U pas te koloto menai e Pol turu kristenira i Rom 9:8 - U Bulunagana U Niga

⁸ Alia e mar ranga uagu teka: a galapien tere Sunahan ema katuun peisa uari ti tuhanaia tere Abraham. E möa. A galapien hamana tere Sunahan nori te hamana ria turu raranga u mana tere Sunahan.

U pas te koloto menai e Pol turu kristenira i Rom 9:8 Iomraidhean Croise

Matiu 3:9

Alimiou goma tatei mar hakats uami teka, ‘Alam e kamem e Abraham e tubumulam.’ Alia e hatei ragou limiou, e Sunahan e antunan katoe nei u hatu teka a hun haposa tere Abraham. E Sunahan ema antunan ngil pinopinoe nei a katuun te pala uana tere Abraham. E möa. E ngileiena a katuun te kato hanigana.

U Bulungana u Niga tere Iesu Kristo te kolotein e Jon 1:13

Nori i posa lelir, kaba ima mar posa lel merai te hatuhana meri a pien te butunama tere tamanen na e tsinanen na i puta. E möa. Kaba a nituhana teka e la nama tere Sunahan.

U pas te koloto menai e Pol turu kristenira i Rom 8:14

U katuun hoboto te tataala gono meier u Namnamei tere Sunahan nori a galapien tere Sunahan.

U pas te koloto menai e Pol turu kristenira i Rom 8:16

Nonei noahas u Namnamei tere Sunahan te hateiena u namnamei i tarara bara te galapien uara tere Sunahan.

U pas te koloto menai e Pol turu kristenira i Rom 8:19

A mamanaka hoboto te kui e Sunahan e hahanei sil nitöa nena a pöata te haröto nanoua e Sunahan te galapien uara ra i tanen.

Hibru 11:11

Turu nihamana noahas tere Sara tere Sunahan, be Sunahan e hale neien a nitagala tega pika uaien, noahasina te toböana koru uaien. Kaba e Sara e hamana noahasi e Sunahan ega kato beien a ka te ranga mam noa naien.