Taitus 1:11 - U Bulunagana U Niga

¹¹ U katuun teka egi ranga hapiou mer batema tatei hipusri, nori e kato homi raier u katuun. Taraha nori e ngilin lu tuun ner taka ba nori te hatuts rari u katuun a manka tema matskö nei.

Taitus 1:11 Iomraidhean Croise

Matiu 23:13

E Iesu e ranga lel me poeiena, “Alimiou u tson ateira tara Lo na limiou u Parasi, a nomi pan e butu noa i tamilimiou! Alimiou u gamogamo, na limiou te ron hatu kap ramiou u katuun tegi tasu uen tara Nipepeito tere Sunahan, na limiou pouts has ema antunan tasumi.

U Bulungana u Niga tere Iesu Kristo te kolotein e Luk 20:40

Nori i raman rangata lele ii e Iesu tu harangata.

U Bulungana u Niga tere Iesu Kristo te kolotein e Jon 10:12

A katunun kui tuun e bus ba rena u sipsip tara pöata te la nama a muki a hie, taraha nonei ema tue ranei u sipsip na nonei ema katunun pepeito kap hamana has uanei turu sipsip. Ba muki a hie tena kotokoto rena u sipsip bate rura ranen.

U pas te koloto menai e Pol turu kristenira i Rom 3:19

Ara e atei silera a mamanaka te ranga nena a Lo tere Mosis e la uana turu katuun te kukuteier a Lo teka. A ka teka e hapiou rena u katuun hoboto te ngilin poeier, “Alia e möa ta markato ta omi.”

2 Korin 11:10

Alia e hatei hamana ragia limiou tara solo tere Kristo, u ranga te hatei la nena a markato teka i tar ema hapiou naria tara man han i Gris.

1 Timoti 5:13

Nori u amoaba teka toum e ka pinopino riou bate hula la uar tara man luma. Na nori toum e ranga pinopino sil hase riou a palair u katuun bate kato pinopino tunur bate ranga has ner a manka tegi ma ranga naien.

1 Timoti 5:4

Kaba te ka mena a amoaba a galapien tsi a man hatutubunei i tanen, ba nori te hatutseria a peisaren tegi kato menaien a toukui i taren bate taguher a hun katuun i taren, ba nori te hamatana poutseier a nihihipakoko turu tamaren na u tsinaren. A markato teka e Sunahan e haniga korue nen.

1 Timoti 6:5

A hiaraharaha te katon toa naier u katuun teka, u baku tutu tema atei sil haseri a ka a mana ba nori te poeier, u lotu a maroro te tatei lu sila namialö ta moni.

2 Timoti 2:18

Nori i la halehana ban u raranga u mana bate kato homi raier a palair u kristen ti pei menaien, a tou takei pouts e butu hakapa. Nori e kato homier u nihamana turu katuun.

2 Timoti 3:6

A palai ena hohou kapiena rariou a man munmun tahol bate angöngoso mera roi a touhaliou u tutu u hihatuts u omi i taren. A touhaliou teka e saputu koru mer a man markato a man omi bate kukutier u mamana u ngilngil u omi i taren.

Taitus 1:7

A katuun tere Sunahan e goma kamei ta markato ta omi i tanen, taraha, nonei e pepeito kap nena a toukui tere Sunahan. Nonei goma hihipus ii na e goma tatei raharaha boroboro has ii. Na nonei goma tatei uaua pala ii ne goma tatei hiatatung has ii na egoma pepeits ii bate ngileiena a ka a parpara.

Taitus 1:9

Nonei ega pile kap hakarapotein u raranga u mana tere Sunahan timar hatuts menaien, ba nonei te hihatuts nanou u raranga u mana, ba u katuun te hanigeriou u hihatuts bate hamanar. Ba nonei te tatei ranga hatagalana turu katuun te ranga hasoalar bate hatei raneien te kukute mena rien u raranga u gamo.

Taitus 3:10

Hapiouni a katuun te lu kaakata rena u katuun. Tema hengo neien, ranga hahuol lel mei. Kaba te möa noahas nen, balö te töa haka ba namen.