Taitus 1:2 - U Bulunagana U Niga

² Ba nori te kameriou u hakhakatsina tegi hahaloso menaien a nitöatöa te ka nitöana. Na e Sunahan, tema tatei gamo nei e ranga hamana naia a nitöatöa teka i mamuna te butuia u puta.

Taitus 1:2 Iomraidhean Croise

Matiu 25:34

“Ba lia te ranga meragou u katuun tara pal matou i tar, ‘U katuun te kato hasasaaler e Tamar, lamuma batemi luemiou a Nipepeito ti kato taatago berai limiou i manasa noa te habuteia e Sunahan a mamanaka.

Matiu 25:46

Ti markato uaien teka ba u katuun teka tena lue riou u nihahuna te ka nitöana, ba u katuun u matskö tena lue riou a nitöatöa te ka nitöana.”

U Bulungana u Niga tere Iesu Kristo te kolotein e Mak 10:17

E Iesu e hatania leli a nilala i tanen ba töa tson e piata uanama i tanen memi hatukun na i matanen me rangate nen, “Tson Hihatuts a niga, aha tego kati lia ba lia te luegou a nitöatöa te ka nitöana?”

U Bulungana u Niga tere Iesu Kristo te kolotein e Jon 10:28

Alia e hala ragouen a nitöatöa te ka nitöana ba nori tema tatei tia roi romana. E möa ta töa ta katuun tega antunan gul ba rai lia u katuun i tar.

U Bulungana u Niga tere Iesu Kristo te kolotein e Jon 17:2

Alö u halei lia a nitsunono tego tara kap mei lia u katuun hoboto, ba lia te antunan hala ragi u katuun tu hala ramei lö alia a nitöatöa te ka nitöana.

U Bulungana u Niga tere Iesu Kristo te kolotein e Jon 17:24

“O Tamagulia, alö u hala rema u katuun teka i tar, na lia e ngilegu nori egina ka gono meiou lia tara makum tena ka goua lia. Ba nori tena tare riou a nikapan i tar, a nikapan tu hale mei lö alia, taraha alö u ngil korueiou lia i mam te butuia a han i puta.

U Bulungana u Niga tere Iesu Kristo te kolotein e Jon 5:39

Alimiou e röto nitöa namiou u Buku u Göagono, taraha alimiou e poeiemiou nonei te hala ranoui limiou a nitöatöa te ka nitöana. U Buku u Göagono e hatei noahas na nou lia.

U Bulungana u Niga tere Iesu Kristo te kolotein e Jon 6:54

A katuun te nouena u tuenrei na te ue iena u rahatsing i tar e ka menou a nitöatöa te ka nitöana. Na lia e hatakei poutse goen romana tara tou mate tara kapakapana pöata.

U Bulungana u Niga tere Iesu Kristo te kolotein e Jon 6:68

Be Saimon Pita e ranga palise nen me poeiena, “O Tsunono, alam e la uamou teresi? Alö peisa te ka mem u rangana tara nitöatöa te ka nitöana.

Aposol 15:18

A Tsunono e mar ranga uu teka, nonei te habuti u raranga teka i manasa koru.’ “U propet timar koloto uu teka.

U pas te koloto menai e Pol turu kristenira i Rom 1:2

E Sunahan e ranga hamana noa has i manasa tego hala meraien ra u Bulungana u Niga teka. Nonei e hatei naien turu raranga turu propet i tanen turu Buku u Göagono. E Iesu i poseia tara pala tere King Devit.

U pas te koloto menai e Pol turu kristenira i Rom 16:25

Aragi solosei e Sunahan! Nonei te antunan hatagalena u nihamana i tamilimiou ba limiou te hamana mia i tanen, te hengo mena milimiou u Bulungana u Niga te rararie gulia, na turu raranga te hatei nena e Iesu Kristo. Nonei u raranga teka e solon mous i manasa.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

U pas te koloto menai e Pol turu kristenira i Rom 5:2

Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

U pas te koloto menai e Pol turu kristenira i Rom 5:21

I manasa a markato a omi e haka puta raia u katuun tara tou mate. Kaba a nihitaguhu tere Sunahan e antunan kato hamatskö rena u katuun bate hala raneien a nitöatöa te ka nitöana ti lu sila naiara tere Iesu Kristo a Tsunono i tarara.

U pas te koloto menai e Pol turu kristenira i Rom 5:4

Na ka teka e taguhu ranou ra tegi niga uu ra. Na te haniga renara e Sunahan, ba ra te tagala silera tegi hamana uu ra i tanen bate hahalosera a ka a niga te hopö kap beraien ra.

U pas te koloto menai e Pol turu kristenira i Rom 6:23

Tara markato a omi a hihol i tanen a tou mate. Kaba e Sunahan e hala sila nena a nitöatöa te ka nitöana tere Iesu Kristo a Tsunono i tarara.

Kolosi 1:27

E Sunahan e hanigein tego haröto meraien u katuun tema Jiu ri u bulungana te momouseien i manasa, u bulungana u mana na u niga te la has uana turu katuun hoboto. U bulungana teka nonei e Kristo te kana i tori milimiou, alimiou e luemou romana a manka man niga tere Sunahan.

1 Tesalonaika 2:15

U Jiu i atung hamatir u propet tere Sunahan i manasa, na nori i atung hamate hasi e Iesu a Tsunono. Na nori i kato homi has raioulam bate tsuga rariou lam. Nori e kato haraharaha koruer e Sunahan na nori e omi rer u katuun hoboto.

1 Tesalonaika 5:8

Taraha, ara u katununa tara lan. Aragi hamana haniga uu tere Sunahan bara te hiangilngil nitöara. Na ragi hamana noahasi e Sunahan te luba ranoua ra tara niomi.

1 Timoti 6:12

Tagala sil e Sunahan ba lö te hamana haniga uam i tanen. Pile hakarapotein a nitöatöa te ka nitöana. E Sunahan e ngö sile ii lö a nitöatöa teka tara pöata tu ranga hanigaia lö i matar u katuun u parpara temar hamana uamia lö i tanen.

1 Timoti 6:19

Te kato uarouen teka ba nori te haputu beri a peisaren a manka man niga hamana, a man kana i Kolö te taguhu ranouen i murimuri. Ba nori te antunan lue riou a nitöatöa hamana.

2 Timoti 1:1

Alia e Pol, a töa aposol tere Iesu Kristo. E Sunahan e ngil mei lia tego aposol u lia bate habulungana negu a nitöatöa te ranga hamana naien tega hala sila namen tere Iesu Kristo.

2 Timoti 1:9

Nonei te lu pouts raiou ra na te ngö has raioura tegi katuun uu ra i tanen. Nonei ema kato mei a ka teka ti kato haniga uu ra. Emoa, kaba turu ngilngil peisa i tanen ba nonei e taatagi koru ranoura me ngö ranoura i mamuna pöata.

2 Timoti 2:10

Ba lia te söata sila nagia a mamanaka te butuna i tar tego taguhu merai lia u katuun te hopö kapir e Sunahan. Alia e ngilegu nori egi lu hasi a nitöatöa te kana tere Iesu Kristo, na nitsunono pan has te ka nitöana.

2 Timoti 2:13

Noahasina tema kamena reira tu nihamana, nonei e ka nitöa mena u nihamana, taraha nonei ema antunan palis pouts lel nanei u raranga i tanen.

2 Timoti 2:15

Alö go torohana hatagala sil tego haniga menai lö e Sunahan bate ngöe nei lö a katuun a kukui tema matsingolo mena milö a toukui i tamölö bate hihatuts hamatskö nem u raranga u mana.

Taitus 2:13

Tara pöata te hahalose riara a nisasaala te hamana sile rara, nonei a pöata te butu noua u hiharöto pan tere Sunahan a kapan i tarara, nonei e Iesu Kristo temi lu pouts ranou ra.

Taitus 2:7

Tara mamanaka te katoe mölö, na turu hihatuts i tamölö, harötein a markato a niga balö te habulungana nem u raranga u mana na u matskö.

Taitus 3:7

Na e Sunahan e kato hamatskö has rena u katuun, taraha nonei e taatagi ranen.

1 Jon 2:25

Na nonei a ka te ranga hakapein e Kristo, tego hala rien ra, nonei a nitöatöa te ka nitöana.

1 Jon 5:20

Ara e atei silera a Pien Tson tere Sunahan e la silema i puta tegomi hala meraien ra a niatei tegi tatei atei sil menai ra e Sunahan hamana. Ara e ka gono mera e Sunahan hamana na e Iesu Kristo a Pien Tson i tanen. Nonei a Sunahan hamana teka, na a katuun te pala uana tara Pien Tson i tanen e ka mena a nitöatöa te ka nitöana.

U pas te kolotein e Jut 1:21

Alimiou go mar kaka haniga uaiam te haniga uana e Sunahan, ba nonei te haröto noahas ranoui limiou u ngilngil i tanen. Ba limiou te hamana sil hase miou a pöata te taatagi koru ranouara e Iesu Kristo a Tsunono i tarara bate hala ranoira a nitöatöa te ka nitöana.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

Revelesin 17:8

A ka omi te tare mula lö e töatöa i manasa kaba ema töatöa lel nei. Nonei e katsin lakasa nama tara kiou te möa ta nönöanen ba nonei tena taia lel nou. Ba u katuun te ka roua i puta te asingoto hoboto riou te tara mena roien a ka teka, nori u katuun tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nori e asingoto nariou a ka a omi te töatöa i manasa kaba ema töatöa lel nei, kaba nonei e butu lel nou romana.