita 3:18

Kaba limiou u katuun ego tagalaiam bate atei silemiou a Tsunono i tarara e Iesu Kristo te lupouts raioura bate hitaguhuna i tarara. Aragi solo sei nitöa naien i romana na tara mamana pöata i murimuri. U mana. Nonei talasi. Alia e Pita

2 Pita 3:2

Alimiou go hakhakats kap naiam u raranga ti rangein u propet u niga i manasa, na u raranga tara Tsunono te lu pouts raiou ra, u ranga ti hala mera lelam u aposol i tamilimiou.

1 Jon 5:14

Ara egima matoute ii e Sunahan, taraha, tara pöata te singo sile riara ta ka i tanen nonei e hengo ranoura.

U pas te kolotein e Jut 1:3

A matsi hahikapien, alia e ngilin koloto menagi u pas i tamilimiou bate hatei ragi limiou ime temar lu pouts meraira e Sunahan. Kaba lia e hakats koru negu tego koloto uu lia i tamilimiou bate hatei hatagala ragi limiou tego pile kap hatagala mena milimiou u nihamana i tamilimiou ti hapilepile kap mam burai u katuun tere Kristo. E Sunahan e hala raira a markato turu nihamana na ema antunan palis menarien.