U pas te koloto menai e Pol turu kristenira i Rom 9:22 - U Bulunagana U Niga

^22-23 Na e Sunahan e markato has uana iesana. A palair u katuun te kato homir, e hereri a tabeli a hihol i tanen te la putana. Ne Sunahan e ngilin hatara has nena a raharaha i tanen na nitagala i tanen. Kaba nonei e roron hahaloso haniga koruna tegi habirits pouts uaien i tanen, na nonei ema tatei sökana nei. E Sunahan e kato menei a ka teka tega taguhu meraien ra. Nonei e ngilin taatagi ranou ra bate hatei ranei ra a nikapan i tanen te kato hahaloso mam beraien ra.

U pas te koloto menai e Pol turu kristenira i Rom 9:22 Iomraidhean Croise

U pas te koloto menai e Pol turu kristenira i Rom 1:18

E Sunahan i Kolö e haröto nena nonei e raharaha rena u katuun hoboto te kato homir, u katuun te hatu kap ner u raranga u mana na man markato a man omi i taren, e Sunahan ena hahuna ranouen.

U pas te koloto menai e Pol turu kristenira i Rom 9:17

Na turu Buku u Göagono e Sunahan e rangaia tere King Pero me poeiena, “Alia u ha king sile ii lö tego haröto menai lia a nitagala i tar i matamölö, na tegi solosei menai a solor turu han hoboto i puta”

U pas te koloto menai e Pol turu kristenira i Rom 9:20

Emoa, alö a katuun tuun. Alö ema antunan mar ranga homi kopis uami tere Sunahan teka. A tabeli ema tatei mar ranga uanei teka tara katuun te kui nen, “Taraha koru balö temar kui menami lia teka?”

U pas te koloto menai e Pol turu kristenira i Rom 9:21

A katuun te kukuiena a tabeli e tatei kuie nen turu ngilngil peisa i tanen. Te ngil nen ba nonei te tatei kuiena a huol a mar tabeli tara töa makumun tsiktsiki: a töa a hihol i tanen e la seina na tabi a hihol i tanen e la putana.

1 Tesalonaika 2:16

Taraha, nori e hapiou rariou lam tegoma hatei menai lam u raranga tere Sunahan turu katuun halhal turu Jiu na tegoma lu pouts meraien e Sunahan. Nori u Jiu e kato homi nitöar, ti roron kato uaien. Kaba e Sunahan e hahuna tala ranouen romana.

1 Tesalonaika 5:9

Taraha, e Sunahan ema hopö kap meraira tara nihahuna. E möa. Nonei e hopö kapiin tega luba meraien ra tara niomi, taraha e Iesu Kristo a Tsunono i tarara e mate sil raioura.

2 Timoti 2:20

I luma tara katuun te ka mena a mamanaka, te kana a man tabeli na man kap na mamana kaan hongo. A palai e niga korur te kuieri a silva tsi a goul, na palai e kuieri u ruei tsi u tsiktsiki. A man kaan hongo a man niga e ka silena a man toukui pan, na palai e ka silena a man toukui pinopino.

1 Pita 2:8

Na tana makum turu Buku u Göagono e mar ranga has uana teka, “Nonei a hatu teka te tutu ranoua u katuun.” U katuun te tutu rana tara hatu e haharuei ner u katuun te tori hasoalaner e Iesu, taraha nori ema kukutieri u ranga. Nori e markato uaier teka ti mar hopö kap noahas meraien i manasa.

1 Pita 3:20

A man namnamei teka nori u katuun u hihipus ti kaia tara pöata tere Noa i manasa. Nonei tara pöata e Sunahan e solon hahaloso me tuatami koruna tara pöata te kuie ia e Noa a tolaala. Kaba a töal puku a katuun ti töatöa turu uolo pan, a palai i mate.

2 Pita 2:3

Tara markato te gono be menarien a peisaren a mamanaka, nori e hatei has rari limiou romana a man ranga pinopino bate luer a moni. E Sunahan e solon hopö kapiin a nihahuna i taren, na nori e taia hamana riou.

2 Pita 2:9

E Sunahan e tatei haka haniga rena u katuun u niga tegi torohana meraien, bate haka rena u katuun u omi tara nihahuna e antunana te butuna romana u Kout Pan i tanen.

2 Pita 3:15

Alimiou go atei sileiam a Tsunono e hahalosena tegi habirits uu katuun i tanen, ba nonei te lupouts ranen. Nonei e hale ii e toularara e Pol u hakhakats u niga ba nonei e mar koloto has ualala iesana i tamilimiou, te markato uanen tara man pas hoboto i tanen. Palaina a man raranga i tanen e ka mena a toukui pan tegi atei sil menaien, na u katuun u tutu na u katuun te hula hakatsir e hatuts hakölo ner a mouna a manka teka, te markato has mena rien a palaina u raranga turu Buku u Göagono. Ba nori te kato homi tsiponer a peisaren.

U pas te kolotein e Jut 1:4

Taraha, a palair u katuun u omi i mous ma i gusu milimiou. U mar katuun teka i tus merai turu mar nihahuna te ka noua turu kout tere Sunahan, ba nori tena tia riou, ti mar ranga uu propet tere Sunahan. Nori e roron paliseier u raranga u niga tere Sunahan bate katoerien u rarangana tara markato a omi. U katuun teka e roron tori tsuga naier a töa puku a Tsunono i tarara, e Iesu Kristo.