U pas te koloto menai e Pol turu kristenira i Rom 7:18 - U Bulunagana U Niga

¹⁸ Na lia e atei silegu e möa ta ka ta niga tega kaia i peisar. Alia e ranga negu a man markato a man omina i puta i tar. E manana, alia e ngilin katoegu a man markato a man niga, kaba lia u möa ta nitagala tego kato meien.

U pas te koloto menai e Pol turu kristenira i Rom 7:18 Iomraidhean Croise

Matiu 15:19

Na manka man omi teka e la nama tara katuun: u hakats u omi na hipöli na tsikolo na kop na u ranga u gamo, na u tuts.

U Bulungana u Niga tere Iesu Kristo te kolotein e Luk 11:13

Alimiou u katuun u omi e atein hala noa has namiou a manka man niga tara galapien i tamilimiou. Na e Tamarara i Kolö te niga balana e hala has nanou u Namnamei u Göagono turu katuun te singor bate harangata ria i tanen!”

U Bulungana u Niga tere Iesu Kristo te kolotein e Jon 3:6

Aha te hatuhanena u tuenrei, nonei u tuenrei, na ha te hatuhanena u namnamei, nonei u namnamei.

U pas te koloto menai e Pol turu kristenira i Rom 13:14

Alimiou go katoeiam a markato tere Iesu Kristo a Tsunono. Alimiou ema tatei kukute lenemi u ngil turu tuenrei i tamilimiou.

U pas te koloto menai e Pol turu kristenira i Rom 7:15

Alia ema atei sil koruegi a saha ka te kato silegi lia a manka man omi. Ba lia tema katoegi a manka a man niga te ngilin kato negu lia.

U pas te koloto menai e Pol turu kristenira i Rom 7:19

Alia ema katoegi a ka a niga te ngilin katoe gulia. E möa. Alia e katoegu a ka a omi tema ngile gilia.

U pas te koloto menai e Pol turu kristenira i Rom 7:25

Alia e haniga uagu tere Sunahan, tara pien i tanen e Iesu Kristo a Tsunono i tarara te taguhe noulia. Ba lö te tare men turu hakhakats i tar alia e ngilin kukute korunegu a Lo tere Sunahan, kaba a peisar e tagala sil noa hasena a markato a omi.

U pas te koloto menai e Pol turu kristenira i Rom 7:5

Taraha, nonei tara pöata ti katoeiara a markatona turu ngilngilina i puta te hatakei a Lo tere Mosis, me hatakeiena u ngilngil u omi i tarara, me habutena a markatona tara tou mate.

Galesia 5:17

Taraha, u ngilngilina i puta e roron hiatatung mena u ngilngil turu Namnamei tere Sunahan, na u ngilngil turu Namnamei tere Sunahan e roron hiatatung has mena u ngilngilina i puta. Nori ema ron hianiganiga ri, ba limiou tema antunan katoe moi a ka te ngilin katoe milimiou.

Galesia 5:24

Na u katuun te ka uaier tere Kristo, a mamana markato a omi hoboto i taren na u ngilngilina i puta, nori i hakute gono meien e Kristo tara kuruse me matena.

Pilipai 2:13

E Sunahan noahas te kuina i torimilimiou bate taguhu ranou limiou tego kukute mena milimiou u ngilngil i tanen bate katoemiou a manka te hanige nen.

Pilipai 3:12

Alia ema peigi alia u kato hakapi a manka teka bate niga nitöagu. E möa. Alia e torohana noahasegu tego here menai lia a mar katuun te hopö kap sil mei lia e Iesu Kristo.

Taitus 3:3

Taraha, i manasa ara i hipus has bate kato hatutu hasira na palai i gamo has raioura. Na u ngilngilina tara mamanaka a nigana i puta e pile haröroto koru has raioura. Na mar nikaka i tarara e saputi a markatona turu hiomi na markato a omi. U katuun ima haniga rai ra, na ra ima haniga has raien.

1 Pita 4:2

Te markato tala uanen teka ba limiou tema tatei kato lenemi a markatona turu ngilngilina i puta. E möa. Na turu mamana u lan alimiou go markato las uaiam temar ngil uana e Sunahan.