U pas te koloto menai e Pol turu kristenira i Rom 8:5 - U Bulunagana U Niga

^5-6 Na u ngilngilina i puta e hatakuieiena u hakhakats tara katuun te kukute hasena u ngilngilina i puta. A ka teka nonei a maroro tara tou mate. Kaba u Namnamei tere Sunahan e hatakui hasena u hakats tara katuun te kukutiena u ngilngil tere Sunahan. A markato teka nonei a maroro tara nitöatöa na tara masalohana.

U pas te koloto menai e Pol turu kristenira i Rom 8:5 Iomraidhean Croise

U Bulungana u Niga tere Iesu Kristo te kolotein e Mak 8:33

Kaba e Iesu e habirits me tara uana turu katunun tsitsilo i tanen me ranga hapiou nena e Pita me poeiena, “O Satan, la hatalisila. Alö ema hakats nami a manka tere Sunahan. Alö e hakats tuun nem a manka turu katuun tuun.”

U Bulungana u Niga tere Iesu Kristo te kolotein e Jon 3:6

Aha te hatuhanena u tuenrei, nonei u tuenrei, na ha te hatuhanena u namnamei, nonei u namnamei.

U pas te koloto menai e Pol turu kristenira i Rom 8:9

Kaba u ngilngilina i puta ema hakui lel ranei limiou. U Namnamei tala tere Sunahan te hakui ranou limiou. Na te ka na u Namnamei tere Sunahan i tori milimiou, nonei u Namnamei teka te mammam ranou limiou. Ba esi tema ka menei u Namnamei tere Kristo, nonei ema katuun uanei i tanen.

1 Korin 15:48

U katunura i puta te hereri nonei a katuun te katoe ii e Sunahan u tsiktsiki. Na u katunura i Kolö te hereri nonei a katuun te lama i Kolö.

1 Korin 2:14

A katuun tema ka menei u Namnamei tere Sunahan ema tatei lue nei a manka te hala nena u Namnamei tere Sunahan. Turu hakats tara katuun teka, a manka tere Sunahan e here nei a manka man tutu. Nonei a katuun ema antunan atei sile neien, taraha u Namnamei lasi tere Sunahan te antunan haröto nena a mouna a manka teka.

2 Korin 10:3

E manana, alam e ka mia tara han i puta teka, kaba lam e hiatatung mia turu namnamei.

Galesia 5:17

Taraha, u ngilngilina i puta e roron hiatatung mena u ngilngil turu Namnamei tere Sunahan, na u ngilngil turu Namnamei tere Sunahan e roron hiatatung has mena u ngilngilina i puta. Nori ema ron hianiganiga ri, ba limiou tema antunan katoe moi a ka te ngilin katoe milimiou.

Epesis 5:9

Taraha, u ualesala te habutena a mamanaka te nigana na te matsköna na te manana.

2 Pita 2:10

Na nonei e tatei hahuna koru has rena u katuun te roron kukuteier u ngilngil u omi i peisaren, bate hipus ner a nitsunono tere Sunahan. U tson hihatuts teka ema matout koruri ba nori te hipusur, na nori ema matoutun ranga homi has rari a pal kapan i Kolö.