U pas te koloto menai e Pol turu kristenira i Rom 8:3 - U Bulunagana U Niga

³ E Sunahan e kato a töa ka a niga koru, na Lo tere Mosis ema antunan katoe ii a ka a niga teka, taraha u ngilngilina i puta ema antunan kukute ii a Lo teka. Be Sunahan e hala nenama a Pien Tson i tanen peisa memi lueiena u tuenrei te markato uu turu tuenrei i tarara me mate silena a markato a omi. Ne Sunahan e luban a nitagala tara markato a omi te kana turu tuenrei i tarara.

U pas te koloto menai e Pol turu kristenira i Rom 8:3 Iomraidhean Croise

U Bulungana u Niga tere Iesu Kristo te kolotein e Mak 15:27

E Iesu i hakute gono mei a huol a kopkop tara man kuruse i rehina e Iesu, a töa tara pal matou na tai tara pal keruka.

U Bulungana u Niga tere Iesu Kristo te kolotein e Jon 1:14

U Ranga e butun katunuma memi kana i gusurara. Nonei a tsonun hihitaguhu na tsonuna tara nimana. Alam u tara hakapi a nitsunono i tanen, a mar nitsunono te kamena a töa koru a Pien Tson tere Sunahan, e Tamanen i Kolö.

U Bulungana u Niga tere Iesu Kristo te kolotein e Jon 9:24

Nori i ngö hahuolema nonei a katuun te matakiou mam me poeier i tanen, “Alö go ranga hamana koruia i matana e Sunahan. Alam e atei silem nonei e Iesu teka a katuun a omi.”

Aposol 13:39

A Lo tere Mosis ema antunan luba nanei a markato a omi i tamilimiou bate ngö ranei limiou u katuun u matskö. Kaba e Iesu e luba nena a markato a omi hoboto turu katuun te hamana uaier i tanen, bate ngö has raneien u katuun u matskö.

U pas te koloto menai e Pol turu kristenira i Rom 3:20

A katuun te kukutiena a mamanaka te ranga nena a Lo ema matskö neia i matana e Sunahan, taraha a Lo e haröto nena a katuun te kato homina.

U pas te koloto menai e Pol turu kristenira i Rom 6:6

Ara e atei silera a markato a omina i tarara na i manasa i hakute gono mei e Kristo tara kuruse, ba ra tema tatei kukute lel narei a markato a omi.

U pas te koloto menai e Pol turu kristenira i Rom 7:18

Na lia e atei silegu e möa ta ka ta niga tega kaia i peisar. Alia e ranga negu a man markato a man omina i puta i tar. E manana, alia e ngilin katoegu a man markato a man niga, kaba lia u möa ta nitagala tego kato meien.

U pas te koloto menai e Pol turu kristenira i Rom 8:32

Nonei ema peits hasnai a Pien Tson i tanen, kaba nonei e hala sile meien i puta tegomi mate sil meraien ra hoboto. Te katoe men a ka teka, ba nonei te hala has ranoui ra a mamanaka.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

Galesia 3:13

Na e mar ranga has uana teka, “A katuun te hakute ria turu ruei bate matena e ka mena u rangan korupakö tere Sunahan i peisanen.” Na e Kristo te sakahis raiara turu rangan korupakö te hala nena a Lo, taraha nonei e luba naia u rangan korupakö teka i peisanen te mate ien tara kuruse.

Galesia 3:21

Aha te poeiena u raranga teka? A Lo e hiatatung mena u ranga hamana tere Sunahan? E möa koru! Sanena tego kaia a töa lo te antunan kato hatöatöa rena u katuun, e Sunahan sane kato hamatskö sila rana u katuun tara Lo. Kaba e möa.

Pilipai 2:7

Nonei e butun katunuma me haka banena a nikapan i tanen, mena katunun kukui pukuna.

Hibru 10:12

Kaba e Kristo e halan u töa koru u haats tara man markato a man omi, ba nonei ena gumna tara pal matou tere Sunahan.

Hibru 10:14

Turu töa puku u haats, nonei e kato haniga nitöar u katuun te kato raien u katuun u matskö tere Sunahan tara markato i taren i puta.

Hibru 2:14

A galapien teka te ranga nanen nori u katuun tuun, na e Iesu e butun katuun here has rameien. Nonei e kato sile ii a ka teka tego tatei mate uaien bate töan kato homiena e Satan, nonei a katuun te kamena a nitagala tega kato hamate meraien u katuun.

Hibru 2:17

Na e matsköna te butu here meraien u toulanen tara mamana markato bate töan luena a toukui tara tsunono pan turu pris te taatagi rena u katuun bate roron kui haniga beiena e Sunahan. Nonei e kato sile ii a ka teka tega luba menaien a man markato a man omi turu katuun bate tara pouts bera neien e Sunahan.

Hibru 4:15

Kaba ra egima tatei hakats ii bate poeiera a pris a tsunono pan i tarara ema antunan taatagi ranei ra tara pöata tema tagala ria ra. E möa. Kaba man torohana te ron butuna i tarara, e butu hasia i tanen tego torohana menaien. Kaba nonei ema kato homi ii.

1 Pita 2:24

E Kristo noahas te söata menai a man markato a man omi i tarara i peisanen te mateien tara kuruse. E markato uu teka tegi mate ba menai ra a man markato a man omi bate töatöa silera a markato a matskö. Nonei e lu sile ii a man takiraha i peisanen tegi niga pouts uu ra.