U pas te koloto menai e Pol turu kristenira i Rom 5:2 - U Bulunagana U Niga

² Na e Sunahan e haniga mera neira te hamana uarara tere Iesu. Ba ra te la hasukusuku uara tere Sunahan bate ka gono meren. Ba ra te sasaala mera te hahaloso mena reira a pöata tena ka gono meroara e Sunahan tara han a niga i tanen.

U pas te koloto menai e Pol turu kristenira i Rom 5:2 Iomraidhean Croise

Matiu 25:21

Ba katuun pan i tanen e poeiena, ‘E niga nitöana, alö a tson pepeito kap hamana na lö u kato hanigan töani a toukui i tamölö. Alö u tara kap haniga koruni a matsi topisa koru a mats ka, na lia e ha taratara kap tala nagi lö a mamanaka a pannen. Tasu hongo tala uu tara nisasaala tara katuun pan i tamölö!’

U Bulungana u Niga tere Iesu Kristo te kolotein e Jon 10:7

Be Iesu e pei lelena i taren, “U mana koru alia e hatei hamana koru ragou limiou, u katuun e hererari u sipsip na lia e heregi a tamana tara ololon sipsip.

U Bulungana u Niga tere Iesu Kristo te kolotein e Jon 10:9

Alia a tamana turu sipsip. A katuun te sila noua tara tamana teka ena niga nou, taraha alia e tara kap nagouen. Nonei e tatei tasu nama romana bate lakasa poutsuna batena höata lana.

U Bulungana u Niga tere Iesu Kristo te kolotein e Jon 14:6

Be Iesu e poeiena i tanen, “Alia a maroro, na lia a nimana, na lia a nitöatöa. E möa ta taiana ta maroro tego la u tere Tamar. Alia puku a maroro tere Tamar.

U Bulungana u Niga tere Iesu Kristo te kolotein e Jon 5:24

Be Iesu e poeiena, “Alia e hatei hamana ragou limiou, a katuun te hengoena u raranga i tar na te hamana hasena e Sunahan te tula namoulia e ka mena a nitöatöa te ka nitöana. Nonei ema la noi turu kout tere Sunahan. E manana, nonei e ka halhal ba mamin a nitöatöa tere Sunahan na e herei a katuun a mate. Kaba nonei e laba nema a tou mate teka na e aroho hakapa uu tara nitöatöa tere Sunahan.

Aposol 14:27

Temi butu talaien i Antiok ba nori e gono hoboto raier u kristen, ba nori e hahatei naier a mamanaka hoboto te kato be raien e Sunahan, me poeier, “E Sunahan e kalati a maroro turu katuun tema Jiu ri, ba nori te hamanar.”

U pas te koloto menai e Pol turu kristenira i Rom 11:20

E manana. Nori i peko ba merai tima hamana uaien. Kaba limiou e ka sila tuun mia turu nihamana. Bara! Ka haniga talaiam batema saalemi a peisamilimiou. E möa. Alimiou go matout iam.

U pas te koloto menai e Pol turu kristenira i Rom 12:12

A ka te hamana sile milimiou e tatei hasasaala ranou limiou. Te butuna u tori tiama, ba limiou te tuatamimiou. Alimiou go singo nitöa uaiam tere Sunahan.

U pas te koloto menai e Pol turu kristenira i Rom 14:4

Alö a saha mar katuun koru balö te ranga silemou a katunun kui tara tana katuun? A katunun hakui peisa i tanen te tatei poeiena, e kui hanigana tsi e kui homina. Na nonei e kato haniga nou, taraha a Tsunono e antunan taguhe nen.

U pas te koloto menai e Pol turu kristenira i Rom 15:13

E Sunahan e tatei hala ranei ra u raranga hamana tegi hamana sil menaien ra. Nonei e tatei kato hasasaala ranou limiou bate hala ranei limiou a masalohana te hamana uami limiou i tanen. Ba u Namnamei i tanen te hala ranoui limiou a nitagala tego hamana nitöa uamia limiou turu raranga hamana i tanen.

U pas te koloto menai e Pol turu kristenira i Rom 2:7

A palair u katuun e roron kato haniga siler tegi hapan meraien e Sunahan bate solosei ranen, na tegi lu menaien a nitöatöa teka nitöana. Ne Sunahan e hala ranouien romana a nitöatöa te ka nitöana.

U pas te koloto menai e Pol turu kristenira i Rom 3:23

U katuun hoboto i kato homi na ema antuna ria tara mar katuun te ngilena e Sunahan.

U pas te koloto menai e Pol turu kristenira i Rom 5:5

Na ra ema hahaloso pinopino rei, taraha e Sunahan e hala raira u Namnamei u Göagono me hala raneira u ngilngil te kana i torirara.

U pas te koloto menai e Pol turu kristenira i Rom 8:1

Ara u katuun te kagono mera e Iesu Kristo ema antunan lu narei tu nihahuna.

U pas te koloto menai e Pol turu kristenira i Rom 8:24

E Sunahan e lu pouts raioura ti hamana uu ra i tanen. Na te tare rara a ka te hamana sile rara, ba ra tema hamana sil lele reien. Taraha, a katuun ema hamana sil lele nei a ka te ka menen.

1 Korin 15:1

Na matsi hatoulana, alia e hatakei poutsegu u hakatsina turu Bulungana u Niga tu hatei nela lia i tamilimiou. Alimiou u lu hakapeiam u Bulungana u Niga teka na limiou e tuol hakarapoto mia i tanen.

2 Korin 3:18

Ara hoboto ti luban u kopo i matarara bate haröto nera u ualesala tara Tsunono. Na Tsunono nonei u Namnamei te hala raneira u ualesala teka. Nonei te hapalis mera neira tegi mar butu susul here menaien ra bate ka lel mera u ualesala pan.

2 Korin 4:17

Na matsi tabubun nomi te kana i tamulam e kato taatago ranei lam a nitöatöa a nigan töa te ka nitöana romana, a nitöatöa te pan bala nanou a mamanaka.

Epesis 2:18

Turu Namnamei tere Kristo ara hoboto e antunan la hasukusuku uara tere Sunahan, taraha e Kristo e kato berai ra a ka teka.

Epesis 3:12

Ba ra tema tatei matout tala rei, bate singo hamatskö uara tere Sunahan, taraha ara e hamana uara i tanen bate katuun has uara i tanen.

Epesis 6:13

Te markato uanen teka ba limiou te hake miou a man kaan hiatatung hoboto tere Sunahan ba limiou te tatei tuol hakarapoto mia tara pöata a omi bate tuol noa has mou tara pöata te kapana a hiatatung.

2 Tesalonaika 2:16

E Sunahan e Tamarara e tatei taatagi ranoura bate tami nitöana i tarara bate taguhu ranoura tegi hamana sil menaira a ka a nigana i murimuri. Nori mere Iesu Kristo a Tsunono i tarara e tatei kato hatamie ier a torimilimiou bate kato hatagala ranou limiou ba limiou te katoemiou a man toukui a man niga hoboto na man raranga man niga has.

Hibru 3:6

Kaba e Kristo, a Pien Tson tere Sunahan, e tara kap haniga rena u katuun tere Sunahan. Na tegi hamana haniga uu ra i tanen bate hamana silera a manka man niga i tanen, ara u katuun hamana i tanen.

Hibru 6:18

Na u huol u rangan hamana teka ema tatei palis nei, na e Sunahan ema tatei gamo has naneien. Na ka teka e hatagala koruena a torirara, ara u katuun ti la uu tere Sunahan tego hatongo kap meraien ra, bara te pile hakarapoto nera a markato te hamana sil mena rei ra a nihitaguhu tere Sunahan.

1 Pita 3:18

Taraha, e Kristo e sagoho kamits sil hasi a man markato a man omi i tarara. Na nonei e mate a töa puku a pöata. Nonei a katuun a niga te mate silir u katuun u omi. E kato sil tega peigi meraien ra tere Sunahan. A tuenreinen e mate, kaba nonei e töatöa mei a markato turu namnamei, batena rarariena u raranga tara man namnamei ti kaia tara makumun kits.

Revelesin 21:11

A taun teka e alesala mei u ualesala tere Sunahan. Nonei e kankanaha here ii a hatu a tsaspa te hol sei koruna bate tara butu here nei u galas.

Revelesin 21:23

Na e möa ta pitala na ta tsihou tegi piri uu tara taun teka. Taraha? U ualesala tere Sunahan e piri nitöana, na u lam i tanen a Tunan Sipsip.

Revelesin 21:3

Ba lia e hengoegu u ranga pan te butuma turu gumgum u göagono me poeiena, “Tara iam. E Sunahan e ka gono tala meraiena u katuun i tanen. Nori e pala uariou tere Sunahan na nonei e Sunahan uanou i taren.

Revelesin 3:21

A katuun te tagala saluhena, alia e haniga nagou tegona gum gono menaien lia turu gumgum u göagono i tar. Taraha, alia u tagala saluhe koru ba lia ena gum gono megu e Tamar turu gumgum u göagono i tanen.