U pas te koloto menai e Pol turu kristenira i Rom 8:29 - U Bulunagana U Niga

²⁹ E Sunahan e atei sil mamir eresi te katuun uariou romana i tanen na nonei e hopö kap mam raien tegi here menaien a Pien Tson i tanen, ba Pien Tson i tanen te here nei a pien a hamua te ka mena u toulanen u parpara te kute ruma i tanen.

U pas te koloto menai e Pol turu kristenira i Rom 8:29 Iomraidhean Croise

Matiu 12:50

Eresi te kukutieier u ngilngil tere Tamar i Kolö nori u toular na u hahinar nu tsinar.”

Matiu 25:40

“Ba lia te ranga palis ragouen bate peigou i taren, ‘Na lia e hatei hamana koru ragou limiou, tu katoe mia limiou a markato teka ta töa tara man hahatoulana i tar, alimiou u kato be mien lia.’

Matiu 28:10

Be Iesu e poeiena i taren, “Ma matoutmi. La iam batena ranga meramiou a man hahatoulana i tar bate la uar i Galili, nori ena tare roa lia ili.”

Matiu 7:23

Ba lia te ranga meragouen bate poeiegu, ‘Alia ema atei sil ragi limiou. La ba namou lia! Alimiou u katuun u omi.’”

U Bulungana u Niga tere Iesu Kristo te kolotein e Jon 17:16

Alia ema katuun uagi tara markatona i puta, na nori e hereri lia. Nori ema katuun has uari tara markatona i puta.

U Bulungana u Niga tere Iesu Kristo te kolotein e Jon 17:19

Na lia e hala menagi a peisar i tamölö tego taguhu merai lia u katuun teka, ba nori te hala has menari a peisaren i tamölö.

U Bulungana u Niga tere Iesu Kristo te kolotein e Jon 17:26

Alia u haröto naia lö i taren, na lia e kato noahase gouen tara mamana pöata. Taraha, alia e ngilegu nori gi hiangilngil temar ngil has mena milö alia. Na lia e ka has goua i taren.”

U Bulungana u Niga tere Iesu Kristo te kolotein e Jon 20:17

Be Iesu e poeiena i tanen, “Möa tu pile kap naiou lia, taraha alia ema la noa gi iasa tere Tamar. Kaba alö go la tara man hahatoulana i tar, u katuun te hamana ria i tar, balö tena hatei ramen alia e la uagu iasa tere Tamar na e Tamamilimiou has. Alia e la uagu tere Sunahan i tar na tere Sunahan has i tamilimiou.”

U pas te koloto menai e Pol turu kristenira i Rom 11:2

E Sunahan ema tori tsuga rai u katuun i tanen u Jiu. Nonei e hopö kap raiou lam i mam noa. Alimiou e atei silemiou u raranga turu Buku u Göagono tara pöata te ranga meia e Ilaitsa e Sunahan.

U pas te koloto menai e Pol turu kristenira i Rom 13:14

Alimiou go katoeiam a markato tere Iesu Kristo a Tsunono. Alimiou ema tatei kukute lenemi u ngil turu tuenrei i tamilimiou.

1 Korin 15:49

Ti mar posa has meraira, ara e herei e Adam, a katununa turu tsiktsiki, na ara e here haserei romana e Kristo, a katununa i Kolö.

1 Korin 2:7

Kaba a niatei te ranga nemu lam nonei a niatei tere Sunahan te mous i manasa. Na a niniganiga tere Sunahan e haka beraien ra i mamuna te taniaia a pöata.

1 Korin 8:3

Kaba a katuun te ngil hamanena e Sunahan, e Sunahan e atei sile nouen.

2 Korin 3:18

Ara hoboto ti luban u kopo i matarara bate haröto nera u ualesala tara Tsunono. Na Tsunono nonei u Namnamei te hala raneira u ualesala teka. Nonei te hapalis mera neira tegi mar butu susul here menaien ra bate ka lel mera u ualesala pan.

Epesis 1:11

A mamanaka hoboto te butuna e tahongona tara manka man kapan te ngilena e Sunahan. E Sunahan e hopö kap sil raira i manasa tegi katuun uu ra i tanen bate ka hoboto gono mera e Kristo, taraha nonei a ka te ngilin katoeien.

Epesis 4:24

Na limiou go marka uaiam temar ngil uana e Sunahan, na markato i tamilimiou ega matskö bate göagonona.

Pilipai 3:21

Nonei e hapalisena romana u tuenrei i tarara bate kato here naneien u tuenrei i tanen te niga nitöana. Nonei e katoenou a ka teka tara nitagala noahas temar tsunono pan mena neien a mamanaka.

Kolosi 3:10

Na limiou e ka tala memiou u hakhakats na u ngilngil u tsimus u niga. E Sunahan te habutu raiou limiou e kato here ranei limiou a peisanen. Na nonei e taguhu ranou limiou tego atei haniga sil mena mien limiou.

2 Timoti 1:9

Nonei te lu pouts raiou ra na te ngö has raioura tegi katuun uu ra i tanen. Nonei ema kato mei a ka teka ti kato haniga uu ra. Emoa, kaba turu ngilngil peisa i tanen ba nonei e taatagi koru ranoura me ngö ranoura i mamuna pöata.

2 Timoti 2:19

Kaba a mouna u raranga tere Sunahan e ka hatagala noa hasina bate here nei u simen te ka mena a nikoloto teka: “A Tsunono e atei sil rena u katuun te pala uaier i tanen. Na katuun te poeiena e pala uana tara Tsunono e tatei laba nena a markato a omi.”

1 Pita 1:2

E Sunahan e Tamarara e atei sil hakapa raiou limiou me hopö kap mera nei limiou i tanen ba u Namnamei i tanen e kato ranei limiou u katuun u göagono i tanen. Tara markato ti maniata memien limiou, ba limiou te galus raroui u rahatsing tere Iesu Kristo. E Sunahan ega hala rai limiou a nitaatagi na masalohana pan koru.

1 Pita 1:20

E Sunahan e hopö kap naien i mam noa te habuteien a han i puta, kaba nonei e hagou haröto naien tara kapakapana pöata tega taguhu meraien limiou.

1 Jon 3:2

A man hahikapien, ara a galapien hamanasa tala tere Sunahan. Nonei ema haröto noa raneira tegina markato uu ra romana. Kaba ara e atei silera a ka teka: pöata te butu halesala nama romana e Kristo bara te tare rou a peisanen bate here hase roien.

Revelesin 13:8

Ba u katuun hoboto te ka roua i puta te hatsunone rouen romana, u katuun hoboto tima koloto nai a soloren iahana u bukuna tara nitöatöa i mam te habuteia e Sunahan a mamanaka. Nonei u buku teka u bukuna tara Tunan Sipsip ti atung hamati.