U pas te koloto menai e Pol turu kristenira i Rom 8:7 - U Bulunagana U Niga

⁷ Tara pöata te hatakuiena u ngilngilina i puta u hakats tara katuun, ba katuun teka te omiena e Sunahan. Nonei e raman hengo nena e Sunahan. Na nonei ema antunan kato has nanei a Lo tere Sunahan.

U pas te koloto menai e Pol turu kristenira i Rom 8:7 Iomraidhean Croise

Matiu 12:34

Alimiou u katuun tara kökötsi. Ime te tatei mar ranga mena milimiou a manka man niga te katuun omi uamilimiou? A ka te kana turu tori, u rung te ranga halakasa nanen.

Matiu 5:19

Ba katuun te hipus nena a tsi tabubun makumun raranga tara man Lo bate las rena a palai egi markato has uu te markato uanen, nonei e katuun papala koru noa tara Nipepeito tere Sunahan. Kaba a katuun te hengoena a man raranga tere Sunahan, bate hatuts rena a palai egi markato has uu te markato uanen, nonei ena katuun pan noa tara Nipepeito tere Sunahan.

U Bulungana u Niga tere Iesu Kristo te kolotein e Jon 7:7

U katuun i puta ema antunan omi rari limiou, kaba nori e omie riou lia, taraha alia e hatei ragien te omi uana a markato i taren.

U pas te koloto menai e Pol turu kristenira i Rom 1:28

U katuun ima hakats nai e Sunahan na i raman ka mei a niatei a niga, ba nonei e töa rongaronga ranen tegi ka noahas menaien u hakats u omi na tegi kato homi has menaien a markato a omi.

U pas te koloto menai e Pol turu kristenira i Rom 1:30

Nori e ranga homi ner a tana katuun bate omier e Sunahan. Na nori ema hapaneri ta katuun, kaba nori e hipusur bate ranga sesei ria i peisaren pouts. Nori e roron hakats ner a man maroro a man tsimus tegi kato homi uaien. Nori e hipus rer u tamaren na u tsinaren.

U pas te koloto menai e Pol turu kristenira i Rom 3:31

Ge hana, ara e kato homiera a Lo tere Mosis te kukute mena reira a markatona turu nihamana? E moa koru. U nihamana i tarara te tupa mera neira tara saha ka te ngilena a Lo.

U pas te koloto menai e Pol turu kristenira i Rom 5:10

Ara e hereri u katuun ti paköi e Sunahan, kaba pöata te mateia a Pien Tson i tanen, ba nonei e kato poutsena a masalohana i tarara gono mei e Sunahan. Na nitöatöa tere Iesu te taguhu ranoura, na te ka haniga sila has riara.

U pas te koloto menai e Pol turu kristenira i Rom 7:22

Iahana a torir iogana alia e ngil koruegu a Lo tere Sunahan.

U pas te koloto menai e Pol turu kristenira i Rom 8:4

E Sunahan e kato mei a ka teka tegi matskö koru uu ra tara Lo. Taraha, u ngilngilina i puta ema hakui lel ranei ra. E möa. U Namnamei tere Sunahan te hakui tala ranou ra.

1 Korin 2:14

A katuun tema ka menei u Namnamei tere Sunahan ema tatei lue nei a manka te hala nena u Namnamei tere Sunahan. Turu hakats tara katuun teka, a manka tere Sunahan e here nei a manka man tutu. Nonei a katuun ema antunan atei sile neien, taraha u Namnamei lasi tere Sunahan te antunan haröto nena a mouna a manka teka.

1 Korin 9:21

Na pöata te ka gono mera gia lia u katuun tema Jiu ri, alia e kato has uagu te markato uaren. Alia e kato here nagi a peisar a katuun tema ongo neia tara Lo tere Mosis, bate peigi mera gien tara Tsunono. Alia ema poegi alia e ka gia ielesala tara Lo tere Sunahan. E möa. Alia e ka puta noahas gia tara Lo tere Kristo.

Kolosi 1:21

I manasa alimiou u lehana ba naiam e Sunahan, taraha limiou u kato homi iam na u hakats homi iam na i manasa alimiou has u pakö tere Sunahan.

Kolosi 2:18

A palair u katuun e poeier nori e pan ria i matana e Sunahan bate poeier, nori i sinasohi a manka teka tegi haka puta menaira a peisarara bate hatsunono raier u angelo. Alimiou goma hengo ramien te pei mena rien alimiou e kato homimiou. Nori e kato hapan pinopinoer a peisaren te hakats mena rien a markatona i puta.

2 Timoti 3:4

Nori e hala rariou u katuun u niga turu pakö i taren. Nori e kato homi pinopino riou batema hakats haniga naroi a markato i taren. Na nori e haka sei korueriou a peisaren. Nori e ngil korue riou a markatona i puta batema ngileri e Sunahan.

Hibru 8:10

Ba Tsunono e mar ranga mera neien teka, “Nonei u hia hanhaniga u tsimus te kato gono megoi lia u katunura i Israel. Alia e hakei goua a lo i tar turu hakhakats i taren na i tori ren, ba nori te hakats kap nitöa narouen bate kukutie ren. Ba lia te tsunono ragouen ba nori te hun katuun uariou i tar.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

2 Pita 2:14

Nori e ngilin tara las uaier turu touhaliou u omi. Ba tema hakaperi u ngilngil i taren te ngil mena rien a markato a omi. Nori e ron gamogamo raier u katuun te hula hakatsir. Na nori i solon alena talein a markato te riri sil menari a ka tara tana katuun, na e Sunahan e ranga hohomi hakapa raien.