U pas te koloto menai e Pol turu kristenira i Rom 4:6 - U Bulunagana U Niga

⁶ E Devit a King e mar ranga has uu teka, a katuun e tatei sasaalana te ngö mena neien e Sunahan a katuun a matskö i matanen batema hakats nanei a markato a niga i tanen:

U pas te koloto menai e Pol turu kristenira i Rom 4:6 Iomraidhean Croise

Matiu 25:19

“Ba i murina a pöata a ngahangaha koru, ba katuun pan turu tson pepeito kap teka e la pouts nama memi ase gono mera neien u moni ti lueien.

U pas te koloto menai e Pol turu kristenira i Rom 1:17

Taraha, u Bulungana u Niga e haröto nena te markato hamatskö mera nei e Sunahan u katuun i matanen tara pöata te hamana uaren i tanen, ba nonei te kato hamatskö ranen. Ba ka teka te taguhu ranen ba nori te hamana haniga koru lel ria i tanen. Ti mar koloto has menaien turu Buku u Göagono, “A katuun te matsköna i matana e Sunahan bate hamanana, a katuun teka te töatöa nitöa nou.”

U pas te koloto menai e Pol turu kristenira i Rom 3:27

Ara ema tatei pei lele rei, “Tara muma. Alia a katuun a matskö, taraha alia e kukutiegu a Lo tere Sunahan.” E möa. Ara e matskö las mera te hamana uarara tere Iesu. Te markato uanen teka bara tema tatei solosei lele rei a peisarara.

U pas te koloto menai e Pol turu kristenira i Rom 4:11

E Abraham e hapö hamurimurin a hatöatongo tere Sunahan, bate hatei tala nena e Sunahan e ngöeien a katuun a matskö te hamana uaien, ba nonei e töan hapö nena a hatöatongo tere Sunahan. E Sunahan e kato sile ii a ka teka tegi ngö menai e Abraham e tubur u katuun hoboto te hamaner e Sunahan be Sunahan te ngö raneien u katuun u matskö i matanen, noahasina tema ka merien a hatöatongo tere Sunahan.

U pas te koloto menai e Pol turu kristenira i Rom 4:24

I koloto has menai i tarara. E Sunahan e ngö has ranei ra u katuun u matskö te hamana uarara i tanen, nonei te hatakei poutsi e Iesu a Tsunono i tarara tara tou mate.

U pas te koloto menai e Pol turu kristenira i Rom 4:5

Kaba a katuun tema hakats hapara nanei a toukui a niga na markato a niga i tanen bate hamana tuun na tere Sunahan, be Sunahan te tarena u nihamana i tanen bate töan ngöe neien a katuun a matskö i matanen. Taraha, e Sunahan te tatei kato hamatskö hasena a katuun a omi.

U pas te koloto menai e Pol turu kristenira i Rom 4:7

“U katuun egi sasaala te luba menai e Sunahan a man markato a man omi i taren, bate solopale nen.

U pas te koloto menai e Pol turu kristenira i Rom 4:9

A nisasaala teka e la las uana turu Jiu, te ka mer a hatöatongo tere Sunahan? E möa. E la has uana turu katuun tema Jiu ri tema ka meri a hatöatongo tere Sunahan. Taraha, alia e ranga hakapa gula e Abraham e hamani e Sunahan be Sunahan e ngöe neien a katuun a matskö.

1 Korin 1:30

Tere Sunahan lahas bara te ka ria tere Iesu Kristo, na nonei e habutu sileien tego hala meraien ra a niatei. E Kristo nonei te sakahis raioura bara te katuun uara tere Sunahan. Nonei lasi a maroro a matskö na nonei te kato hagöagono raioura bara te katuun uara tere Sunahan.

2 Korin 5:21

E Sunahan e hasöatei e Kristo, tema ka korumei ta markato ta omi, a man markato a man omi i tarara. Ba tara markato teka e Kristo e hagogoso beraira tegi matskö uu ra tere Sunahan.

Galesia 3:14

E Kristo e markato uu teka ba u katuun has tema Jiu ri te kalala sila raria tere Abraham ti hamana uaien tere Iesu Kristo. Nonei e markato uu teka ba tara nihamana i tarara bara e luera u Namnamei u Göagono tere Sunahan ti ranga hamana nen.

Galesia 4:15

I manasa ara i ron sasaala hoboto koru. Ga i romana aha te omi tsiponina? Alia e hatei ragou limiou, i manasa alimiou u ngil korue moulia. Alimiou sanena tego antunaiam, ba limiou te hase miou a mata milimiou bate hale mien lia.

Epesis 1:3

Ara u katuun tere Kristo aragi solosei e Sunahan, e Tamana e Iesu Kristo a Tsunono i tarara. E Sunahan e hala ranei ra a mamanaka a nigana i Kolö, a mamanaka turu Namnamei, na u bulungana teka e kato hasasaala koru ranoura.

Pilipai 3:9

Alia e ngilegu a peisar ega ka nitöa uu tere Kristo tara mamana nikaka tar i puta. Alia ema tatei pei lenegi alia a katuun a matskö te kukute mena gilia a Lo turu Jiu. E möa. Alia e tatei poeiegu e Sunahan te kato hamatsköe ialia i matanen, taraha alia e hamana uagu tere Kristo.

2 Timoti 1:9

Nonei te lu pouts raiou ra na te ngö has raioura tegi katuun uu ra i tanen. Nonei ema kato mei a ka teka ti kato haniga uu ra. Emoa, kaba turu ngilngil peisa i tanen ba nonei e taatagi koru ranoura me ngö ranoura i mamuna pöata.

Jemis 2:18

A töa katuun e tatei poeiena, “A palai e hamana hanigar na palai e kamer a markato a niga.” Kaba, te hamana mia lö batema kamemi ta markato ta niga, ga ime temar atei sil megoi lia u nihamana i tamölö? Kaba, alö e tatei tara sila namia te hamana haniga uagu lia, tara markato i tar.

2 Pita 1:1

Alia e Saimon Pita, a katunun kui na aposol tere Iesu Kristo. Alia e hala menagi u pas teka i tamilimiou u katuun te hamana gono mera moulam. Ara e ka hoboto mera a nihamana te hala raira e Iesu Kristo na e Sunahan a Tson Hitaguhu i tarara. Nonei tara markato a matskö tere Iesu Kristo ba nonei te hala ranei ra u nihamana u niga.