U pas te koloto menai e Pol turu kristenira i Rom 7:7 - U Bulunagana U Niga

⁷ Aha tegi pei ra, a Lo tere Mosis e omina? E möa koru! A Lo tere Mosis ema markato a omi nei. Alia sanena ema atei silegi a markato a omi na tego ngil menai lia a manka tara taina katuun, tegoma pei menai a Lo tere Mosis alia goma mamangil nai a ka tara taina katuun.

U pas te koloto menai e Pol turu kristenira i Rom 7:7 Iomraidhean Croise

Matiu 5:28

Kaba alia e hatei ragou limiou, a tson te tara uana tara tahol bate ka mena u hakats u omi i torinen, nonei e kato hakape lala a markato a omi.

U Bulungana u Niga tere Iesu Kristo te kolotein e Luk 12:15

Ba nonei e poeiena i taren hoboto, “Hanei iam bate taratara kap namiou a peisa milimiou tara markato hoboto tara katuun te gulena a mamanaka. Taraha? A mouna a nitöatöa ema lue ria tara mamanaka a para te ka mena a katuun.”

U Bulungana u Niga tere Iesu Kristo te kolotein e Luk 20:16

Nonei e la nama romana batemi atung hamate ranen, bate hala mena nei romana a kuin grep turu katuun u niga.” Ba pöata ti hengo naia u katuun a ka teka ba nori e poeier, “U katuun egima tatei kato homi uai teka!”

Aposol 20:33

Alia uma kato sile ii tego lu menai ta moni tsi tu hasobö tara tana katuun.

U pas te koloto menai e Pol turu kristenira i Rom 13:9

U raranga u kapan te poeiena, “Alö go ngil koru menai a tana katuun temar ngil has mena milö a peisamölö.” U raranga teka nonei a mouna u raranga te poeiena, “Alö goma tsikolo ii. Alö goma hihipöli ii. Alö goma kop ii. Alö goma tortor sile ii a ka tara tana katuun.” Na a markato tego ngil menai lö a tai e mouna has uana tara palaina u raranga.

U pas te koloto menai e Pol turu kristenira i Rom 3:20

A katuun te kukutiena a mamanaka te ranga nena a Lo ema matskö neia i matana e Sunahan, taraha a Lo e haröto nena a katuun te kato homina.

U pas te koloto menai e Pol turu kristenira i Rom 3:5

Kaba te kato homi rara e haröto halesala nena e Sunahan te matsköna, aragi pei aha? (Alia e ranga heregi a katuun tuun.) Ga e niga hasina tegi pei menaira e Sunahan te kato homina te hahuna mera neien ra?

U pas te koloto menai e Pol turu kristenira i Rom 4:1

Gaha tegi tatei ranga naia ra tere Abraham e tuburara? Na saha niatei te ka meien turu nihamana?

U pas te koloto menai e Pol turu kristenira i Rom 4:15

Taraha, a markato tara Lo te tatei habutena a raharaha tere Sunahan. Kaba tega möa has ia ta Lo, bate möa hasina ta ka tegi peko mei a Lo.

U pas te koloto menai e Pol turu kristenira i Rom 5:20

E Sunahan e hala sile mei a Lo i tanen tegomi haröto meraien u katuun ti markato homi uaien, ba nori e töan kato koru lelir a mamana a markato a omi koru. Kaba a nihitaguhu tere Sunahan e tagala saluhe korueiena a man markato a man omi i taren.

U pas te koloto menai e Pol turu kristenira i Rom 6:15

U mana koru. Ara ema ka hamanasa talareia tara Lo, ara e ka talaria tara nihitaguhu tere Sunahan, ge hana, e nigana tegi kato meira a markato a omi? E möa koru lasi tegi tatei markato uu ra teka.

U pas te koloto menai e Pol turu kristenira i Rom 7:11

Taraha, a markato a omi e sabie a maroro tego gamo menaien lia. Na tara Lo a markato teka e kato here na nei lia a katuun a mate.

U pas te koloto menai e Pol turu kristenira i Rom 7:13

Kaba, ime koru te markato uanen? A Lo a niga koru te habuti a tou mate i tar? Emoa koru! A markato a omi te kato here nai lia a katuun a mate, te kui sila uen tara Lo a niga, bate kato silena tegi atei sil menaira aha nonei koru a markato a omi. Te markato uanen teka ba Lo tere Sunahan te haröto nena te omi uana a markato a omi.

U pas te koloto menai e Pol turu kristenira i Rom 7:5

Taraha, nonei tara pöata ti katoeiara a markatona turu ngilngilina i puta te hatakei a Lo tere Mosis, me hatakeiena u ngilngil u omi i tarara, me habutena a markatona tara tou mate.

U pas te koloto menai e Pol turu kristenira i Rom 7:8

A Lo tere Mosis e mar ranga uu teka ba markato a omi e sabiena a maroro tego hatakei menaien u mamana u ngilngil u omi i peisar, a markato teka e takui silaia tara Lo. Kaba tego möa uu ta Lo, ba markato a omi tema ka menei ta nitagala tega las menaien lia tara markato a omi.

1 Korin 15:56

A nikamits tara tou mate, a markato a omi, na markato a omi e luena a nitagala i tanen tara Lo tere Mosis.

Epesis 5:3

Alimiou u katuun tere Sunahan alimiou goma ranga has nami a tou tsikolo na u hirata u omi na te mamangil menari a mamanaka.

Kolosi 3:5

Alimiou go hanöan töa baneiam u ngilngilina i puta te kana i peisa milimiou: te tsikolo uaier na te hiakaka gono uaier, na markato a korkoriana, na markato na turu ngil u omi. Na limiou goma ngil bemi a peisamiou a manka tara palair u katuun. A markato teka e here nei a katuun te hatsunonena u kesa.

Hibru 7:19

A Lo tere Mosis ema kato hanige ii ta töa ta ka na ta katuun. Kaba a maroro a niga bala koru e butu hakapa, na ra e tatei la uara tere Sunahan te sila uara ra tara maroro teka.