U pas te koloto menai e Pol turu kristenira i Rom 9:16 - U Bulunagana U Niga

¹⁶ E Sunahan ema hopö kap mera nei u katuun u ngilngil i taren na tara markato i taren. Nonei e hopö kap meranei u katuun a nihitaguhu peisa i tanen.

U pas te koloto menai e Pol turu kristenira i Rom 9:16 Iomraidhean Croise

Matiu 11:27

“A mamanaka hoboto teka e Tamar te hale meien lia. Na e möa ta taina ta katuun tega atei sileiou lia, a Pien Tson tere Sunahan. E Tamar puku lahas. Na e möa has ta katuun tega atei sil e Tamar. Alia puku lahas a Pien Tson i tanen te atei silegen, na eresi tu onarilia te haröto ragoui lia e Tamar.

Matiu 4:8

Be Satan e lu mena neien turu töa u pokus iasa koru. Ba nonei e haröte neien a man han hoboto i puta na mamanaka a niga i taren.

U Bulungana u Niga tere Iesu Kristo te kolotein e Luk 10:21

Nonei has tara pöata, e Iesu e ka mei a nisasaala pan turu Namnamei u Göagono me poeiena, “O Tamar, alö a Tsunono pan i Kolö na i puta! Alia e haniga koru megia i tamölö te hamous me milö u raranga u mana turu katuun te poeier e ka mer a niatei, bate haröto namen turu katuun papala tema atei balari. Aa, O Tamagulia, alö e markato uaiem teka turu ngil peisa i tamölö balö te sasaala memen.”

U Bulungana u Niga tere Iesu Kristo te kolotein e Jon 3:8

A lomolomo e bahu uana te ngil uanen, balö te hengoem te ling uanen. Kaba alö ema atei silemi te la namen na te la uanen. Na e kato has uana iesana tara katuun te pose ria turu Namnamei.”

U pas te koloto menai e Pol turu kristenira i Rom 9:11

Na e Sunahan e ngilin hopö kap sile ii a töa pien tson tego kato menaien u ngilngil tere Sunahan, ba nonei e poeiena tere Robeka, “A pien a hamua e kui benou a hahuoluna a pien.” E Sunahan e mar ranga mam noa uu teka ba galapien tema posa noa rari, na tima kato haseien a ka niga na ka omi. Nonei e hopö kap merai a galapien u ngil peisa i tanen. E ma hopö kap meraien a markato i taren.

Galesia 2:2

E Sunahan noahas te hatarein tego la uu lia. Ba lia ena gum gono meraiegu a pal kapan turu Lotu me hatei ragien u Bulungana u Niga, ti roron ranga merai lia u katuun te halhal ria turu Jiu. Alia u mar hakats u teka: A toukui ti katoema lia i manasa te antunana i romana ena mots lalapukuna.

Epesis 2:8

E Sunahan e lu pouts merai ra tara nihihitaatagi peisa i tanen turu nihamana i tarara. A ka teka ema butu mei a toukui i tarara. E möa. E Sunahan e hala pukpuku raienra.

Pilipai 2:13

E Sunahan noahas te kuina i torimilimiou bate taguhu ranou limiou tego kukute mena milimiou u ngilngil i tanen bate katoemiou a manka te hanige nen.

Jemis 1:18

Turu ngil peisa i tanen e Sunahan e hatuhana raiara turu ranga u mana i tanen. Nonei e kato menai a ka teka bara te here rari romana u katuun tutuun tara hun katuun a tsimus i tanen.