U pas te koloto menai e Pol turu kristenira i Rom 8:9 - U Bulunagana U Niga

⁹ Kaba u ngilngilina i puta ema hakui lel ranei limiou. U Namnamei tala tere Sunahan te hakui ranou limiou. Na te ka na u Namnamei tere Sunahan i tori milimiou, nonei u Namnamei teka te mammam ranou limiou. Ba esi tema ka menei u Namnamei tere Kristo, nonei ema katuun uanei i tanen.

U pas te koloto menai e Pol turu kristenira i Rom 8:9 Iomraidhean Croise

U Bulungana u Niga tere Iesu Kristo te kolotein e Luk 11:13

Alimiou u katuun u omi e atein hala noa has namiou a manka man niga tara galapien i tamilimiou. Na e Tamarara i Kolö te niga balana e hala has nanou u Namnamei u Göagono turu katuun te singor bate harangata ria i tanen!”

U Bulungana u Niga tere Iesu Kristo te kolotein e Jon 14:17

U katunura i puta teka ema antunan lueri u Namnamei u Göagono teka, taraha nori ema tare rien na ema atei sil hase rien. Kaba limiou e atei sile men, taraha nonei e ka gono mera noulimiou na nonei e ka has noua i torimilimiou.

U Bulungana u Niga tere Iesu Kristo te kolotein e Jon 14:23

Be Iesu e ranga palisenen me poeiena, “Ere si te ngile riou lia te hengoe riou u raranga i tar, be Tamar te ngil has ranouen, na lam ena la has muma romana batemi kui luma mia i taren.

U Bulungana u Niga tere Iesu Kristo te kolotein e Jon 3:34

E Sunahan te haleiema a katuun teka ba nonei emi hatei nena u raranga tere Sunahan. Na nonei e saputu mena u Namnamei u Göagono te hala nenama e Sunahan i tanen.

U Bulungana u Niga tere Iesu Kristo te kolotein e Jon 3:6

Aha te hatuhanena u tuenrei, nonei u tuenrei, na ha te hatuhanena u namnamei, nonei u namnamei.

Aposol 16:7

Pöata tina butuien i Misia, ba nori e torohanan katsin la uaier iahana a provins i Bitenia. Kaba u Namnamei tere Iesu e hatu kap raien.

U pas te koloto menai e Pol turu kristenira i Rom 7:5

Taraha, nonei tara pöata ti katoeiara a markatona turu ngilngilina i puta te hatakei a Lo tere Mosis, me hatakeiena u ngilngil u omi i tarara, me habutena a markatona tara tou mate.

U pas te koloto menai e Pol turu kristenira i Rom 8:1

Ara u katuun te kagono mera e Iesu Kristo ema antunan lu narei tu nihahuna.

U pas te koloto menai e Pol turu kristenira i Rom 8:11

E Sunahan e hatakei poutsi e Iesu Kristo tara tou mate i tanen. Na te kana u Namnamei tere Sunahan i tamilimiou, nonei e kato hatöatöa pouts hase nou a tuenrei milimiou te matena.

U pas te koloto menai e Pol turu kristenira i Rom 8:2

Taraha, a lo turu Namnamei tere Sunahan, te hala ranei ra a nitöatöa tere Iesu Kristo, e purese hakapa raioura. Ara i here ii u katuun ti kitsir na ti roron kaia tara lo tara markato a omi na tara tou mate. Kaba e möa lel tala.

1 Korin 15:23

Kaba ara a man tötöa egi hahaloso bi a pöata hamatskö i tarara. E Kristo te takei mam, ba ra te pala uaier tere Kristo te takei pouts has roua tara pöata tena la pouts namen romana.

1 Korin 3:16

Alimiou e atei sil hase miou alimiou u luman lotu tere Sunahan na u Namnamei tere Sunahan e kana i tamilimiou?

1 Korin 6:17

Kaba a katuun te ka gono mena a Tsunono, nori e ka hoboto ria turu töa puku u namnamei.

1 Korin 6:19

U tuenrei i tamilimiou a luman lotu turu Namnamei u Göagono te kana i tori milimiou, u Namnamei te halani e Sunahan. U tuenrei i tamilimiou ema ka uanei i tamilimiou. E möa. E ka uana tere Sunahan.

2 Korin 10:7

Tara a ka tego tarilö. Te pei mialö alö a katuun tere Kristo, tara marei talei, ga lam has u katuun tere Kristo.

2 Korin 6:16

U saha u hanhaniga te kamer a luma tere Sunahan na u kesa? Taraha, ara e here rei a Luma tere Sunahan te töatöana. Te mar ranga peisa noa has uu e Sunahan, “Alia ena ka goua i toriren bate hula la goua i gusuren. Alia e Sunahan i taren na nori u katuun i tar.”

Galesia 4:6

Te pala tala uarara i tanen, be Sunahan te hala mena mei u Namnamei tara Pien Tson i tanen i torirara bara te ranga hamatskö koru tala nera, e Sunahan nonei koru e Tamarara.

Galesia 5:24

Na u katuun te ka uaier tere Kristo, a mamana markato a omi hoboto i taren na u ngilngilina i puta, nori i hakute gono meien e Kristo tara kuruse me matena.

Epesis 1:13

Na limiou has, e Sunahan e hopö kap merai limiou u Namnamei u Göagono te ranga hamana naien. Nonei e hopö kap sil railimiou tego katuun uaiam limiou tere Kristo. Taraha, alimiou u hengoeiam u raranga u mana na u Bulungana u Niga te poeiena e Sunahan e ngilin lu pouts mera nei limiou i tanen, ba limiou te hamana uamiou tere Kristo.

Epesis 2:22

Na limiou has a hapalana a luman lotu teka, e Sunahan e haka gögono raiou limiou u katuun hoboto i tanen, banonei na u Namnamei u Göagono te tatei kana tara luma teka. Alimiou e ka gono mera moulam na e Sunahan e ka gono mena u Namnamei i tanen iaharara.

Epesis 3:17

Na lia e singo sil hasegu e Kristo e tatei kana i torimilimiou, alimiou te hamana mia i tanen. A mouna ka te singo sil korue gulia, turu hakhakats na markato i tamilimiou: alimiou go hiangilngil iam.

Pilipai 1:19

Na lia e atei silegu e Sunahan e taguhe noulia ba lia te ka hanigagu, taraha alimiou e singo sile moulia ba u Namnamei tere Iesu Kristo te taguhe noulia, ba lia te hakapa goua tara karabus.

2 Timoti 1:14

Pile kap hanigein a ka a niga te hale ii lö u Namnamei u Göagono te kana i torirara.

1 Pita 1:11

U Namnamei tere Kristo te kaia i toriren e hatei raien tega sagoho menai e Kristo a kamits, ba i murinen banonei te lu hasena a nikapan. Na nori i hiarangrangata hasiin a ka teka ega butuia teresi na tara saha pöata, kaba nori ima atei haniga ii.

1 Jon 3:24

A katuun te kukute hanigeiena u raranga tere Sunahan, nonei e ka gono menou e Sunahan, be Sunahan te ka has noa i tanen. U Namnamei u Göagono te halani e Sunahan, nonei te haröto renara e Sunahan e ka gono mera noura.

1 Jon 4:13

Nonei teka temar atei sil menaroira te ka uana e Sunahan i tarara, na te ka has uarara i tanen, taraha nonei e hala raira u Namnamei i tanen.

1 Jon 4:4

A man hahikapien i tar, alimiou a galapien tere Sunahan na limiou e tagala bala ramiou u propet u gamogamo teka. Taraha, u Namnamei te kana i tamilimiou e pan bala nena u liliahanei te karia turu katunura i puta tema katuun uari tere Sunahan.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.

Revelesin 20:15

Ba u katuun a soloren tima koloto rai turu bukuna tara nitöatöa e lapo raria iahana kiou te saputi u tula.