Taitus 1:15 - U Bulunagana U Niga

¹⁵ Turu katuun te kato hagöagono ria i matana e Sunahan, a mamanaka i taren e göagono hasina. Kaba, turu katuun u omi te hahamanar, e möa ta töa ta ka i taren tega nigaia i matana e Sunahan, taraha, a toriren na u hakats i taren ema göagono has nei.

Taitus 1:15 Iomraidhean Croise

Matiu 15:18

Kaba manka te lakasa nama turu rung e la nama i torina a katuun. Nonei a manka te kato hakorkorianena a katuun.

Aposol 10:15

Ba u raranga teka e la lel uanama i tanen a hahuoluna a pöata, “A ka te haniga nena e Sunahan tego noui lö, alö goma tatei agono naien.”

U pas te koloto menai e Pol turu kristenira i Rom 14:14

Alia e atei silegu na e Iesu a Tsunono e haröte ii lia a ka te markato uana teka, e möa ta ka i tanen peisa ega omi. Kaba te poeiena a katuun e omina ba ka teka te omi hasna i tanen.

U pas te koloto menai e Pol turu kristenira i Rom 14:20

Alö goma kato homiei a toukui tere Sunahan te ngilin nou mena milö a mamana kannou. E niga hasina te nou menari a mamana kannou, kaba e omina te nouena a katuun a töa ka bate kato homiena u hakats tara palair u kristen te poeier e omina.

U pas te koloto menai e Pol turu kristenira i Rom 14:23

Kaba te hula hakats mia lö te noue mia lö a ka, alö e kato homi hamanasam, taraha alö ema hamanemi tega niga uen. A saha ka te katoe mölö tema la na meia tara nihamana, nonei a markato a omi.

1 Korin 10:23

“A mamanaka e nigana tegi kato menaien,” kaba ema para nei a ka te tatei hitaguhuna. “A mamanaka e nigana tegi kato menaien,” kaba ema para nei a ka te tatei taguhu rena u katuun.

1 Korin 10:25

Alimiou e tatei nouemiou a haruete te hahol naria tara töana batema rangrangata namien.

1 Korin 10:31

Tara pöata te nou mia limiou na te ua mia limiou, na tara mamanaka hoboto te katoe milimiou, alimiou go katoe men tara markato te solosei menari e Sunahan.

1 Korin 8:7

Kaba para a katuun ema atei silenei a ka teka. Taraha nori e hakats noa has naier u kesa. Na pöata te noue rien a kannou turu haats, nori e poeier u haats tara got hamana. Nori e hakats hapara ner a ka teka ba a tsitabubun hakats i taren te omina.

1 Timoti 6:5

A hiaraharaha te katon toa naier u katuun teka, u baku tutu tema atei sil haseri a ka a mana ba nori te poeier, u lotu a maroro te tatei lu sila namialö ta moni.

Hibru 10:22

Aragi la hasukusuku tala uu tere Sunahan. Na ragi hakats hamanaia i torirara bate hamana hatagalara. Na torirara ega gogoso bate moana ta man markato ta man omi tegi hasagohi ra, na tuenreirara i galuseia turu ramun u gogoso koru.

Hibru 12:15

Tara kap haniga raiam a palai bate moa nou ta töa tega habirits ban a nihitaguhu tere Sunahan. Ta töa ena mots tori homina i gusumilimiou bate hatakeiena ta raharaha bate kato homiena u hakats tara palai.

Hibru 9:14

Kaba u rahatsing tere Kristo e tagala koruna. Tara nitagala turu Namnamei te ka nitöana, e Kristo e hala menai a peisanen tere Sunahan na nonei e möa ta töa taka ta omi tega kaia i tanen. U rahatsing i tanen e galus ban u hakhakats u omi, te ka uana tara tou mate, bara te tatei kui beiera e Sunahan te ka nitöana.