U pas te koloto menai e Pol turu kristenira i Rom 6:3 - U Bulunagana U Niga

³ Alimiou ema atei silemi ti baptais iara, ara e ka gono mera e Iesu? Na pöata te mateien e here hasenei ara i mate ba hasiin a markato a omi,

U pas te koloto menai e Pol turu kristenira i Rom 6:3 Iomraidhean Croise

Matiu 28:19

Bora, alimiou go la uaiam tara man hun katuun hoboto tara mamana han bate kato ramien u katunun tsitsilo i tar. Ba limiou te baptais ramen tara solona e Tamar na tara solor, a Pien Tson i tanen, na tara solo turu Namnamei u Göagono i tanen.

Aposol 19:5

Pöata ti hengoeien u raranga teka ba nori e töan habaptais ria tara solona e Iesu a Tsunono.

Aposol 2:38

Be Pita e poeiena i taren, “Hapolasa ba neiam a man markato a man omi na man hakats a man omi i tamilimiou ba limiou tena habaptais mia tara solona e Iesu Kristo ba man markato a man omi i tamilimiou te luba nariou ba limiou te lue miou u Namnamei u Göagono i tanen.

Aposol 8:16

Taraha, u Namnamei u Göagono ema koul noa uamei i taren. I manasa nori i habaptais tuun mei a solona Tsunono, e Iesu.

U pas te koloto menai e Pol turu kristenira i Rom 6:16

Alimiou go atei sil haseiam, te hengo mena milimiou a töa katuun, ba limiou te kui pinopino tuun moa i tanen. Na te kukute mia limiou a markato a omi, ba nonei te piata mera noi limiou tara tou mate. Kaba te hengoe mia limiou e Sunahan bate kukuteimen, a nikaka i tamilimiou e matskö nitöana i matanen.

U pas te koloto menai e Pol turu kristenira i Rom 6:8

Na ti mate gono meia ra e Kristo, ba ra te töatöa gono has meren.

U pas te koloto menai e Pol turu kristenira i Rom 7:1

A matsi hahatoulana i tar, alia e koloto uagu i tamilimiou te atei silemiou a lo. Alimiou e atei miou, alimiou e ka puku las mia tara lo tara pöata te töatöa mia limiou. Kaba tara pöatan mate e möa.

1 Korin 10:2

E here nei nori i baptais hobotoia turu köasi na turu tasi bate pala tala uaier tere Mosis.

1 Korin 12:13

Na u töa u Namnamei ti habaptais iara hakapan töa me katoeiera u töa u tuenrei. U Jiu, na u Grik, na u katunun kukui puku, na u katuun tema kukui puku has ri. Ara hoboto i haua raia turu töa u Namnamei tere Sunahan.

1 Korin 15:29

Ga ime te markato ua nen. U katuun te luer a baptais tegi taguhu meraien u katuun ti mate hakapa e lu silerien aha? Tema hatakei pouts rari u katuun ti mate, u katuun e baptais sil rari aha tara solo ren.

1 Korin 3:16

Alimiou e atei sil hase miou alimiou u luman lotu tere Sunahan na u Namnamei tere Sunahan e kana i tamilimiou?

1 Korin 5:6

A nimasa i tamilimiou ema niga nei. Alimiou e atei silemiou u raranga te poeiena, “A tsitabubun is e hapanena a beret hoboto.”

1 Korin 6:19

U tuenrei i tamilimiou a luman lotu turu Namnamei u Göagono te kana i tori milimiou, u Namnamei te halani e Sunahan. U tuenrei i tamilimiou ema ka uanei i tamilimiou. E möa. E ka uana tere Sunahan.

1 Korin 6:9

Alimiou e atei sil hasemiou u katuun te kato homir ema tahongo ria tara Nipepeito tere Sunahan? Alimiou goma gamoemi a peisa milimiou. U katuun u tsiktsikolo na u katuun te hatsunoner u kesa na pal tson te hiasesein tsonur na touhaliou te hiasesei poutsur ema tatei tahongo has ria tara Nipepeito tere Sunahan.

1 Korin 9:13

Alimiou e atei silemiou u katuun te kui ria tara Luman Lotu Pan e lu haser a kannou i taren tara Luman Lotu Pan. Na u katuun te pepeito kap ner a makumun haats e lu haser a hatakatana a kannou te haats ba naier.

1 Korin 9:24

Alimiou e atei sil hasemiou turu resis u katuun te pipiatar e piata hobotor, kaba a töa puku tena lue nou a prais? Alimiou go piata here hase mi, alimiou tena lue mou a prais tere Sunahan.

2 Korin 13:5

Alimiou go tara pouts mia i peisa milimiou tego hamana hatagala noahas uaiam limiou. Tema sabie moi limiou e Iesu Kristo e kana i tamilimiou, alimiou e rus moa tara nitorohana teka.

Galesia 3:27

Alimiou tu lu hamaneiam a baptais tere Kristo, e katuun uamiou i tanen bate hakatsin töa namen.

Jemis 4:4

Alimiou e hapolasa ba namiou e Sunahan bate heremi a tahol a hitöl te kato homina. A katuun te ngilena a markatona i puta e kato homi hasena e Sunahan. Na lia e hatei ragi limiou, u ngilngil na markatona i puta e paköena e Sunahan.

1 Pita 3:21

U uolo e haharuei nena a tou baptais i tarara. U uolo e taguhir a pala tere Noa, na tou baptais e taguhu has ranou ra. E ma ka sile nei tega galus ba menaien u korkoriana turu tuenrei tuun i tarara. E möa. A tou baptais i tarara e mar mouna uana teka, e hateie nei e Sunahan a torirara ema kout raneira. Ara e tatei markato uara teka, taraha e Sunahan e hatakei poutsi e Iesu Kristo tara tou mate.