U pas te koloto menai e Pol turu kristenira i Rom 8:27 - U Bulunagana U Niga

²⁷ Be Sunahan, te atei silena a ka te kana i torina katuun, e atei sil hasena u hakats turu Namnamei, taraha u Namnamei e kukutiena u ngil tere Sunahan tara pöata te singo bera nen u katuun tere Sunahan.

U pas te koloto menai e Pol turu kristenira i Rom 8:27 Iomraidhean Croise

Matiu 6:8

Alö goma here raien, taraha e Tamamölö e Sunahan e solon atei sil hakapa noa haselala aha te ngilin rangate mien lö.

U Bulungana u Niga tere Iesu Kristo te kolotein e Luk 16:15

Be Iesu e poeiena i taren, “Alimiou e kato here nami a peisa milimiou u katuun u niga i matar u katuun, kaba e Sunahan e atei silena u hakhakats i tamilimiou e omina. Taraha? A ka te panna i matar u katuun e here nei a ka pinopino i matana e Sunahan.

U Bulungana u Niga tere Iesu Kristo te kolotein e Jon 14:13

Alia e katoe gou a ka te rangata sila namoa limiou tara solor, te kato uanen teka ba solona e Tamar te solosei sila naroua i tar.

U Bulungana u Niga tere Iesu Kristo te kolotein e Jon 21:17

Ba e Iesu e rangata hatopiseiena e Pita me poeiena, “O Saimon, a pien tere Jon, alö e ngil hase moulia?” Ba torina e Pita e tiama koru tala mei te rangata hatopisa uu e Iesu me poeiena, “Alö e ngile moulia?” Ba nonei e poeiena tere Iesu, “O Tsunono, alö e atei silem a mamanaka hoboto, na lö e atei sil hasem alia e ngil korue goulö.” Be Iesu e poeiena i tanen, “Hanouri u sipsip i tar.

Aposol 1:24

Ba nori e singo uar tere Sunahan me poeier, “O Tsunono, alö a töa te atei silem a torir u katuun hoboto. Haröto ramei lam esi te ngile mölö tara huol a katuun teka.

Aposol 15:8

E Sunahan e atei silena a torir u katuun hoboto, bate haröto ranei ra nonei e haniga has rena a pala tema Jiu ri. Nonei e hala raneien u Namnamei u Göagono i tanen, e kato has uana temar hala mera neien ra.

U pas te koloto menai e Pol turu kristenira i Rom 8:34

Esi te tatei ranga nanou tegi lu menai ra u nihahuna? E möa tala! Taraha, e Iesu Kristo noa has te mate sil raioura. Ba nonei e takei pouts na tara tou mate i tanen, ba nonei ena kana tara pal matou tere Sunahan me singo hataatagi bera noura tere Sunahan.

Epesis 2:18

Turu Namnamei tere Kristo ara hoboto e antunan la hasukusuku uara tere Sunahan, taraha e Kristo e kato berai ra a ka teka.

1 Tesalonaika 2:4

E Sunahan e hala railam u hanhaniga tego rarare mei lam u Bulungana u Niga, na nonei e torohana raiou lam, tego matskö nitöa uu a torimulam tsi e möa, ba lam tema rarare uami temar ngil uaier u katuun. E möa. Alam e mar rarare uam te ngil uana e Sunahan.

Hibru 4:13

E möa ta töa ta ka tegi antunan hamous banai e Sunahan, taraha nonei e tarena a mamanaka na mamanaka hoboto e kana ielesala. E Sunahan puku noahas te antunan oneiena a mamana markato i tarara.

Jemis 5:16

E markato uana teka, ba limiou te hiahahatei namiou a manka man omi tu katoeiam limiou, ba töa te singo uana tere Sunahan bate singo beiena a tai. Te kato uamou limiou teka, ba limiou te niga pouts mou. Te singo hatagalana a katuun te nigana i matana e Sunahan, u singo teka e katoe nou a toukui pan.

Revelesin 2:23

Alia e atung hamate has ragou u katuun te kukutier a tahol teka. Ba u katuun hoboto te lotu ria tara solona e Kristo te atei sile riou alia e tara bubutegu a bakuna a katuun na i torinen has. Ba lia te hala ragi limiou romana a man tötöa u hamatana e popona tara manka tu katoeiam limiou.