U pas te koloto menai e Pol turu kristenira i Rom 8:8 - U Bulunagana U Niga

⁸ A katuun te kukute lasena u ngilngilina i puta ema antunan hatakui has nanei u ngilngil tere Sunahan.

U pas te koloto menai e Pol turu kristenira i Rom 8:8 Iomraidhean Croise

Matiu 3:17

Ba u töa u raranga e butu nama i Kolö me poeiena, “Nonei a Pien Tson koru i tar. Alia e ngil korue gen, na lia e sasaala koru has megen.”

U Bulungana u Niga tere Iesu Kristo te kolotein e Jon 3:3

Be Iesu e ranga palise nen me poeiena, “U mana koru alia e hatei hamana korue goulö, tema posa lele ria a katuun, nonei ema antunan atei sile nei a man kana tara Nipepeito tere Sunahan.”

U Bulungana u Niga tere Iesu Kristo te kolotein e Jon 8:29

Na e Tamar e ka gono has menou lia. Nonei ema laba nai lia, taraha alia e roron katoegu a mamanaka te ngile nen.”

U pas te koloto menai e Pol turu kristenira i Rom 1:21

Nori e atei sileren, kaba nori ema hapan hantuna narien tara nikapan i tanen, na nori ema haniga has uari i tanen. Nori e hakats papalar, ba u hakhakats u tutu i taren te kato hakuhil ranen.

U pas te koloto menai e Pol turu kristenira i Rom 7:5

Taraha, nonei tara pöata ti katoeiara a markatona turu ngilngilina i puta te hatakei a Lo tere Mosis, me hatakeiena u ngilngil u omi i tarara, me habutena a markatona tara tou mate.

U pas te koloto menai e Pol turu kristenira i Rom 8:9

Kaba u ngilngilina i puta ema hakui lel ranei limiou. U Namnamei tala tere Sunahan te hakui ranou limiou. Na te ka na u Namnamei tere Sunahan i tori milimiou, nonei u Namnamei teka te mammam ranou limiou. Ba esi tema ka menei u Namnamei tere Kristo, nonei ema katuun uanei i tanen.

1 Korin 7:32

Alia e ngilegu alö goma hakats hapara nai a mamanakana i puta. A tson tema hitöl nei e hakats koru nena a toukui tara Tsunono, taraha nonei e ngilin hasasaalena a Tsunono.

Pilipai 4:18

Alia e ka tala megu a manka tu hala namuma limiou. E Epaprodaitus e halei mei lia a manka hoboto tu hala namuma limiou. A manka teka e herenei u haats te soksoka hanigan töana te la uana tere Sunahan be Sunahan te haniga korue nen.

Kolosi 3:20

Na limiou a galapien, hengo nitöa raiam u tamamilimiou na u tsinamilimiou, taraha a Tsunono e ngileiena a markato teka.

1 Tesalonaika 4:1

Na kapakapana u raranga a matsi hahatoulana e markato uana teka, alam u hatuts railimiou te markato uana a katuun te hanigeiena e Sunahan. Na u mana koru, alimiou e markato uamiou teka. Alam e ranga hatagala koru mera moulimiou tara solona a Tsunono e Iesu, alimiou go markato haniga noahas uaiam teka.

Hibru 13:16

Alimiou goma solopalemi tego kato haniga mera milimiou a palair u katuun bate hiatagtaguhu miou. A markato teka e ngil korue nen na e kato hasasaalena e Sunahan.